Կայացավ ֆիլմերի աշխատարանի պրեզենտացիան

Ani Avanesyan
Jul 28, 2017 · 3 min read

Այսօր Ստեփանակերտի ՛՛ԹՈՒՄՈ՛՛ ստեղծարար տեխնոլոգիաների կենտրոնում տեղի ունեցավ ֆիլմերի հատուկ աշխատարանի պրեզենտացիան:

Արցախցի կինոռեժիսոր Ջիվան Ավետիսյանն արդեն մեկ ամիս է, ինչ աշխատարան է վարում ՛՛ԹՈՒՄՈ՛՛ կենտրոնում:

Ջիվան Ավետիսյանը

Ստեփանակերտի ՛՛ԹՈՒՄՈ՛՛ ստեղծարար տեխնոլոգիաների կենտրոնի ղեկավար Կորյուն Խաչատուրյանը հանդես եկավ բացման խոսքով, որից հետո Ջիվան Ավետիսյանը ներկայացրեց աշխատարանի ընթացքը:

Այնուհետև երեք թիմերը ներկայացրեցին ֆիլմերի հերոսներին, ապա` նկարահանման ընթացքը, թիմի պատրաստվածությունն ու առաջադրված խնդիրները:

Երեք ֆիլմերի հերոսները տարբեր էին: Առաջին ֆիլմի հերոսը պարսկահայ Արմոնդ Թահմազյանն է, ով տեղափոխվեց Արցախ և բացեց ՛՛Նռենի՛՛ հուշանվերների խանութը:

Երկրորդ ֆիլմի հերոսն Արցախի Հանրապետության վարչապետի մամուլի քարտուղար Արտակ Բեգլարյանն է, ով իր համառության և նպատակասլացության շնորհիվ թումոցիների պատկերացմամբ ՛՛Մեր ժամանակի հերոսն է՛՛:

Արտակ Բեգլարյանը

Երրոդ ֆիլմի հերոսն Ինգա Ավանեսյանն է, ով աշխատում է ՛՛Halo Trust՛՛ բրիտանական ականազերծման կազմակերպությունում: Կին-սակրավորի մասնագիտությամբ նա զբաղվում է 2015 թվականից:

Ինգա Ավանեսյանը

Պրեզենտացիայի ժամանակ երեք ֆիլմի հերոսները գտնվում էին հանդիսատեսի դերում: Նրանք դիտում էին ուսանողների աշխատանքի արդյունքները:

Վերջում ֆիլմերի հերոսները հանդես եկան շնորհակալական խոսքով և իրենց երախտագիտությունը հայտնեցին Ջիվան Ավետիսյանին:

Պրեզենտացիայի վերջում ուսանողները կիսվեցին իրենց տպավորություններով:Սա ՛՛ԹՈՒՄՈ՛՛-ի ուսումնական ծրագրի վերջին օրն էր: Ուսանողները հաջողություն մաղթեցին կինոռեժիսորին կրկին տեսնելու ակնկալիքով:

Տեքստը և լուսանկարները՝ Անի Ավանեսյանի

    Ani Avanesyan

    Written by

    Welcome to a place where words matter. On Medium, smart voices and original ideas take center stage - with no ads in sight. Watch
    Follow all the topics you care about, and we’ll deliver the best stories for you to your homepage and inbox. Explore
    Get unlimited access to the best stories on Medium — and support writers while you’re at it. Just $5/month. Upgrade