Konversacio pri la Esperanto-lando de Dua Vivo/Second Life

Antaŭ kelkaj tagoj, mi konsultis la Facebook-an grupon por Esperanto-lernantoj de Duolingo. Tie, mi legis mesaĝon de Anna Lowenstein:

“Ĉu vi scias ke estas aktiva Esperanto-komunumo en la virtuala mondo Dua Vivo? Ĉi tie estas loko, kie vi povas renkonti Esperantistojn de la tuta mondo realtempe, paroli al ili (per voĉo aŭ babilejo), esplori la virtualan mondon kune, kaj ĉeesti kursojn en la virtuala prelegejo en Esperanto-Lando. Ĉi tiu dokumento donas instrukciojn (en Esperanto) pri kiel aliĝi:”

Jen la ligita dokumento: https://drive.google.com/file/d/0B2TmXuvwdOauM0FJYlBoNGQtajA/view
Ĝi estas nova gvidlibro skribita de Saĝa Strigo. Ĝi celas enkonduki homojn al la Esperanto-komunumo de Dua Vivo. Ĉio estas bone klarigita. Mi nur havis etan problemon ĉar mi uzas Linukson, do mi devis uzi neoficialan vidilon.

Kio estas Dua Vivo? Ĝi estas virtuala mondo, kie eblas konstrui ĉion kion, oni volas. Ĝi estas malnova ludo (2003), antaŭulo de Minecraft. Kvankam oni povas senpage viziti la landojn kun aliaj ludantoj, oni devas uzi virtualan monon (ofte el reala mono) por ŝanĝi ĝian enhavon en oficialaj serviloj. La supra dokumento donos al vi pli da klarigoj.

Antaŭ Esperanto-lando, eta lando de Dua Vivo

En Dua Vivo, oni povas facile flugi al aliaj landoj, kiuj estas zorgataj de aliaj ludantoj. Por havi landon, tiuj ludantoj luas parton de la mondo kontraŭ vera mono. Tio malsimilas al Minecraft, kie administranto de servilo tute regas la enhavon. Konsekvence, eble pro la prezo, la Esperanto-enhavo en Dua Vivo estas malpli multa. La ludo mem ne estis tradukita al Esperanto.

Tamen, ja eblas trovi Esperantistojn en Dua Vivo. Dua Vivo estas malnova ludo kiu akumulis membrojn kun la jaroj. La Esperanto-komunumo en Dua Vivo estas malnova. En la “Esperanto-Komunumo” estas 321 membroj. 41 el ili konektiĝis en Dua Vivo en la lasta monato. Eblas kontakti ilin por viziti iun landon de Dua Vivo, babilante en Esperanto.

Alia parto de Esperanto-lando

Kiam mi ludis, mi vidis nur du Esperantistojn konektitajn. Ili invitis min viziti sian landon nomitan Auroro. Ni poste babilis ĉirkaŭ lignofajro. Mi faris multajn demandojn pri la Esperanto-komunumo de Dua Vivo. Mi nun diskonigas al vi la konversacion, por ke pli da homoj sciu pri tiu komunumo.

Babilado sur la lando Auroro

La konversacio

[13:10] Babilonto Karu: bonvenon
[13:10] Dorina Landar: saluton Vanege
[13:10] Vanege: Bonan vesperon :)
[13:10] Babilonto Karu: vi estas nun en nia lando Auroro
[13:11] Babilonto Karu: ni logxas cxi tie
[13:11] Babilonto Karu: en DuaVivo
[13:11] Vanege: Vi havas multajn domojn.
[13:11] Dorina Landar: jes, mi shatas konstrui
[13:11] Dorina Landar: kaj la aliajn domojn ni povas luigi, kaj tiel ni havos monon

[13:12] Vanege: Ĉu vi devas pagi realan monon por havi tiun landon?
[13:12] Dorina Landar: La virtuala mono estas ankau reala mono
[13:13] Dorina Landar: char vi devas au ion fari (labori), au kontrau reala mono acheti la virtualan monon
[13:13] Vanege: Mi rimarkis ke Esperanto-lando estas ege malgranda kompare al via lando.
[13:13] Dorina Landar: kaj por havi tian insulon, necesas pagi
[13:13] Dorina Landar: jes
[13:13] Vanege: Ĉu via tereno kostas pli ol tiu de Esperanto-lando?
[13:13] Karina: Your baby is tired and falling asleep. Click her to wake.
[13:14] Dorina Landar: Esperanton Lando estas — mi diru tiel — pli “bonkvalita “ loko
[13:15] Dorina Landar: Kaj tiu chi malpli “bonkvalita” estas
[13:15] Vanege: bone, mi komprenas
[13:15] Babilonto Karu: Esperanto-Lando bezonas financajn apogojn de ni Esperantistoj

Esperanto-grupoj en Dua Vivo

[13:16] Vanege: mi rimarkis en la listo de la membroj de Esperanto-lando, ke malmultaj daŭre ludas
[13:16] Dorina Landar: jes
[13:16] Vanege: ĉu estas problemoj por trovi la monon por la tereno de Esperanto-lando?
[13:16] Dorina Landar: jes, jam malpli estas la nombro de apogantoj
[13:17] Babilonto Karu: Esperanto-Lando kostas cxirkaux 25€ monate kaj nia landi cxi tie kostas cxirkaux 100,-€ monate
[13:17] Vanege: Mi ne pensis ke tio povus kosti tiom!
[13:18] Babilonto Karu: ni bezonas pliajn apogantojn por Esperanto-Lando

[13:18] Vanege: Kial vi volas konservi Esperanto-lando-n?
[13:19] Babilonto Karu: Esperantistoj havu unu lokon en DuaVivo
[13:19] Dorina Landar: tial ekzistas malpli kostaj ludoj, ech senpagaj, sed en tiuj la kvalito estas ne tre bona, kaj ili povas malaperi
[13:19] Babilonto Karu: kie eblas renkontigxi, babili kaj instrui

[13:20] Vanege: Kiom ofte estas Esperantaj renkontiĝoj nun?
[13:21] Dorina Landar: organizite unufoje semajne
[13:21] Dorina Landar: sed okazas, ke iuj vizitadas
[13:21] Dorina Landar: jam malpli ni estas, bedaurinde
[13:21] Babilonto Karu: sed cxiuj el la grupo povas uzi la lokon por renkontigxoj
[13:21] Vanege: Mi legis en Esperanto-lando ke okazas kurso jaŭde. Ĉu ili daŭre okazas?
[13:21] Dorina Landar: cetere, en DuaVivo estas jam malpli da “loghantoj”
[13:22] Dorina Landar: ne jam
[13:22] Babilonto Karu: mankas nun lernantoj
[13:22] Babilonto Karu: kie estis tio skribite?
[13:23] Vanege: sur tabulo, antaŭ la lecionejo
[13:23] Dorina Landar: ho jes. ni devintus shanghi ghin…
[13:23] Dorina Landar: ne estas lernemuloj, bedaurinde!

[13:23] Vanege: ĉu vi pensas ke estas Esperantistoj en Dua Vivo, kiuj ne konas Esperanto-lando-n?
[13:24] Dorina Landar: lau mi, chiuj pri tio scias
[13:24] Dorina Landar: sed ili eble trovas pli interesan ludon, ol viziti lingvokurson:)
[13:24] Babilonto Karu: aux ili nur poste komencis lerni esperanton
[13:25] Babilonto Karu: en kiu lando vi logxas?
[13:25] Vanege: Mi loĝas en Francujo
[13:25] Dorina Landar: :)
[13:26] Dorina Landar: Francoj estis sufiche aktivaj
[13:26] Dorina Landar: ekzemple, iu franco faris ech kurson, en la franca, en sia propra loko
[13:26] Dorina Landar: jam mi ech ne vidas tiun…
[13:27] Dorina Landar: li mem tamen neniam venis al la kurso… li diris, ke li ne shatas esti lernanto :)
[13:28] Vanege: Mi venis ĉar hieraŭ mi vidis mesaĝon de Anna Lowenstein en Facebook.
[13:28] Vanege: Ĉu vi reklamas Esperanto-landon en Esperantujo?
[13:29] Babilonto Karu: unu brazilano faras kurson en Esperanto-Lando
[13:29] Babilonto Karu: sed ni ne cxeestas pro la tempo
[13:30] Babilonto Karu: mi sendis la informon al Anna

La prelegejo de Esperanto-Lando

[13:31] Vanege: Ĉu vi pensas ke Dua Vivo povas helpi lernantojn de Esperanto (ekster per la kursoj kiuj okazas en la ludo)?
[13:31] Dorina Landar: ne nur pro la tempo, sed mi tiel scias, ke la brazila samideano faras tion en la portugala
[13:31] Babilonto Karu: cxu vi konas Anna persone?
[13:32] Dorina Landar: au en la hispana — por mi egale -
[13:32] Vanege: ne, mi ne konas ŝin
[13:32] Dorina Landar: ghi nepre helpas!
[13:32] Dorina Landar: mi instruas, kaj mi scias, kiel malfacile estas ekparoli
[13:32] Babilonto Karu: DuaVivo havas bonajn eblojn por instrui kaj praktiki la lingvon
[13:33] Dorina Landar: kaj mi scias, kiel malvasta estas la tereno de la temoj de babilado
[13:33] Babilonto Karu: ankaux vocxe
[13:34] Vanege: Ĝi povas helpi trovi ideojn, por paroli pri ili
[13:34] Dorina Landar: pri kio ili?
[13:34] Vanege: pri la temoj
[13:34] Dorina Landar: jes, nepre!
[13:34] Dorina Landar: chi tie estas pli da temoj!
[13:34] Vanege: ekzemple paroli pri vojaĝado per balono
[13:34] Dorina Landar: tiujn temojn oni ne trovas en lernejoj kaj en kluboj
[13:35] Dorina Landar: ghuste
[13:35] Dorina Landar: tiu chi estas fakte “sim”, kiu imitas la realan vivon
[13:36] Vanege: Jes, mi rimarkis ke estas malfacile brakumi unu la alian per la interreto, sed ĉi tie oni povas.
[13:36] Babilonto Karu: ha ha ha
[13:36] Dorina Landar: mi bedauras, ke esperanto ne povis gajni pli da popularecon chi tie
[13:37] Dorina Landar: vi ja rimarkis jam, kiom multe oni povas fari chi tie… :)

Ĉiu libro de la biblioteko de Esperanto-lando estas ligilo al rete disponebla Esperantaĵo

[13:37] Vanege: Miaimprese, novaj Esperantistoj malofte konas Dua Vivo kaj malofte scias ke ekzistas Esperanta komunumo en ĝi.
[13:38] Babilonto Karu: jes
[13:38] Dorina Landar: jes. Nek UEA, nek alia organizajho reklamas au almenau informas pri ghi!
[13:38] Dorina Landar: ech….
[13:38] Vanege: Mi nur sciis tion, ĉar mi vidis prelegon de Anna lowestein en Esperanto-Lando per kurso en edukado.net
[13:38] Babilonto Karu: ni konstruis cxiujn domojn kaj veturilojn sur nia insulo
[13:39] Vanege: Mi ŝatus ke Esperantistoj sciu pli pri Esperanto-Lando, ĉar ĝi povas interesi/helpi kelkajn el ili.
[13:39] Vanege: Mi havas ideon:
[13:40] Vanege: ĉu mi rajtas publikigi nian ĵusan konversacion en artikolo?
[13:40] Dorina Landar: jes:)
[13:41] Dorina Landar: ni havas ech iun forumon, sed jam malmultas kiuj legas, kaj pli malmultas, kiu ghin redaktas… :)
[13:41] Dorina Landar: mi jam vizitas DuaVivon nur por ripozi… do, ankau mi ne jam emas okupighi pri redaktado de artikoletoj
[13:42] Vanege: Mi povas publikigi la artikolon per Medium. Kaj poste reklami ĝin per Reddit, Twitter, Telegram, kaj eble Facebook. ;)
[13:42] Dorina Landar: sed, se iu tion transprenus — estus ja ege bone!
[13:42] Babilonto Karu: https://duavivo.wordpress.com./
[13:42] Dorina Landar: ni ege bezonas homojn aktivajn :)
[13:44] Dorina Landar: (mi esperas, ke mi diris neiun stultajhon au malagrablajhon … hm … hm…)
[13:44] Vanege: Mi ne vidis ion tian. ;)
[13:45] Vanege: Bone, dankegon. Vi helpis min kompreni multe pri Esperanto en Dua Vivo.
[13:45] Babilonto Karu: vi estas cxiam bonvena
[13:45] Dorina Landar: Ni ghojas, ke vi interesighas!
[13:46] Dorina Landar: kaj kompreneble — vi estas chiam bonvena kaj chi tie, kaj ankau en Esperanto-Lando!

La Facebook-a paĝo pri Esperanto en Dua Vivo: https://www.facebook.com/Esperanto-Dua-Vivo-1018410218232418/

[13:46] Vanege: Ĉu vi povas rememorigi min pri kiam okazas la ĉiusemajna babilado (tio estas por la legantoj)?
[13:46] Dorina Landar: marde
[13:46] Babilonto Karu: vi ricevos informon per la grupo
[13:46] Dorina Landar: je la 20.00 Mezeuropa Tempo
[13:46] Dorina Landar: jes, foje venu, kaj vi povas legi la notkartojn!
[13:47] Babilonto Karu: tie vi povos mir trovi en DV
[13:47] Babilonto Karu: se vi havos demandon
[13:47] Babilonto Karu: Dorina kaj mi cxiutage estas cxi tie aux en Esperanto-Lando

Ligiloj:

La gvidilo por novaj Esperanto-ludantoj
La Facebook-a paĝo por Esperanto en Dua Vivo
La blogo por la Esperanto-komunumo de Dua Vivo