ການໃຊ້ງານ EEPROM ບັນທືກຂໍ້ມູນລົງຫນ່ອຍຄວາມຈຳ Arduino
ບົດຄວາມນີ້ເຮົາຈະມາເວົ້າເຖີງການບັນທືກຂໍ້ມູນລົງໜ່ວຍຄວາມຈຳ Arduino ເຊີ່ງໜ່ວຍຄວາມຈຳທີ່ຢູ່ໃນ Arduino ເຂົ້າເອີ້ນວ່າ EEPROM ແມ່ນເປັນໜ່ວຍຄວາມຈຳແບບຖາວອນ ທີ່ສາມາດອ່ານ ແລະ ຂຽນຊ້ຳໄດ້. ໃນບອດ Arduino ແຕ່ລະບອດຈະມີຂະໜາດພື້ນທີ່ EEPROM ແຕກຕ່າງກັນໄປ ເຊັ່ນ Arduino Uno R3 , Nano.. ຈະມີພື້ນທີ່ໃຫ້ໃຊ້ງານທັງໝົດ 1KB = 1,024 Byte (ສາມາດບັນທືກຕົວອັກສອນໄດ້ 1,024 ຕົວອັກສອນ) ສ່ວນ Arduino Mega 2560 R3 ມີພື້ນທີ່ 4KB = 4,096 Byte (ສາມາດບັນທືກຕົວອັກສອນໄດ້ 4,096 ຕົວອັກສອນ)
- ການໃຊ້ງານ EEPROM ສ່ວນຫຼາຍ ຈະນຳໄປໃຊ້ໃນການເກັບຄ່າຄອນຟີກຕ່າງໆທີ່ຕັ້ງຄ່າໄວ້ ເນື່ອງຈາກເວລາຂຽນລົງໜ່ວຍຄວາມຈຳມັນຈະເກັບລົງໜ່ວຍຄວາມຈຳຖາວອນ ເມື່ອເວລາຢຸດຈ່າຍໄຟກໍ່ຈະບໍ່ເຮັດໃຫ້ຂໍ້ມູນຫາຍໄປ.
ການໃຊ້ງານແມ່ນເຮົາຈະໃຊ້ໄລບາລີ້ທີ່ຊື່ວ່າ EEPROM.h ສາມາດເຂົ້າໄປເບີ່ງຕົວຢ່າງໄດ້

ໃນໄລບຣາລີ້ກໍ່ຈະມີຟັງຊັ້ນຫຼັກໆໃຫ້ໃຊ້ງານດັ່ງນີ້:
- EEPROM.write() ໃຊ້ໄວ້ຂຽນລົງ EEPROM
- EEPROM.read() ໃຊ້ອ່ານຂໍມູນ
ເຮົາມາທົດລອງກັນເລີຍອຸປະກອນທີ່ຈະໃຊ້ ກໍ່ຈະມີ:
- Arduino Uno R3 x1

ທົດລອງກ໋ອບປີ້ແລ້ວ ອັບໂລດ ແລ້ວເບີ່ງຜົນ:
ຜົນໄດ້ຮັບດັ່ງນີ້:

ອະທິບາຍ: ການເຮັດຂອງໂປຣແກຣມນີ້ແມ່ນໃຫ້ຂຽນລົງ EEPROM ໂດຍເລີ່ມຈາກຕຳແໜ່ງທີ 0 ແທນໂດຍຕົວປ່ຽນ addr = 0 ດ້ວຍຟັງຊັ້ນ EEPROM.write(addr, addr) ; ແລ້ວແຖວຕໍ່ໄປແມ່ນອ່ານຄ່າຈາກໜ່ວຍຄວາມຈຳ ມາເກັບໄວ້ໃນຕົວປ່ຽນ val ດ້ວຍຟັງຊັ້ນ EEPROM(addr); ແລ້ວປີ້ນອອກມາມໍນິເຕີ້ ແລ້ວບວກ addr ຂື້ນເທື່ອລະ 1 , ແລ້ວເຮັດໄປຊ້ຳໆ ຖ້າວ່າ addr ເພີ່ມຂື້ນເລື້ອຍໆແລ້ວເທົ່າ addr == 20 ຈະເຮັດໃຫ້ addr = 0; ແລ້ວວົນໄປແບບນີ້ເລື້ອຍໆ.

ຈົບບົດຄວາມ ຖ້າບໍ່ເຂົ້າໃຈສ່ວນໃດສາມາດ inbox ສອບຖາມໄດ້
