
北韓道路探索
道路硏究社番外篇
Nov 2 · 7 min read
探索神秘國度
世界嘅道路設計基本上分歐洲、美國兩套標準,而交通標誌亦然。所以喺我哋本新書《香港道路探索》度就詳細介紹咗英國、美國、歐洲嘅交通標誌嘅起源同發展歷程。我哋可以透過一個地方嘅歷史同背景,大槪得知嗰度嘅路牌係咩樣。譬如經歷150年英國統治嘅香港,就自然跟隨英國標準。雖然澳洲都係英聯邦國家,但係因爲獨立得早;無跟到現代嘅英國標準,反而直接套用美國標準;而中國就係 mix 埋歐美標準。
世界上有好多地方我都未去過,不過上網睇街景基本上可以滿足曬我嘅需要。不過仲一個神秘國度令社長好好奇,成日響度諗:「究竟嗰度嘅道路同路牌係咩樣嘅呢?」
今日爲你介紹——北韓道路探索。

