陽明交大等無校歌 學生做伙唱予伊聽
咱陽明交通大學行過學校mah-khuh的徵選，無偌久進前新的mah-khuh總算是來予逐家鼻著芳矣。行過敆校過程，一路上風風雨雨，到今咱已經是行佇欲成做世界上出擢的大學這條路矣。總是感覺著，咱著愛有一條歌，咱陽明交通大學的學校歌，來講咱的故事、來講咱對將來的理想佮期待。
臺語佮華語攏是我的母語。現此時，臺灣146間大學攏毋捌有學校歌有臺語的歌詞。總是感覺佇咱臺灣這个多語言、多族群的國家，按呢是淡薄仔可惜佮遺憾。
朱軒立佮我，就因為實在是誠愛咱學校，嘛攏希望有一條學校歌有臺語的歌詞，幾若暝無啥睏，才寫著這曲歌詞，嘛誠榮幸通予人選著，入來到複選。
— — — — — — — — — — — -
咱所寫的這條〈領航〉，是徛佇這三个主題來寫的：
∎敆校風雨愛會記 光明未來鬥陣行
陽明交通大學才敆校彼陣的風湧，是咱這間全新的大學通好收束內部共識、予咱閣較堅心欲行向偉大目標的原因。咱相信這段故事，有價值寫佇咱的學校歌內底，來予以後的人會記。這曲詞內底用著「風」佮「湧」表示敆校初期彼寡相諍的過程，用「天」佮「日頭」代表咱規間學校的老師佮學生，堅定咱的方向、欲走揣咱的未來。
∎新學校有新向望 𤆬臺灣駛向世界
敆校進前的陽明佮交大，是臺灣醫藥衛生佮電訊科技的𤆬路雞，佇敆校的過程嘛堅心欲做臺灣迒科教育(hānn-kho kàu-io̍k)的模範，欲開創生醫資訊的革新。這種𤆬臺灣發展的精神，是咱寫這條〈領航〉欲講予逐家知的代誌。
∎多元價值相包容 誠濟語言逐家唱
這馬臺灣百外間大學，攏干焦有華語的學校歌，佇這个本土化佮國際化的年代，逐間大學嘛綴勢咧進步。就按呢，咱用著咱家己的母語，寫著這條有臺語歌詞的學校歌。後擺嘛希望通翻譯做客話、原住民語等等的國家語言，甚至講英語、新住民語言遮的佇咱臺灣有人咧講的語言。臺語歌詞誠注重聲調佮曲調通相合，咱咧寫詞的時陣嘛有注意著：兩段主歌(verse)的聲調互相配合，紲落來寫曲的時會閣較順利。
— — — — — — — — — — — -
目前通過徵選的作品，干焦有這條〈領航〉有臺語、華語兩種國家語言，嘛干焦有這條〈領航〉共敆校的過程寫出來，佮向望陽明交大成做臺灣的領航者，𤆬臺灣行向世界。
咱相信〈領航〉是上適合陽明交大學校歌的歌詞。歡迎咱陽明交大所有老師、學生、校友，到學校歌徵選的網站（貼咧下跤留話的所在）內底，共咱揤一个「讚」、鬥分張我抑是朱軒立的這兩篇文章，共咱鬥贊聲。嘛歡迎逐家參考附圖的說明，予咱建議佮想法，予這曲歌詞愈來愈進步。
咱嘛知影目前的語言能力有限，干焦寫著臺語佮華語兩種版本；毋過算著客話、原住民語在內的版本，若是這曲詞通予人選做咱陽明交通大學的學校歌，咱嘛希望有閣較濟資源通鬥相共，共遮的語言攏補予齊勻。咱嘛當咧佮文學界的先輩請教，希望先輩的智慧，通幫贊咱呈著閣較媠氣的作品出來。
誠濟咱進前毋捌想過的代誌，因為寫著這條〈領航〉，當咧沓沓仔激，閣請逐家斟酌聽落去……
〈領航〉共同創作人 洪辰昊 Âng Sîn-Hō
=====================
華語翻譯：
陽明交大完成校徽徵選，不久前新校徽總算出爐；現在校歌徵選也正如火如荼進行中。走過合校過程中的風風雨雨，現在我們正走在邁向卓越大學的路上，總該有一首校歌，能說出我們曾走過的故事，和對於我校未來的宏大期許。
作為一名臺語、華語雙母語使用者，總是覺得臺灣目前146所大學中，至今未有學校能有一首同時具備臺語歌詞的校歌，是臺灣作為多語言、多族群國家的一種小小缺憾。
在對於學校的熱愛與期許，和希望能有一首具備臺語歌詞這兩個機緣和合下，和朱軒立用了幾個深夜的時間腦力激盪，總算寫出這麼一首歌詞，也有幸進入校歌徵選的複選。
— — — — — — — — — — — -
我們這首〈領航〉的歌詞，乃基於以下三個主旨創作：
∎毋忘合校風雨歷程 光明未來你我同行
陽明交大合校設立初期的動盪，正是這間嶄新學校得以凝聚內部共識、更加堅定邁向遠大目標的原因，我們認為這段經歷不僅不能被遺忘，更應該在校歌中被記憶。整首歌以「風、浪」和「天空、太陽」兩組意象為核心，分別代表合校初期的動盪與全校師生共同堅定追尋的遠方。
∎嶄新大學偉大願景 引領台灣世界遠航
合校前的陽明、交大分別是臺灣醫藥衛生與電資科技的領頭羊，更在合併的過程中，許諾要成為臺灣跨域學習的標竿、要開創生物資訊科技的革命。此種引領臺灣發展的偉大精神，正是〈領航〉這首歌詞所希望彰顯的核心意義。
∎多元價值兼容並蓄 多語校歌共同傳唱
目前全臺所有大專校院，都只有華語單一語言的校歌，而如今各大學都以本土化及國際化為方針，因此本投稿以投稿人的母語，創作臺語版本的校歌。未來也期待能翻譯為其他國家語言，甚至英語、新住民語言等版本。臺語填詞素來重視聲調與音樂的和諧，本歌詞兩段主歌的臺灣填詞聲調相互配合，以利未來譜曲的進行。
— — — — — — — — — — — -
目前通過校歌徵選的作品，只有這首〈領航〉具備臺語、華語兩種國家語言，也只有這首〈領航〉寫出合校過程，以及期許陽明交大未來作為臺灣的領航者，能帶領臺灣走向世界的願景。
我們相信，〈領航〉是一首最適合陽明交大的校歌歌詞。歡迎陽明交大所有老師、同學、校友，到校歌歌詞徵選的網站(連結見留言)裡，為我們按一個讚、分享我或朱軒立的貼文，都是對我們莫大的鼓勵。也歡迎大家參酌附圖中的說明，給我們建議與想法，讓這首歌詞能更好。
我們深知語言能力有所限制，目前僅能寫出臺語、華語兩種語言的版本，但包含客家語、原住民族諸語言，尚期待若本作品能通過決選，能有更多資源將這首歌添上各種語言的版本。我們也刻正與幾位文壇前輩聯繫，希望能由前輩的專業意見，為陽明交大呈上更完美的作品。
許多起初難以想像的事，因為這首〈領航〉的創作而正在發酵中，敬請大家期待接下來的故事……
〈領航〉共同創作人 洪辰昊 Âng Sîn-Hō
=====================
校歌歌詞徵選網站｜https://nycusong.nycu.edu.tw/exhibit.php
