Deep Learning UB 2021 — summer school : Day#2
2B | +1% better 2day | ai.006
Өнөөдрийн хувьд бэлтгэл семинар буюу Google Colab дээр Python хэрэглээ, numpy, scipy, pytorch сангуудын хэрэглээний талаар үзлээ. Семинар #2-г AbilityLab-н Ононцацал, АндСистемс-н Билэгсайхан 2 хариуцаж явуулсан.
GitHub repository дээр бэлдсэн .ipynb файлуудыг татаж аваад өөрийн Google Drive-луугаа upload хийнэ. Түүний дараа шууд Open with → Google Colaboratory гээд нээж болдог.
За тэгээд 0.Introduction.ipynb notebook-н эхний хэсэг нь Python-ий хэрэглээ болох хувьсагчад утга оноох, тооцоолол хийх, төрөл шилжүүлэх, string-тэй ажиллах, list-тэй ажиллах зэргийг туршиж үзэх дасгал ажил байна лээ.
Дараагийн 3 хэсэгт Numpy, Pandas, Scikit-learn болон PyTorch 4-н дасгал ажлуудтай.
NumPy (Numerical Python) нь Python-ы хамгийн суурь сан бөгөөд вектор, матриц дээр хийгдэх математик үйлдлүүдийг хийхэд зориулагдсан. NumPy-г ашигласнаар бичсэн код илүү богино болох давуу талтай. Мөн зарим тохиолдолд илүү хурдан ажилладаг. #гэнээ
NumPy дээрх array-н үйлдлүүд, broadcasting, boolean indexing зэрэг үйлдлүүдийг бас дасгал дээр хийсэн. Жишээ болгож 1 мөр кодонд 2, 3-н үйлдлийг хийж байгаа жишээ гэвэл…
Pandas нь өгөгдлийг хувиргах, хурдан, хялбараар удирдах, нэгтгэх, дүрслэхэд зориулагдсан. DataFrame үүсгэх, melt, pivot, concat, CSV-ээс import хийх болон дээр нь хийж болох method-уудыг харуулсан.
Google Drive import хийх үед authorization шаарддаг тул дараах зааврын дагуу зөвшөөрөх хэрэгтэй.
Scikit-Learn нь NumPy, SciPy & Matplotlib-г дээр суурилж хийсэн хамгийн түгээмэл Машин сургалтын сан. Машин сургалтын үндсэн алгоритмуудыг дотроо агуулсан бэлэн байдаг.
PyTorch нь Torch дээр суурилсан, нээлттэй эхийн сан юм. Өгөгдлийн бүтэц нь NumPy-тай төстэй tensor-той бөгөөд Numpy-ndarray-руу хялбархан хөрвөх буцаад NumPy ndarray-аас Pytorch Tensor луу хөрвүүлэлт хийхэд маш хялбархан юм.
Энэ эхний notebook-ээс гадна дахиад Exploratory Data Analysis (EDA) болон Data Visualization гэсэн 2 ч notebook байсан бөгөөд 2 цаг 30 минутад харж амжаагүй тул өөрсдөө гэрийн даалгаварт ухаж төнхөөрэй гэсэн.
За тэгээд Day#2 нэг иймэрхүү. Эхний өдөр сууриа тавьсан бол өнөөдөр гараараа “юм” хийж турших өдөр байлаа.