Parole al cielo

photo by Italiapost.it

Si mme mettesse a cercà a’ fonte ‘e chesta museca 
fernesse ddìnto ll’uocchie tuoje
ca sbattene ‘e paura 
ppe’ nu capillo ca se ‘nfònne.

Aggio aizato parole ‘o cielo ppe’ sapé
quanto sole ce vo’ ppe’ t’asciuttà ‘nfronte,
amara curiosità
‘e ll’amore ‘o vero.

‘O saje, m’abbasta nu sì e ‘stu viento da vocca mija
‘ngoppo ‘o sangue tuojo
passa a spazzà ‘e uérre ca haje passato
‘cu mme luntano.

Ma tu guardame mò, sotto a ‘sta luce ca m’ attornia
e accummencia a fà caré ‘stu muro bucato
addò t’annascunne ppe’ me guardà
‘mpagurata e’ te lassa jì a’ na cosa accussì bella che è l’ammore.