Кои сме ние — Партнери на CareerLaunch
“CareerLaunch” саемот за вработување е организиран од Summer Work & Travel Алумни Македонија и Младински Инфо Клуб — Скопје.
USA Summer Work & Travel Алумни Македонија (СВТ Алумни) е непрофитна организација доброволно формирана од група на млади студенти. Основна цел на СВТ Алумни е создавање на интерактивни и развојни кариерни програми и иницијативи кои ќе им овозможат на младите целосно да ги развијат своите вештини и знаења за да можат полесно да ги имплементираат своите иновативни идеи на македонскиот пазар.
Младинскиот инфо клуб — Скопје функционира во склоп на економскиот факултет на универзитетот „Св. Кирил и Методиј“. Тој е организиран со поддршка на СВТ Алумни и ги информира младите за новости и можности од Агенцијата за вработување, локалниот бизнис сектор, за активните мерки за вработување, самовработување, пракси и обуки.