這篇其實想發牢騷，但也想寫點人生事。唔專心
首先， 呢個係基本駕駛態度 。我明白生意要緊， 但係喺車上面見到司機位有超過3 部電話，我又如何放心坐車呢？更甚的我見過超過8部電話！仲要在高速公路錄音、打字、講電話，只覺幸好我冇見過玩pokemon！作為乘客在車上我只求安全快捷到達目的地，作為司機我想也是安全快捷輕鬆地賺錢，不過是不是駕駛太悶？還是太缺錢要用8部手機招攬生意？其實不是每次只能賺乘客一程的錢嗎？
駕駛技術惡劣
剎車 — — 「有香港腳？用愛膚堅啦」 呢一句相信大家都耳熟能詳， 其實每一次我見到啲司機我都想問佢使唔使用愛膚堅。 我哋呢啲司機嘅駕駛技術感到十分不解，有咩令佢要不停咁踩踩下印下印下個油門？ 唔可以定定地咁踩咩？ 我好記得我考車牌嘅時候， 極力子轉得少少唔好，個考牌官都望我一下， 扮晒嘢咁chok自己個頭 ，好在我最後一take pass 。 如果佢哋見到呢啲咁嘅的士司機， 個頭應該chok到死。
除咗以上講既chok 下chok下，仲有左右扭個軚盤，其實呢個都好可怕， 你唔知佢幾時會chok到轉埋線，會 chok到剷左去邊度 。 其實係咪隻手太得閒， 要搵啲野扭下郁下先開心？另一樣野就係行唔到直線，行行下可以壓左去另一條lane 度，痴線咩大佬，如果腦有事唔該去下睇醫生同埋唔好揸車，會死人。
係咁講野
呢樣野多數出現係 uber 司機，唔知係咪因為佢有個寫明good conversation 既牌仔。我係香港同台灣都成日坐 uber，如果係香港呢我就好討厭個司機同我講野，一來我想坐車時個人放鬆少少，二來我都想佢專心揸車。講真，三唔識七，做乜係咁講自己野？雖然我做開對人工作，但唔代表我好中意係咁講野⋯⋯ 不過咁，對我來講如果係台灣，我就幾中意司機同我講野，因為我想了解多D台灣，就係要周街九唔搭八都揾人講下。不過呢，其實佢係咪talkative 其實我都唔會改變我比幾多分佢。
錯地點
呢樣野唔知係咪唔識揸車定點⋯⋯？唔係想 labeling ，不過我見大部份都係的士司機/職業司機都唔識睇 google map ，明明point 左去個位上車，又打來問又剩，然後又話揾唔到你，叫你行 九條街揾設佢⋯⋯ well ，其實我一係趕時間、一係想舒舒服服咁坐車， google map 都唔識睇你點揸 uber ？不如揸返你雞記貨van 算啦 ！
仲有好多，架車臭既、有蚊、有蜘蛛我都試過，差D撞車我又試過，好在試過真撞。
做人與揸車價值所在
其實 Jo 仔我唔太想labeling ，又唔想太cheap咁講，不過世界真係咁。你可以選擇join定唔join，或者改變呢個世界，不過好多人唔明個世界，懵下懵下就一世，不過如果真係咁又幾好。
揸車我見過好多揸得好好，其實我都有車牌，不過香港揸車就真係煩，又哂錢，其實差唔多日日坐的士都未必貴過揸車，所以點都唔會揸車，除非我財務自由左。但係咁，揸得職業車就唔該專業少少。好多都揸左幾十年，係咁 chok chok 想點先？
chok chok下、求其揸、種種問題，點會有人想再坐你架車 ？我試過好多年前個時未有車牌，係日本一次奶野，仲要係日本鄉下坐遲左班火車，福島縣鄉下，相信好多人都未去過福島，咁大家都知道有幾鄉下啦，OK 咁點算？好在都坐到最後一班，但就要轉的士去酒店了，如果唔係就要拎luggage 行45分鐘山路去酒店。然後老友介紹下，不如試下坐下的士啦，橫掂又真係未坐過。我個人呢就冇乜安全感，尤其我又太識講日文，日本鄉下的士大叔你唔係期望佢識講英文呀？不過呢，真係好 impressive，我show左個酒店名比佢，show埋Google map 比佢睇，佢都諗左一陣又睇左一陣地圖(只係用左唔多過10秒)，佢即刻同我地confirm 到地址，然後就送到我地去酒店，又幫手落行李又開門咁。如果比著香港既元朗洪水橋的士司機會點？真係嚇得死人⋯⋯咩叫做專業服務，咩野值得，大家心中有數啦。
香港人就係咁，鐘意走精面，唔夠叻走唔到精面都唔認命，點都要懶懶下，懶左就當賺左咁，懶左當叻左咁。相後，日本人幾十歲，著住筆挺西裝去為你揸車，架車冇chok chok下扭扭下，冇印腳，又鞠躬又幫你拎野，表現又humble⋯⋯ 邊個值錢？
不過咁，講值唔值錢呢樣野，人始終都係人，工業革命後就開始想用機器取代人，人始終係最貴，你見日本幾多話用汽水機就知啦，賣野都唔想用人手賣野。大家都明，遲早自動車會取代的士。早前睇新聞就知今年年尾英國批自動駕駛，咁我係Uber 公司既話，司機都唔洗啦，直接買車係個city入面自動駕駛就賺錢了，好似之前個D 共享單車咁，仲洗好似以前咁去唔知大圍邊度邊度先有車租？周圍都有，仲要隨便係邊度還車都得。
扲荷包買野呢樣野，你一定計返講值唔值錢，就好似的士司機咁。如果你係老闆，其實都一樣，你以為你日日返工係度懶懶閒，老闆睇唔出？老闆點都會問點解自己要比錢一個懶懶閒既人，扲荷包既野真係少錢多錢都會度下。一個人一成不變、越做越懶越做越差，唔改變下只會被世界淘汰。
