Archive — Secret Post
對一篇1999 Secret Post 的回應
想回應番嗰篇好1999嘅文，言詞應該有啲激動，希望 admin 可以 post 啦。
// 係到又想屌鳩班 DSE 雞，未撚成日係到怨三怨四啦，
補習見到嘩! 屌你丫，咁撚淺既，你條粉皮仲要題題要我幫你計先識，
老老柒柒，你地依家咁既質素都做到大學生，真係無天理。
科大肯收容你，仲想點啊，執到啦，仆街!!! //
懂得尊重人嗎？人的質素只用識唔識計數黎定斷？有啲人係19 DSE制度下入左黎讀自己唔鐘意嘅野，可以體諒一下嗎？知你威威成績好喇。原文送返比你：「老老柒柒，你依家咁既質素都做到大學生，真係無天理。」
利申：成績OK
// 讀個科大啫，你駛唔駛咁脆弱啊，仆街仔~ //
當個制度有不公，唔鬧得！？你呢種態度係面對惡劣嘅環境，只用自己嘅強大適應能力「包容」，仲自以為呢種能力好威。政治冷感就係話緊你。
當而家科大咁多問題比人屌緊，如果你仲可以承受得起，你就當我係脆弱承受唔起啦：
1. HALL 政猛於虎，不解釋
2. 科大嘅教育係培育緊工人，而唔係一班懂思辨嘅社會領袖。當HUMANITIES 係應該教人反思自我或社會嘅時候，Huma 1000叫你用academic writing style寫文，我讀多個iLang 唔好！？要特登讀HUMA！？
「做人的最高基礎在求學，求學之最高旨趣為做人」－中大新亞學規。
請想想大學的教育應是如何；
當STANFORD有科叫Introduction to Mathematical Thinking 嘅時候（Coursera 有得免費讀），科大嘅1013、1014甚或似乎並冇任何一科係教你數學的本質，或應點思考、分析一個問題（小弟都唔知）。咁同中學嘅DSE填鴨教育有何分別？科大應正名為「科大研究學院」lol。 3. 追求MIT形式氣氛、研究形大學制度下（雖然唔少U都係咁），科大嘅學生得唔到關心，好多PROF只能吃力自己嘅paper，同學生冇交流。這是制度問題，也是各地的問題。
但中大有位名為周保松的PROF會與學生坐在草地講課，探討生命的學問，會邀請學生一同聚餐，上他家中飲酒，希望能在他們的人生旅途上扶助一把。我不奢望科大能做到這樣，但是不是可以多關心一點，而不是把我們當作工具，灌輸一式一樣的知識，只為社會上的工廠提供工人。（but give credit to 少量仲係有心嘅PROF）。
4. 暫時未諗到咩大問題，但個人很注重一所真正「大學」的教育質素。但大家可以諗下科大而家仲有咩問題，仲可以點改善。
// 講真，你揀人，人揀你啫，
問心，唔講樣，依樣野天生既，
你實力有幾把炮先，談吐如何，
與其將責任推諉俾科大，
你自己有無諗過自己，有咩改善空間。//
認同應該增值自己，但同時科大有啲野真係抵屌咪要屌囉
其實唔係單單想回應之前個篇19文，而係一路以黎嘅好多POST。
唔該咁多位大學生思考一下大學的真正意義，是為社會提供人才、領袖，還是工人，又諗下自己人生嘅意義，咩值得追求，咩唔值得；先不談社會上種種政治問題，面對校內不公平嘅制度，如果仲係安坐家中，或屌SU唔幫你做野，奢求上天𧶽你解決方法，或用你強大嘅適應能力包容，然後話適應唔到嘅人脆弱，我都無話可說。
六四剛過，當年許多大學生也是前途無可限量，卻願意站出來為社會種種不公義之事抗爭。各位雖然是頂著偽亞洲第一學府之名，但唔該都反省一下你的人生，係咪只為讀書，只為賺錢買樓享受。當在你安睡之後，還有千萬人生活在撿紙皮，撿破爛的世界，你又可如何不成為資本主義的奴隸，剝削窮人？
請走出科大，多閱讀，想想你是身處在一個怎樣的時代，應如何活，才不致浪費你的大學生活，甚至你的數十載人生。
「未經反省的人生，是不值得過的人生」－ 蘇格拉底
延伸閱讀：周保松 <道別1095>
Sor for 1999
“想回應番嗰篇垃圾抒情文，言詞應該有啲激動，希望 admin 可以 post 啦。
我想講既野好簡單，的確好多人好唔滿意科大既環境，
其實我第一年都係咁諗，亦都認同科大人的確缺少一啲人文氣質，
平時言談當中又的確圍繞成績為主，
我都係讀 ENGINE，我理解有時係到讀書真係好大壓力，
我仲要係讀 ENGINE 之中既大大佬，土木工程 Yeah!!!
無錯，如果當初有得揀，係人都想讀港大中大啦，屌你老母~
我係到唔係想同人講，我好享受讀科大、
亦都唔係想屌鳩人，你讀唔撚掂就走啦，厭三厭四，正仆街!!!
通通都唔係，
我想講既只係，我係依三年留意到既野︰
唔知大家仲記唔記得，有篇潮文係講 “”識揀一定搵土木工程做仔””，
我自己就好鐘意依篇野，
一來，你知丫，我讀土木嘛，
本身有型又米八靚仔，一出黎就兩皮幾野，同時食兩三條女仲得，
篇野真係絕對中肯架~
二來係篇野既背後既思路。
其實，人生有幾多時，係真正做到無悔呢?
第一年好多身邊人，入到黎唔知自己做乜，又唔知自己想點，
一味屌柒科大，又唔撚反省下自己咩料，
我自己嗰時本身都薯薯吓，人云亦云，
係依個紛圍下，本身己經唔撚開心就更鳩唔撚鋸，
點撚解，我公開試成績係唔差架，係唔夠好啫，
但我靚仔喎，無理由要同你地班仆街毒撚過三年，
我要 U-life，我要食囡囡，日日要好似班港女咁 up 相上 fb，
話俾全世界知，我生活得好精彩，
而唔係戴住個頭盔，好地地放假仲要番黎上乜柒 training 屌~
又要威又要戴頭盔，仲要 up 埋做 profile picture。
我後來明白，係人既欲念太強，總把事情想得太美好，
最後，希望同結果既落差，未搞到自己唔開心。
好多時我地，由中學到大學，簡直係一條大直路，
根本無野好煩，唔好同我講咩公開試，係人生既尺度上，根本不值一提。
係到又想屌鳩班 DSE 雞，未撚成日係到怨三怨四啦，
補習見到嘩! 屌你丫，咁撚淺既，你條粉皮仲要題題要我幫你計先識，
老老柒柒，你地依家咁既質素都做到大學生，真係無天理。
科大肯收容你，仲想點啊，執到啦，仆街!!!
好，講番正題:
結果一切黎得太理所當然，無黎挫折，
米入到黎科大，未如預期，咪好似個個食左屎咁，
陏啲就大文豪上身，憂憂不得志，屌你真係 ON9 無極限，
讀個科大啫，你駛唔駛咁脆弱啊，仆街仔~
講真，你揀人，人揀你啫，
問心，唔講樣，依樣野天生既，
你實力有幾把炮先，談吐如何，
與其將責任推諉俾科大，
你自己有無諗過自己，有咩改善空間。
好，都費撚事再打。
對唔住，話到明唔係想屌鳩人，
但打打下真係忍唔住，
無計，咁多間 U 真係得科大人咁唔爭氣，
成鳩日屌撚柒科大，
真係柒到出汁。
當然，有野真係真，
好多科大人本身係自己間中學，其實都係二線兵
入到黎適應唔切都無可厚非，
本身係中學都唔係成日出聲咁，
不過，我唔會覺得有咩問題，
人地可能係唔撚鐘意同你 SOCIAL 唔得既，
係都要哂時間應酬你既;
有啲就覺得自己公開試失手、又覺得成績應該可以再好，
唔知係咪咁就，成日滿懷心事，無心情識人咁，
咁咪仆街囉~ 惡性偱環，個個咪越黎越毒。
有心情先再打丫，等睇 comment 再回應，係咁。”