220k challenge
2B | +1% better 2day | ch.001
Би амьдралдаа яаж сэлэхийг 🏊♂️ заалгаж байсангүй. Гол, нуур, далай гурвын гүехэн хэсгээр нь орж хорхойгоо дарчихдаг. Усан бассейнд бол үсчиж дэвхцэн “сэлдэг” байлаа.
Харин саяхан нэг надад боломж олдсон юм. Надад ч юу байхав ажлынхантайгаа хамт 220к Wellness Center-д фитнесс болон усан бассейнд хямдралтай хичээллэх боломж.
Хэдий хямдралтай байсан ч миний хувьд 1 сарын хугацаанд төлж байсан хамгийн өндөр төлбөртэй сургалт болсон. (ер нь төлбөртэй юманд сууж байгаагүйм шиг байгаан 😂😂😂)
- Энгийн үнэ : 350k = Фитнесс + Бассейн
Зорилго 🎯
Энэ удаагийн #challenge маань үндсэн хоёрхон л зорилготой.
- Эхнийх нь мэдээж сэлж сурах
- Дараагийнх нь 7 хоногт дор хаяж 3-н удаа сэлэх
Нэгэнт л төлбөрийг нь төлөөд явж байгаа учраас ёстой л “мөнгөндөө тааруулж иднэ” гэдэг шиг боломжтой үедээ, тасралтгүй хичээллэхээр шийдсэн минь тэр л дээ. 💰🔁
Төлөвлөгөө 📝
Цаанаасаа бассейнд орж болох өдөр болон цаг нь тодорхой болохоор түүндээ тааруулж, мөн өөрийн ажил, амралтаа бас бодолцон төлөвлөгөөгөө гаргалаа.
- Давтамж : 7 хоногт хамгийн ихдээ 4 удаа
- Цаг хуваарь : Ажлын өдөр 6-21, амралтын өдөр 10-18 цаг хооронд
- Боломжгүй : Сурагчид хичээллэдэг цаг
Дээрх цагийн хуваарь болон өөрийнхөө бусад үйл ажиллагааг бодолцон хуваариа гаргалаа. Орой гэрлүүгээ яарах хэрэгтэй болохоор ихэнх өдрүүдэд өглөө эрт явахаар төлөвлөсөн. Зарим ганц 2 тохиолдолд цайны цагаар гэж тооцоолов. (манай компанид байдаг MyTime боломжийг ашиглаад)
Уул шугамандаа амралтын 2 өдөр, Лхагва гаригт заал авдаг болохоороо дунд нь нэг өдрийн зай гаргаад Мягмар, Пүрэв гаригт гэж төлөвлөсөн байсан ч бодит байдал 👆👆👆 дээрээ шал ондоо байсныг дээрх зурагнаас харж байгаа байх.
Бэлтгэл
Усан бассейнд ороход шаардлагатай хэд хэдэн зүйлс байдаг.
- Шинжилгээ : Эрүүл мэндийн шинжилгээ 35к
- Хувцас : Шил, малгай, плавка
- Ариун цэвэр сахих : Алчуур, шампоон, саван, бие угаагч
Тэгээд энэ хэдийгээ хийгээд явах спорт цүнх байхад л бүх юм бэлэн боллоо гэсэн үг.
Явц
- Эхний 7 хоног : Амьсгал авах, гар хөлийн техникийг (далайц & ээтийлгэх) багшаар заалгууллаа. Эхэндээ хурдан явах гээд тийчгэнээд л байдаг байснаа бага багаар тайвширч, гар хөлийн хөдөлгөөнөө ээлжлүүлэн гулгадаг болсон. (3️⃣сек)
- 2-дох 7 хоног : Амьсгалаа гаргахгүй байвал живэхгүй гэдгээ ойлгосон 😋 өмнө нь шууд гаргаад л яваад байсан буруу юм байна лээ (живнэ). Уснаас толгой гаргахаас өмнөхөн бага багаар гаргана.
- Сүүлийн хагас : сайн бэлтгэл хийж зүгшрүүлэх хэрэгтэй. Доошоогоо харж ташаагаа доош живүүлэхгүй сэлэхийг сурсан. Бас урагшаагаа харах гээд байдаг instinct-ээ дарж чадсан гэхиймуудаа. Шууд л урагшаагаа харах гээд байдаг юм байна лээ. ⏬
Үр дүн
- Амьсгалын техник (ам > хамар)
- Гар хөлийн хөдөлгөөн (ээлжлэх)
- Хөл ээтийлгэх (удаан > хурдан)
- Гулгах (3 сек)
Техникээ сайн сурсан бол дахин2 давтаад л сэлээд байх хэрэгтэй. Хурдан, хол явахдаа биш ЗӨВ техникээр сэлж сурах нь илүү чухал. Ер нь бүх л юман дээр ялгаагүй ийм байдаг байх. Тэгэхгүй бол тоон дунд үсэг гэдэг шиг цүл-пал гэсэн нөхөр болох вий.
Анхаарах зүйлс :
- Гарны далайц хэт их биш
- Толгой доош харах (ташаагаа живүүлэхгүй байх)
- Тэгш сэлэх (гар-нуруу-хөл нэг шугам)
220k-ийн хувьд хамгийн том давуу тал нь өглөө эрт 6 цагаас ажиллаж эхэлдэг нь байлаа. Нэгэнт л өглөө унтаж л байдаг болохоор оронд нь 1 сарын турш үүрийн таван жингээр босч 1 сар хичээллэсний эцэст мэлхий сэлэлтээр бараг л “мэргэшив”. 🐸 Бассейний нэг захаас нөгөө рүү 25 метр урт замыг нэг амьсгаагаар туулдаг болсон нь миний хувьд хувийн шинэ РЕКОРД байснаа нуух юун.
🥇 Ирэх жил РЕКОРД-оо ахиулна аа.
Миний зүгээс усан бассейн + фитнесс 2-ыг хослуулах гэж оролдсон боловч биед өгөх ачаалал бас цагийн хуваариа тохируулахаас эхлээд асуудалтай юм билээ. Аль нэгийг нь л сонгоод дагнасан нь илүү үр дүнтэй санагдсан.
За тэгээд зарим нэгэнд нь хэрэг болохуйц юм бичсэн гэж найдаж байна. Буруу зөрүү юм байвал засаад хэлээд өгөөрэй.