Gale Mein Dard Khansi Kharash aur Infection ka ilaj ke Upay

Chote bache ho ya bade gala(throat) kharab hona ek aam baat hai. Kisi virus ya bactetia se infection gala kharab hone ka sabse bada karan hote hai, iske ilava dhool mitti se allergy, tala hua khana khane se bhi gale mein infection ho jata hai. Kabhi kabhi gale ka jada istemal karne se bhi gala kharab ho jata hai. Gale ki bimariyo mein kabhi kisi parkar ki laparwahi na kare aur turant upchar shuru kare. Ayurvedic natural nuskhe apna kar gale ke rogo se bacha ja sakta hai. Is article mein hum padhenge gale mein dard, khansi, sujan aur kharash ka ilaj gharelu upayo se kaise kare, throat treatment tips in hindi.

Gale Mein Dard ka ilaj — Throat Pain Treatment in Hindi

  • 1 cup paani gunguna kare aur usme aadha chammach namak, ek chauthayi chammach haldi daal le aur is paani se garare kare. Garare karne ke baad aadha ghanta kuch khana pina nahi hai.
  • Gale ke dard se chutkara pane ke liye haldi wala doodh kaafi upyogi hai, 1 glass doodh mein ½ chammach haldi aur thodi si pisi hui kali mirch daal kar piye.
  • Imali wale paani se garare aur kulla karne se throat pain mein relief milta hai.
  • Palak ko ubaal kar paani chaan le, is paani se garare karne par bhi gale ka dard thik hota hai.

Gale ki Kharash Door Karne ke Upay — Home Remedies for Sore Throat

Gale mein kisi infection ya fir tonsil ke karan kharash ho sakti hai, kai bar mausam mein badlav ki wajah se bhi kharash hone lagti hai. Vese to ye 3 se 4 din mein thik ho jati hai par hum kuch gharelu upay karke isse jaldi rahat pa sakte hai.

  • Gale mein kharash hoti hai to sujan (swelling) aa jati hai, namak ke paani ke paryog se sujan kam karne ke sath pain mein bhi aaram milta hai. Ek glass halke garam paani mein 1 chammach namak daal kar mix kar le aur din mein 2 se 3 baar isse garare kare.
  • Sore throat door karne mein lehsun bahut faydemand hai. Lehsun ki 1–2 kaliya muh mein rakh kar chuse, jese hi lehsun ka ras gale se niche utarega aaram milne lagega. Lehsun ka ras nikalne ke liye ise daanto se pees sakte hai.
  • Kisi bade bartan mein paani garam karke isse bhaap(steam) le. Is upay se gale ki sikayi hogi aur infection bhi khatam ho jayega.
  • Subh subh saunf chabane se band gala khul jata hai aur kharash door hoti hai.
Gale ki sujan ka ilaj karne ke liye pyaaj ke ras ka paryog kar sakte hai, ye sujan ko natural tarike se thik karta hai. Ek glass garam paani mein 2 chammach pyaaj ka ras daal kar piye.

Khansi ke ilaj ke Gharelu Nuskhe

Khansi (cough) ek aesi bimari hai jo saans ki nali, fefdo, chati aur gale mein infection ki wajah se hoti hai. Saans aur chaati se judi koi bhi bimari ho khansi hona normal hai. Cough Treatment ke liye doctor jo syrup dete hai vo itne asardar nahi hote. Yha hum janene khansi ka ilaaj avurveda aur home remedies se kaise kare.

Khansi ka Ayurvedic Upchar

  1. Khansi hone par adarak ka ek tukda muh mein rakh kar chuste rahe, kuch hi der mein khansi band ho jayegi.
  2. Agar kali khansi hui ho to 1–1 chammach adrak ka ras aur pan ka ras mila kar isme gud ya shahad daal de aur is mishran ko halka garam kar ke piye, kuch hi minute mein khansi band ho jayegi. Khansi ke upay karne ki sab se achi dawa hai ye.
  3. Aanar ka ras garam kar ke pine se bhi khansi thik ho jati hai.
  4. Khansi hone par kaali mirch chusne se aaram milta hai.
  5. Aadha chammach shahad mein ¼ chammach daalchini powder mila kar lene se sukhi khansi tak thik ho jati hai.

Home Remedies for Cough in Hindi

  1. Raat ko sote waqt khansi pareshan kare to laung muh mein rakh kar chabaye, isse khansi aani band ho jayegi.
  2. Khansi mein tulsi ki chay pine se kafi fayda hota hai.
  3. Gale mein agar cough ho to halka garam paani piye, isse cough nikal jata hai aur gale ki sujan bhi kam hoti hai.
  4. Dry cough ka treatment karne ke liye kaali mirch, tulsi aur adarak se bana kadha piye.
  5. Desi ghee mein bana besan ka halwa khane se sukhi khansi mein aaram milta hai.

Khansi ke Treatment Mein Parhej

  • Thanda pani, cold drink aur dahi ka sevan na kare.
  • Freez mein rakhi cheeje na khaye.
  • Choclate ka sevan na kare.
  • Koi bhi garam cheej kha kar turant thandi cheej na khaye.
  • Tale hue masaledar aur khati chejo ka parhej kare.

Gale ki Bimariyo ka Ramban ilaj

Gale mein dard, khansi, kharash, sujan, tonsils ya fir koi infection ho sab se acha upay hai kachi haldi. Gale ki koi bhi samasya ho aadha cammach kachi haldi ka ras muh khol kar gale mein dale aur thodi der chup chap baithe. Ye ras muh ki laar ke sath gale ke niche utar jayega. Ek hi khurak mein aapko kaafi aaram milne lagega. Gale mein khansi chahe normal ho ya kali khansi ho is upay ko karne se kuch hi der mein aaram mil jayega.

Dosto Gale mein dard, kharash, khansi, sujan ka ilaj — throat treatment tips in hindi ka ye lekh aap ko kaisa laga hame comment kar ke bataye aur agar aapke pass gale ki bimariyo ke upchar ke desi gharelu nuskhe hai to hamare sath share kare.


Originally published at kyakyukaise.com on August 1, 2016.