you really need tools to start ….

تقريبا كلنا زيك .. عاوزين نعمل حاجة ممكن كمان تكون فكرتها في دماغنا لكن مش معانا الأدوات اللي نبدأ بيها

فكرك إيه الأدوات اللي ممكن تحتاجها؟

يا ترى تنمية المهارات الشخصية ، ولا تنمية المهارات اللغوية ،ولا مهارت الكمبيوتر ،ولا المهارات الإجتماعية

واقعيا..انت محتاج كل دول ، لكن احنا هنساعدك تختار اللي انت محتاجة وانت بتخطي خطوتك الأولى

أولا وقبل أي شيء

لو دخلت على كافيه أو محل ملابس أو محل أكل أو أي شيء لازم يكون له اسم ولازم يكون له عنوان وشيء تاني مهم المكان له هدف اما انك تقعد قعدة لطيفة أو تاكل أكل نضيف بتحبه أو تلاقي فيه لبس يناسب ستايلاتك

كذلك أي انسان له اسم وله عنوان ولازم يكون له هدف

علشان تعرف هدفك ايه في الحياة اللي انت عايش فيها لازم تعرف الأول انت مين ؟ ايه هواياتك ، ايه مهاراتك ،ايه الحاجات اللي بتحبها ، كمان بتكره ايه ؟

ربنا خلقك لهدف ورسالة لازم تبحث عنها …دور عليها بمنكاش …والأهم اوعى تيأس أو تستسلم

ثاني حاجة في رحلتك للبحث عن هدف هتمر بتجارب كتيييير منها كويس ومنها صعب ومنها سيء هتبقى عامل زي النحلة عمال تنط من زهرة لزهرةومش راكز …هتقابلك صعوبات كتير…وخناقات أكتر … لكن خليك واثق في ربك انه في النهاية هيوصلك للطريق …اوعى تيأس زي ما خلقك زي ما هيدلك على الطريق هو وكيلك ..ابدأ دور على طريقك وتوكل على اللي خلقك وينور لك طريقك …..اوعى تيأس

تالت حاجة وانت بتدور على هدفك أو فكرتك أو طريقك أو رسالتك أو سؤال هيجننك …نمي مهاراتك ، نمي لغتك اتعلم لغة جديدة أو قوي اللغة اللي انت كويس فيها ، اتعلم برامج جديدة على الكمبيوتر ، نمي مهاراتك نمي موهبتك ممكن تكون هي دي سكتك ، وخليك زي الرحالة مبيقفش في محطة بيدور ويدور كل يوم بيدرس تجربة جديدة يصاحب ناس جديدة مبيبطلش يقرأ أو يفهم

اقرأ

كلنا تقريبا اتعقدنا من القراءة بسبب المذاكرة والامتحانات ..بتذاكر غصب عنك مواد مش بتحبها وممكن كمان تكون مش فاهمها علشان تحط شوية المعلومات اللي خدتهم في ورقة علشان تنجح او تدخل كلية انت عاوزها أو ممكن علشان والدك ووالدتك لازم يشوفوك بتذاكر والا هتتسوح

لكن المرة دي مختلفة انت هتقرأ علشان انت بتدور على شيء جواك محتاج يطلع ، بتدور على فكرتك أو على شيء يساعدك تنفذ فكرتك …المرة دي بتقرأ وانت عاوز تقرأ ….. بكده هتتبقى ليك عقبه واحدة أقرأ ايه وازاي

هنا كتابين مهمين اسمهم : كيف أقرأ، وماذا أقرأ

(تستطيع البحث عنهما علي جوجل ( تعلم أن تبحث عن الاشياء بنفسك من الان

الكتابين دول يعتبروا بداية كويسة جدا هيعلموك ازاي تبدأ تقرأ وتحط رجلك على خريطة العالم اللي كنت غايب عنه بقالك فترة طويلة …حمدا لله على السلامة

اللغة

تقريبا كلنا نعرف عربي وده لانها لغتنا ونعرف شوية انجليزي بحكم اللي اتعلمناه في المدرسة وممكن شوية فرنساوي أو ايطالي أو ألماني على حسب اللي اخترنا ندرسه في ثانوي

لكن في المرحلة الأولى هنتكلم على الأهم وأهم لغة الان في العالم هي الانجليزي ضروري جدا تكون عارف انجليزي بشكل كويس لأن العلوم الان أغلبها بالانجليزي كذلك المعارف

النقطة التانية : بالدراسة أثبتوا ان الأشخاص اللي تجيد أكتر من لغة بتقدر تفكر بأكتر من طريقة بمعنى انها مش محاصرة جوه منطقة واحدة لأن اللغة بدورها مش بس بتأثر في مهارات الشخص اللي بيتعلمها وبس لأ وبتعرفه على ثقافات جديدة وتجارب جديدة هو محتاجها ، من الاخر عشان تقدر تبص علي العالم كله لازم يبقى معاك انجليزي .

النقطة الأخيرة : جرب تدور على موضوع معين بالعربي وشوف المحتوى اللي هيظهر واقراوه وبعدها دور على نفس المحتوى بالانجليزي أو أي لغة تانية هتجد نتائج تانية جديدة وبالتالي المعرفة اللي هتكتسبها جوه النقطة دي هتزيد

GENERAL ENGLISH بداية وقبل أي شيء : اتعلم

أهو كتبناهالك بحروف كابيتال ونصيحة لو انت مستواك مش قد كده في الانجليزي يفضل تبدأ تاخد كورس برا ولو تاخد مستوى واحد أو مستويين لحد ما يتحسن عندك جزئين مهمين جدا : النطق و القواعد

وعلشان نكون واضحين ومحددين تعرف نفسك انك مستعد تتعلم أونلاين مع نفسك لما تعمل اختبار تحديد مستوى وتعدي المستوى السادس وقتها ابدأ حسن مستواك في اللغة عن طريق كورسات متاحة على الانترنت مجانا ومستواها كويس جدا

ثانيا :من أشهر المواقع اللي بتقدم كورسات انجليزي ولغة عموما موقع

www.alison.com

في بردو مواقع تانية كويسة وده أمثلة منها

ملحوظة مهمة : ممكن ترتاح بس لطريقة موقع واحد أو اتنين من المواقع دي في طريقة التعلم

BBC learning English

British council

http://learnenglish.britishcouncil.org/en/

ثالثا: لو معاك سمارت فون في تطبيقات مهمة جدا لتعليم الانجليزي وتطوير مهارات الاستماع والتحدث

زي

http://learnenglish.britishcouncil.org/en/

https://www.duolingo.com/

ومش شرط بس المواقع دي لأ ممكن كمان مقاطع انجليزي من نشرة أخبار أو فيلم أو محاضرة أو أي حاجة تشوف انها تناسب مستواك الحالي في اللغة

رابعا : حاول وانت بتدور مثلا على مقاطع صوتية أو مقالات تقرأها بالانجليزي علشان تحسن مستوى اللغة عندك تختار موضوعات تكون حاببها ده هيساعدك كتير جدا في انك فعلا تستفيد بشكل أفضل

خامسا : خصص وقت يوميا وليكن ساعة أو ساعتين يوميا لتحسين مهاراتك اللغوية

سادسا وسابعا وثامنا وتاسعا وعاشرا : أدخل أوف لاين فيس أو تويتر اقفل أي حاجة بتشغلك أو هتشغلك

متنساش اذا واجهتك مشكلة ممكن تتواصل معانا

جوجل وأخواته

كتير مننا بيبقى بيدور على موضوعات مهمة ومش بتظهر له النتائج اللي محتاجها بتظهرله نتائج تانية بعيده عن الموضوع اللي بيدور عنه

من أهم الأدوات اللي محتاجها في مرحلة البداية طريقة البحث عبر الانترنت وتقريبا أهم محرك هو جوجل

علشان كده في طريقة متبعة للبحث على جوجل علشان تطلع بأكبر قدر من النتائج ممكن يفيدك والفيديو ده من يساعدك

او اقرأ المقالة المهمه ده

14 Essential Google Search Tips for Students

نمي موهبتك

أو بطريقة تانية ممكن تكون سكتك من خلال حاجة بتحبها أو موهبة بالفعل عندك

مثلا ممكن تكون من محبي الكمبيوتر جيمز أو أفلام الانيميشن أو الأفلام عموما بافتراض انك اتعلمت برمجة أو مونتاج أو جرافيك أو تصوير تقدر تطور أو تصنع فكرة جديدة مكنتش موجودة أو أبسط حاجة تلاقي نفسك في حاجة فيهم

متقفش بس على انك تتفرج او تلعب كمان اتعلم ازاي تقدر تصنع حاجة أحسن من اللي قدامك

وده لينك مهم هيقدملك شوية نصائح مهمة عن تبدأ ازاي تتعرف على موهبتك

http://www.wikihow.com/Find-a-Talent

تصفح واملأ العالم بضجيجك

في مواقع تانية غير جوجل بتقدم لك خدمة التخصصية في البحث

يعني بمنتهى البساطة تختار مواضيع اهتمامك وهيظهرلك المقالات اللي تخص الموضوعات دي بس زي

Flipboard

medium

كمان في مواقع بتتيح لك انك تسأل المحترفين في التخصص او المجال اللي انت عاوزه أيا كان السؤال وبيردوا عليك بنفسهم زي

Quora

وأخيرا وليس اخرا ، متنساش اذا وقفت قدامك حاجة تقولنا لو ممكن نساعدك أكيد هنساعدك

المحتوي من اعداد مجتمع كلاود

CLOUD CO-WORKING

One clap, two clap, three clap, forty?

By clapping more or less, you can signal to us which stories really stand out.