رعبوب نوره كما نور البــــدر وانـــــور =

والخد لا شمــــــــــس لا جنديل لا بــدري

احمر مع اصفر جماله فايــــج المنظــــر = نوره غشاني كا أنــه ليلـــــــت القـــــدري

وحياي مقرون من فوق الجبيـن اسمــــر = والعين دعجا وســــودا كنهـــــا حبـــــري

والخد لا مــاس لا مرجــــان لا مرمــــر = أصفا من العـــــاج والبلــــور والتبـــــري

والثغر يزهي بحص من لوالــــي الــــدر = بين اشفتيه الشفــــا والريـــــج كلقطــــري

ومعنقه عنق ريـــم خــــص زول وفــــر = ما حيد الشوف وهـــوه جافــــــل نفــــري

والنهد مزموم من شوب القظيب اصغــر = ما مسه اللمس كلفنجال فــــي الصــــدري

والردف نابي يهين الكشـــح والمظمــــر = ومعزل الوســـــط وقمـــه فترلو شبــــري

والد مملاي ميــــاس الفنـــــون اخظــــر = لا هوب ظخم ولا طـــــول ولا قصــــري

يمشي جدر من سكرة الكيف لي خطــــر = ون ثار يمشي اجدامــــه بالدجا تصــــري

لا هند لا مي لا ليـــــلا الــــذي تذكـــــر = يخلق شراتــــه ولا عينـــــت انا بشــــري

عاشة قبله وعقبه فــــــي زمـــــان مــــر = ولا غير حبه يا ملا عـــــــذب الجمــــري

سقاني ثمان اسنين من مبسمـــه كوثـــــر = وعشر سقاني علقـم المــــر والصبـري

ون مر تذكاره علـــى القلـــــب وتذكــــر = بحرت دموعي على صفح الوجن تجــري

أفري الظيج عنــــد النـــــاس وتغشمــــر = ويحد عوقي ومن يعلم ومــــــن يــــــدري

متا متا كسر قلــــب الصـــــب يتجبـــــر = ويعود لي عقب ذاك الصـــد والهجـــــري

الناس ترقد ونا بنـوم العبـــــاد أسهــــــر = مغبون قلبي وظايــــع يا مـــــلا فكـــــري

ليمادرو وقالوا الجمري زمانــــه مـــــر = ونا بهوايه كأني اليــوم فــــي عصـــــري

والحب والعشق عنــد النـــاس ما ينكــــر = ونا عرفت الهوا من يوم فــــي صغــــري

واللي شراتي أمصوب يا مـــــلا يعــــذر = لولا المحبة فــــلا سجــــلت أنا شعـــــري

((الشاعر الجمري))

Show your support

Clapping shows how much you appreciated Abdullah AE’s story.