一連3日我會講下D無謂野, 生存的意義, 無謂既地方就係呢d野你知我知阿媽知但可能你無花過時間去諗.
我相信人類既活動係建立在Maslow’s hierarchy of needs金字塔之上
我地好簡單咁講下各級係d乜:
最底係Physiological needs, 即係生存, 飲食呼吸等一切基本既生理需要都係. 最基本既穿衣同住都係, 甚至性都係(釋=>色!??!? ps: 睇Wiki)
第2層Safety needs, 安全啦, 有Physical同Mental既人生安全, 財政安全, 當然亦包含安穩既住所(ps:所以買樓係滿足到的).
第3層Social belonging, 即社交圈子, 有好既家庭/朋友/工作環境.
之後到Esteem, 較高級的需求, 例如話社會地位, 好多錢, 在人群入面令自己變得比其他人優秀, 好多人刷存在感其實都係為左滿足呢樣. 個人既esteem例如話成為馬主, 自己既公司上市等等.
最後就係Self-actualization, 尋求作為人最有意義既一刻, 例如話Zinedine Zidane在1998年世界盃決賽頂入2球果一刻, Neil Armstrong上月球等等. 呢一層最少人可以滿足得到或者介入到.
由於我地目前既社會係個人資產向下流, 即少數人得到地球好多既資源而大部份人都係好少甚至不足以過活, 好多時我地一生都無法去滿足底層就死去了, 而香港大部份人都只係勉強滿足到底層同埋努力滿足第2層, 返工忙到連Social needs都無既時候就唔好指望港人好關心政治, 生育之類.
老實說能夠成日講政治又真係似係想投入既人, 我都會覺得佢地點都在唔憂柴米, 有安定居所同埋一班好朋友同家人既支持. 如果無又去搞講真做到既野好有限.
最後我用8個字去總結Maslow理念: 衣食足而後知榮辱.