ທຶນ CU youth LEAD 2016 ຫຼື AKYNW 2016

ທຶນCU youth LEADແມ່ນທຶນຫຍັງ?

ທຶນນີ້ມີຊື່ວ່າ Chulalongkorn University Youth Lingering the Enhancement of ASEAN Diversity (CU Youth LEAD) ເປັນທຶນແລກປ່ຽນໄລຍະສັ້ນ1ອາທິດໃນບັນດານັກສຶກສາອາຊຽນ ໂດຍເນື້ອຫາຫຼັກໆແມ່ນກ່ຽວກັບອາຊຽນແລະແຕ່ລະປີຈະມີຕີມthemeທີ່ແຕກຕ່າງກັນ ໄດ້ຈັດຂຶ້ນພ້ອມກັບງານ ASEAN Week ຂອງມະຫາວິທະຍາໄລຈຸລາລົງກອນທີ່ເປັນມະຫາວິທະຍາໄລອັນດັບໜຶ່ງຂອງປະເທດໄທກໍ່ວ່າໄດ້ ເຊິ່ງປີທີ່ຜ່ານມາແມ່ນພິເສດກວ່າທຸກປີຄື ໄດ້ມີທາງເກົາຫຼີໃຕ້ມາຮ່ວມນຳ ໂດຍໃຫ້ນັກສຶກສາເກົາຫຼີມາເຮັດກິດຈະກຳນຳແລະໃຫ້ນັກສຶກສາອາຊຽນອີກກຸ່ມໄດ້ໄປທັດສະນະຢູ່ເກົາຫຼີ ໂດຍໃສ່ຊື່ວ່າ ASEAN Korea Youth Network Workshop 2016 (AKYNW2016)

ນັກສຶກສາອາຊຽນທີ່ໄດ້ຖືກຄັດເລືອກມີປະມານ60–70 ຄົນໂດຍທີ່ບໍ່ໄດ້ແບ່ງໂຄຕ້າໃຫ້ແຕ່ລະປະເທດຊັດເຈນ ບາງປະເທດໄດ້ໄປຫຼາຍຄົນບາງປະເທດໜ້ອຍຄົນເຊັ່ນ: ຫວຽດນາມ 13 ຄົນ, ກຳປູເຈຍ 12ຄົນ, ມຽນມາ 5ຄົນ, ບຣູໄນ 5ຄົນ, ລາວ 11ຄົນ(ໃນນັ້ນນັບທັງຂ້ອຍນຳ)


ມື້ທີ1

ຕອນສວຍແມ່ນເດີນທາງໄປປະເທດໄທ,ຫຼັງຈາກນັ້ນກໍ່ເຊັກອິນເຂົ້າໂຮງແຮມ ແລ້ວພັກຜ່ອນໜ້ອຍໜຶ່ງ.ຕອນແລງແມ່ນພິທີເປີດ Welcoming Party ພ້ອມກັບເຮັດກິດຈະກຳ Ice braking ເພື່ອທຳຄວາມຮູ້ຈັກກັນແລະສ້າງຄວາມສາມັກຄີກັນ.

ຮູບຕອນເຮັດກິດຈະກຳມື້ທຳອິດ


ມື້ທີ2–4

ແມ່ນຟັງເລັກເຈີກ່ຽວກັບອາຊຽນໝົດເລີຍ ໂດຍແຕ່ລະມື້ຈະມີເນື້ອຫາຕາມ 3 ເສົາຫຼັກຂອງອາຊຽນ ແລະ ອີງຕາມນະໂຍບາຍ ASEAN Community 2025: Stability, Prosperity and Sustainability (ບໍ່ແນ່ໃຈວ່າແປເປັນລາວແມ່ນຫຍັງ 55555 ແຕ່ປະມານວ່າ ໝັ້ນຄົງ ມັ່ງຄັ່ງ ແລະ ຢືນຢົງ) ເຊິ່ງແຂກບັນຍາຍທີ່ຖືກເຊີນມາແມ່ນມີແຕ່ລະດັບແຖວໜ້າຂອງໄທ ແລະ ອາຊຽນ. ໄດ້ຍິນວ່າປີ2017ນີ້ ມີທ່ານນາຍົກໄທ ທ່ານປະຍຸກ ຈັນໂອຊາດ້ວຍ ແລະ ທ່ານອະດີດເລຂາທີການໃຫຍ່ອາຊຽນ ທ່ານ ສຸຣິນ ພິດສຸວັນ.

ຮູບຖ່າຍກັບແບັກດຣັອປດ້ານໜ້າຫ້ອງເລັກເຈີ່

•ໃນຄືນມື້ທີ4ນັ້ນ ເປັນເວລາທີ່ຫຼາຍຄົນລໍຄອຍ 55555 ແມ່ນໄດ້ຈັດງານລ້ຽງຕ້ອນຮັບການມາຢາມຂອງນັກສຶກສາເກົາຫຼີໃຕ້ (ບັນດາໝູ່ອາຊຽນໂດຍສະເພາະຜູ້ຍິງກໍ່ເວົ້າເປັນສຽງດຽວກັນວ່າ oppa oppa…).

ຮູບລວມຂອງກຸ່ມ8


ມື້ທີ 5

ຕອນເຊົ້າຟັງເລັກເຈີຕາມເຄີຍຍຍ…ແຕ່ເປັນການຟັງເລັກເຈີທີ່ຄັກທີ່ສຸດແລະໄດ້ຄວາມຮູ້ຫຼາຍທີ່ສຸດເລີຍ ເພາະເພິ່ນທວາຍຄຳຖາມໃຫ້ຕອບ, ແລ້ວເລົ່າປະຫວັດອາຊຽນ ລວມທັງສິ່ງອື່ນໆບໍ່ເຄີຍຮູ້ມາກ່ອນ ສິ່ງທີ່ຫາບໍ່ໄດ້ໃນໜັງສື ແລະ google. ໝູ່ອາຊຽນດ້ວຍກັນກໍ່ຕັ້ງສາຍາໃຫ້ລາວຫຼິ້ນໆວ່າ Albert Einstein 55555, ຢາກບອກວ່າປີ2017ນີ້ ກໍ່ເຫັນລາຍຊື່ເພິ່ນເປັນແຂກບັນຍາຍອີກ. ສ່ວນຕອນບ່າຍແມ່ນໄປ ພຣະລາດຊະວັງເຈົ້າຊີວິດ Royal Palace ແລະ ວັດພຣະແກ້ວ.

ຮູບຖ່າຍກັບກຸ່ມ8ທີ່ວັດພຣະແກ້ວ


ມື້ທີ6

ກ່ອນອື່ນໝົດຂໍອະທິບາຍວ່າ theme ຂອງປີ2016ແມ່ນ ການປົກປ້ອງແຫຼ່ງນຳ້- ການໂປຣໂມດການໃຊ້ຊັບພະຍາກອນນຳ້ແລະຊາຍຝັ່ງແບບຢືນຢົງ Marine Conservation- Promoting the Sustainable Use of Costal and Marine Resources ເຊິ່ງໃນມື້ທີ6ນີ້ໄດ້ເດີນທາງໄປອຳພະວາ ຈັງຫວັດສະໝຸດສົງຄາມ ເພື່ອເຮັດກິດຈະກຳທີ່ ສູນອະນຸຮັກປ່າຊາຍເລນຄອງໂຄນ Klong Klone Mangrove Conservation Centre ເຊັ່ນ: ປູກຕົ້ນໂກງກາງ, ຂີ່ສະກີນຳ້, ຂີ່ເຮືອພ້ອມທັງໃຫ້ອາຫານລີງ(ທີ່ເສຍເດຍຄື ບໍ່ໄດ້ເກັບຫອຍຫຼອດ ເພາະຝົນຕົກກ່ອນ)…

ຮູບຖ່າຍຕອນທີ່ປູກຕົ້ນໂກງກາງ


ມື້ທີ7

ເດີນທາງໄປທີ່ ສູນການສຶກສາພັດທະນາອ່າວຄຸ້ງກຣະເບນ Kung Krabaen Bay Royal Development Study Center ທີ່ຈັງຫວັດຈັນທະບຸຣີ ໂດຍກິດຈະກຳຕ່າງໆຄື: ຟັງບັນຍາຍ, ເບິ່ງກະຊັງປາທະເລ, ຫໍພິພິທະພັນນຳ້ Aquarium…


ມື້ທີ8

ແມ່ນພິທີປິດ,Symposium, ສົ່ງ Video ຂອງກຸ່ມ, Presentation ຂອງແຕ່ລະກຸ່ມ, ສົ່ງ Essay ເປັນບຸກຄົນ ແລະ ປິດດ້ວຍງານສະແດງສິລະປະຂອງແຕ່ລະປະເທດ(ປະເທດລາງແລະຫວຽດນາມໄດ້ທີ1ຮ່ວມກັນ) ພ້ອມທັງມີປະກາດລາງວັນດີເດັ່ນຕ່າງໆເປັນບຸກຄົນ ເຊັ່ນ: ໜຸ່ມຫຼໍ່, ສາວງາມ(ໄດ້ມົງກຸດຢາງ lolz), ຕົວສ້າງສີສັນຫຼືຕະລົກທີ່ສຸດ, ມາໄວທີ່ສຸດ, ມາຊ້າທີ່ສຸດ(ລາງວັນນີ້ກະມີເສີຍ ຂອງລາງວັນໄດ້ໂມງປຸກ55555)

ການມອບໃບຢັ້ງຢືນ

ຮູບຖ່າຍກັບສາວໆຈາກຕົວແທນປະເທດລາວ

ຮູບຖ່າຍກັບໜຸ່ມໆຕົວແທນປະເທດລາວ

ບໍ່ບອກກໍ່ໜ້າຈະຮູ້ວ່າ ບົດຟ້ອນແມ່ນກ່ຽວກັບ Lao Rocket 55555


ມື້ທີ9

ເດີນທາງກັບລາວ😭

ຢາກສະໝັກເຮັດແນວໃດ?

ຫຼາຍຄົນຄິດວ່າຈ່າຍປີ້ຍົນເອງແລ້ວບໍ່ຢາກສະໝັກ ສ່ວນຕົວແລ້ວຢາກຈະບອກວ່າສະໝັກເລີຍ(ເກີນຄຸ້ມ) ອາຫານບຸຟເຟ້ທຸກຄາບ, ໂຮງແຮມລະດັບ4ດາວ… ຄ່າປີ້ຍົນໄປບາງກອກກໍ່ປະມານ 1700- 2500ບາດສາຍການບິນ Air Asia ຈາກສະໜາມບິນວັດໄຕ ແຕ່ຖ້າໄປຂຶ້ນອຸດອນກໍ່ໜ້າຈະປະມານ 1800 (ຂ້າມໄປໄທ300 ແລະ ປີ້ຍົນ 1500ບາດ ສາຍການບິນ Lion Air).

•ສ່ວນອີກເລື່ອງໜຶ່ງແມ່ນເອກະສານ ມັນຈະມີຢູ່4–5 ຢ່າງ ທີ່ຕ້ອງໄດ້ກຽມໄວ້ເນີ່ນໆແມ່ນໃບຄະແນນ transcript ເພາະບາງວິທະຍາໄລຕ້ອງໃຊ້ເວລາ 2–3ອາທິດຈື່ງໄດ້, ໃບຄະແນນສາມາດໃຊ້ໂທລະສັບຖ່າຍແລ້ວສົ່ງໄດ້ ຫຼື ຈະຖ່າຍແລ້ວໃຊ້ແອັບພລິເຄຊັ່ນສະແກນກໍ່ໄດ້, ອີກຢ່າງໜຶ່ງແມ່ນຕ້ອງມີຟາຍຮູບໂຕເອງເພື່ອປະກອບໃສ່ໃນຟອມ, ບາງຄົນແມ່ນບໍ່ຮູ້ວິທີເຊຟຟາຍຫຼືແປງຟາຍ ແນະນຳໃຫ້ເຂົ້າເວັບໄຊ້ smallPDF ຈະໄດ້ສະດວກ.

•ທີ່ສຳຄັນທີ່ສຸດແມ່ນການຂຽນ Essay ເພາະຄຳຖາມຄ່ອນຂ້າງຍາກ ແຕ່ຖ້າຜ່ານໄດ້ແມ່ນຖືກເລືອກເລີຍຈະບໍ່ມີການສຳພາດຫຼືຄັດຮອບສອງແຕ່ຢ່າງໃດ.

ພາບຖ່າຍລວມຕອນພິທີມອບໃບຢັ້ງຢືນ


ສະຫຼຸບ

ສ່ວນຕົວແລ້ວມັກທຶນນີ້ຫຼາຍທີ່ສຸດດດເລີຍ ໃນບັນດາໂຄງການຫຼືໂປຣແກຣມທີ່ໄດ້ເຄີຍເຂົ້າຮ່ວມມາ ເພາະທີມງານໃຈດີ, ຜູ້ເຂົ້າຮ່ວມກໍ່ມີແຕ່ຄົນເກັ່ງ ແລະ ໜ້າຮັກ, ຢູ່ດີກິນດີ(ກັບມາລາວ ນຳ້ໜັກຂຶ້ນ 2–3ໂລ lol), ໂປຣແກຣມກໍ່ມີທັງສາລະ ມີທັງມ່ວນຊື່ນ…

ຂໍ້ມູນເພີ່ມເຕີມທີ່ເພຈ:

https://www.facebook.com/CU-Youth-LEAD-558962940945010/

ແບບຟອມສະໝັກCU youth LEAD2017:


ສຸດທ້າຍນີ້ ກໍ່ຂໍໂທດຂໍະໄພຖ້າຂຽນຫຍັງຂາດຕົກບົກພ່ອງໄປ ແລະ ຂອບໃຈທີ່ກົດເຂົ້າອ່ານບົດຄວາມນີ້ຈົນສຸດ🙏🏻

One clap, two clap, three clap, forty?

By clapping more or less, you can signal to us which stories really stand out.