偷影[紐西蘭]
Sep 7, 2018 · 1 min read

近日網上流傳既片段,從主角口音幾乎可確定佢係香港人。但是大家一味罵佢既時候,卻忽略了兩個重點。
揸住機既事主,開始時係留在車內,一直影飲住嘢又夾住枝煙既主角。動機一直係偷拍,卻唔明白佢想捕捉乜嘢鏡頭!
依家係人人有手機做記者既年代,影人唔駛通知,似理所當然。但被偷拍者既感受,又有幾多人了解?
前陣子寫過我地響華人較多既停車場(舊文人在外國,也要學習),見到對面車西人司機偷影我地泊位。當日情況唔係我地做錯乜事,不過已經夠讓我覺得好嬲同埋恐懼。
之後無見到片段被放上那些專門嘲笑亞洲人既群組,但陰影仍在。
加埋今次事件,幾可肯定有些人專程去搵料,利用他人既失誤俾大家盡情嘲笑而不能追究,有種族歧視成份。
事實亦想話俾大家知,呢度環境唔係100% pure, 街道並唔算乾淨,垃圾亦好容易見到。而在馬路上,司機扔煙灰和煙頭非常普遍。
片段中人係做錯,如果真心勸止,又點解要開機影和放上網呢?

