Maientiet

Platt ut Abschlau (Plattdeutsch aus Albersloh):

In usse Kinnertiet gaw dat in’n Mai jeden Aomd nao dat Aomdiäten ne Maiandacht. Usse Vader liäs ut de Bibel dat eene of dat annere vüör. Een Spruch ut Lukas 23,31 is mi noch vandage in’t Aor:

Wenn das am grünen Holze geschieht, was wird dann erst am dürren geschehen….

Min Vader was een Mönsterlänner, de ümmer bloß platt kürt häw. Dat Haugdütschke ut de Bibel was nich so sien Ding. Dat „G“ ut de dütschke Spraok wüör dann ümmer een „Ch“: Dat hör sick dann so an:

Wenn das am chrünen Holze cheschieht, was wird dann erst am dürren cheschehen…

Vandage häbt wi dat Haugdütschke richtig in de School liärnt un een Mönsterlänner kanns du nich mäer an den Buchstaben „G“ uutfinnen….

(Niesgirig wuorn? Dann klick up mien Beld of up mien Naomen. Neugierig geworden? Klick auf mein Bild oder meinen Namen).

One clap, two clap, three clap, forty?

By clapping more or less, you can signal to us which stories really stand out.