今日想講下Reality Therapy現實治療法(RT).
我其實好喜歡RT因為佢係非常適合一般香港人使用, RT既背景係去解決人既需要而人往往有好多既需要, 由於得唔到或者唔齊會令人產生焦慮不安甚至抑鬱. 透過RT, 輔導員會協助當時人搵一條佢覺得最應該行既路, 例如話輔導員畀好幾個solution出黎及分析其利弊, 幾時要開始做之類, 當然揀左就一定會有取捨無兩全其美.
還有就是輔導員會話畀當時人知正確既價值觀, 因為好多人以為自己既需要好簡單, 但其實原來係好難. 透過咁對事物有重新既認知黎幫當時人一步步做岩既選擇, 走出困局, 到最後佢可以自己同自己做合適既選擇.
RT不看重過往既經驗, 例如一個高層被裁員, 搵唔返差不多薪金既工就有抑鬱, RT可以話畀佢知馬死落地行, 過往由佢過, 現在最緊要係搵過份工, 有收入, 先可以維持正常既生活, 唔係就好快飯都無得開真係等死.
RT既優點同缺點都係一樣, 就係唔理你感情, 講既係馬死落地行, 好像頭先個例如咁就算當時人搵左份低人工既工做, 果刻叫做解決左逼切既問題但一開始都唔會話開心, 所以我會覺得RT唔太適合用在d非緊急既情況之上.
香港人乜都要快, 止賺止蝕唔慢得, 其實最岩RT.