【業界內探】中小型出版社們，請唔好自貶身價

因為一犯賤，你就返唔到轉頭。

近日，某朋友收到一份行內Email，內容大概係：

「不如我減少少折頭，你幫我啲舊書鋪下枱呀？」

我朋友根據商業原則就一定話：「好呀！」

但到最後，書店照擺
你價照減，但銷量依然係咁差（賣得一兩本）

中間發生咗咩事？

▎一，書店擺唔足
香港地，上有政策，下有對策，是常識。上頭落order，手下做一半。所謂「擺抬」呢個訊息，去到前線就會變成「是旦拎兩本落黎啦」，甚至無咗件事。

▎二，書類問題
書，係唔會因為擺咗上枱就會變成暢銷書。
唔係本本書都有「暢銷書」嘅特質。你賣文化研究／文學類，就注定細水長流，唔同熱賣一時嘅暢銷書，有擺枱就即時有貨返。
有時，做書都要認命的。

▎三，嘿嘿，被私吞了
你嘅折頭，係有可能畀某中間組織所私吞。書店亦因此根本唔知有減價。

▎結果，你只會愈來愈賤。
你諗吓，當你啲書要減價先賣到，甚至連減價都賣唔到，你下次仲搵咩去同人deal? 減價戰，愈做愈賤。

但你就問，香港基本係得一間書店架喇，我唔減畀佢谷銷量，點做呀？

方法有好多，睇你有無心做。

▎一，自家網店，自家網上營銷
近年唔少出版社，都砌咗自己嘅網店。有時網店嘅價，甚至比書店低，根本唔洗睇人臉色，自己書自己賣。

例子有天窗出版

▎二，你嫌麻煩，可以畀少少錢，試吓人家網店，人家網上營銷
近年香港都多咗唔少發展緊嘅網上賣書平台。