Bikhari Zindagi
Nov 7 · 1 min read
Zindagi bikhari padi hai pharsh pe.
Kuch tukde itne chote hai
Dar lagta hai ki main agar pair rakhu
To shayad chur chur hojaye.
Kabhi kabhi aise lagta hai
Abhi to thama tha zindagi ko
Halke hatho se pakde, dabe pair
Abhi to aage badhne laga tha.
Par kabhi kabhi lagta hai
Ek arsa beet gaya zindagi bikhare hue
Saalo se in gire hue tukdo ko nihar raha hu
Akho k niche jhuriya aa gayi hai ab to.
Sametna chahta hu zindagi ko,
Dhyan se tukde par tukda rakh
Gund se lakeero ko jod ke,
Dhup me rakh sukhana chahta hu.
Par dar lagta hai,
Ki kahi samet-te hue
Zindagi kahi aur na bikhar jaye
Tukde itne na ho jaye ki gin bhi na pau.
