Pungko-pungko sa Sugbo

Sa Queen City of the South (Cebu City), pwede nimong matilawan ang mga nagka-daiyang klase sa lamian ug barato nga matang sa pagkaon. In fact, nabantog ang Cebu sa ilang kagungkong ug perti ka lami nga lechon. Gawas sa inilang special delicacy sa mga Sugbuanon nga inasal, nadungog na ba ninyo kining ilang gipanghambog nga “pungko-pungko?”
 Ang pungko-pungko nagagikan sa pulong Cebuano nga “pungko”, which is to squat. Kining ngana nagahulagway sa matawag ‘tang pinobre’ng istilo sa pagkaon nga sagad makita sa sidewalks diin ang mga kustomer maglingkod sa mga mugbong bangko or squat down while nagkaon tungod kay walay bakanteng lingkuranan. Kung imo kining masuwayan didto sa Cebu, imong makita ang klase-klaseng matang sa tawo (professionals, students, manag-uyab, friends, tambok, niwang, baho’g ilok, etc.) nga magkaon diha sa usa ka gamay’ng lamesa diin gibutang ang mga tindang pagkaon. 
Barato lang ang pungko-pungko. Mostly, pritong pagkaon sama sa ngohiong, lumpia, meat balls, pork chop,ug ang nabantog ug best-seller nila nga ginabot. Ang ginabot o pork intestine lamian ug crispy kaayo nga permi gyu’ng pangitaon sa mga kustomer. Rich in cholesterol kini apan bahala na.

Mga rason nganong ganahan ko’s pungko-pungko:

1. Lamian ug barato. Aside sa lamian kini pagka-prito, barato kaayo ang pungko-pungko. Tag singko pesos lamang ang ngohiong. Ang bestseller ginabot ana-a lamang sa tag 10 ngadto’s 15 pesos ang presyo. Ang naka unique sa pungko-pungko, ang imong sud-an parisan kini ug puso o hanging rice. Inubanan sa lamian ug halang nga suka nga idalit sa mga tindero/a sa pungko-pungko. Sa kantidad nga 20 pesos, solve na ang imong kagutom. Except kung laugon ka nga klase sa tawo.

2. Kinamot. You can feel at home samatang nagkaon ka’s pungko-pungko. Tungod kay dinhi, magkinamot ka kung magkaon. Sa mga wala naanad mukaon using their bare hands, adunay idalit nga plastic cellophanes aron imong puston ang imong mga kamot. Hinuon diko ka pasalig ninyo nga safe ang inyong gikaon, apan ang kabarato ug kalamian sa mga pagkaon sa pungko-pungko maoy nakadani sa mga Sugbuanaon ug uban pang mga langyaw.

3. Kaon muna bago bayad. Dinhi ko mahimuot makahinumdom sa akong kasinatian niadtong niaging mga tuig diin first time to nako mikaon sa pungko-pungko. Gidala ko sa akong mga kauban sa trabaho didtong dapita duol sa may IT Park diin kami nagtrabaho isip mga bampira este call center agents (wala man gud mi tulog kung gabii). Ug didto, akong nabantayan ang usa ka kustomer nga wal nitug-an sa tinuoray nilang gikaon. Sa ka puno sa iyang plato gumikan sa kadaghan niyang gi-order, sus maryosep, traynta pesos ra may nabayad.

Nindot ang pungko-pungko alang sa mga tawo nga adunay gisunod nga budget. Dugang pa, tugma usab kini alang sa mga tawo nga gusto lang ug dinaliang kaon, lamon, o habhab (depende sa level sa kagutom). Usa kini sa mga gipasigarbo sa Sugbo nga nalakip sa ilang listahan sa local street food cuisine.

Ikaw nga wala pa katilaw, siguro-a nga sa sunod bisita nimo sa Cebu, dili nimo kalimtan ang pagdalikyat ug tilaw sa mga tinda’ng tatak pungko-pungko. Medyo nisakit man akong tangkugo, excuse me sa kay magpa-BP sa ko.

One clap, two clap, three clap, forty?

By clapping more or less, you can signal to us which stories really stand out.