職業病?
最近天氣轉熱,涼風不再,濕度亦有顯著的上升,彷彿又一個乾季的結束。每天望著藍天沒有白雲,等待第一場雨的來臨,距離落出雨的日子還有好幾個月,中間就係無止境的build up。人亦因此變得懶散,除左番工之外,什麼都提不起勁,放假亦只係閒hea家中。
作為廚師,很多同事平時在家都會自己煮,因為自己可以煮到最合適的口味和菜式;但我就好鍾意出街食。在香港學廚時的老師時常掛在口邊的,多出去食他人的料理,試別人的菜式,先知道時下流行什麼,亦從此學習他人的好。呢句簡直係畢生受用,實情我懶,我放假只少有一餐會出去食,一餐自己煮或者去兄嫂家痴餐,家常菜不是我強項但專業的家庭煮婦呀嫂煮得比我好好多,尤其是中菜。
現在租屋不太方便煮複雜野,習慣商業廚房的工具,材料更加令我卻步在家煮。我只會煮簡單野,偶爾煲啖湯飲下。想煮的時刻通常都係公司,家人只能食到我hea煮出黎既野。
職業病如下
1.雪櫃的食物我一摸就知夠唔夠凍,鮮奶最脆弱,如果熱左就棄之,無謂肚痛
2.如果去普通餐廳,我會好厚面皮叫侍應千祈唔好等齊上,等左就唔好食,煮好大概五分鐘後就唔好味,如果我係公司凍左的福食只會淺嚐,在家即食唔等
3.對於食物會好純粹,味道行先,除非去高級氣氛餐廳,去就預左食物永遠都會失d溫度(唔會成碟,但某d既element就會),畢竟自己做過fine dinning,一碟咁多elements等得a,b,c就差少少,溫度用熱燈hold住但一定唔係best temperature。
4.味道為主,調味精準係指第一啖唔會係超夠味,咁食多幾啖就會過咸,應該係夠而食完唔會覺咸 難在調到有味而食不到鹽味
5. 高檔與平價除左本身材料的分別,啖高湯先係一較高下,平既用水點都煮唔到個境介
6.講咁多其實都無咩要求,廢話,好一餐唔好又一餐,最緊要有飯食,唔餓得
7.對零食有莫名的迷戀,因為有味精,笑)亦係廚房做唔出來
8.出去食無論食咩,如果溫度不對的我都盡量避免,即係凍食低於四度,熱食高過七十度,而我亦絕少食凍食,因為沒有經過煮的過程,加上操作流程(對衛生比較嚴謹但往往本末倒置),比較上易奶野。熱食相對的比較安全,但有時好難講,熱食可能處理不當都會中招,享受美食之餘亦注意安全先為上策。
9.作為職業咸蟲(跟得東南亞人多好咸酸辣重口味),在家煮都會減調味的濃度,嘴刁哥哥只讚過我一句好似係出面食咁,大家對屋企餸既期望係淡味d,咁都健康d既
