Բաց նամակ Հայաստանի վարչապետին, Հայաստանի Հանրապետության Ոստիկանապետին, Արդարադատության նախարարին, Սփյուռքի նախարարին, Հայաստանի քաղաքական կուսակցություններին և միջազգային հայկական կազմակերպություններին

20 Օգոստոս 2018

Հայաստանի Սյունիքի մարզի Շուռնուխ գյուղում վերջերս տեղի ունեցած հարձակումը ինը հոգու վրա, որոնց մեջ կային ԼԳԲՏ ակտիվիստներ, ԼԳԲՏ համայնքի նկատմամբ ատելությունը և խտրականությունը պատկերող անհանգստացնող և ցայտուն օրինակ է: Համաձայն հաղորդման՝ ոստիկանությունը հետաքննություն է սկսել, ըստ որի օգոստոսի 3-ին հարցաքննել է զոհերին և ձերբակալել է մի քանի կասկածյալների և հաջորդ օրը ազատ է արձակել նրանց, սակայն, ըստ երևույթին որևէ մեկին մեղադրանք չի ներկայացվել: Մասնավորապես մտահոգիչ էր այն, որ Ազգային ժողովի պատգամավոր Գևորգ Պետրոսյանը (Ծառուկյան դաշինքից) իր ֆեյսբուքյան էջում կոչ է արել Հայաստանից հեռացնել ԼԳԲՏ անձանց : Չնայած Մարդու իրավունքների պաշտպանի գրասենյակի հայտարարությունը շատ ողջունելի ժեստ էր, սակայն միայն դա բավարար չէ:

Հայաստանի կառավարությունը պետք է շտապ քայլեր ձեռնարկի այն քաղաքականության, օրենքների և սոցիալ-քաղաքական մթնոլորտի փոփոխման ուղղությամբ, որոնք շարունակում են խթանել Հայաստանի ԼԳԲՏ համայնքի նկատմամբ անհանդուրժողականությունն ու բռնությունը: Առանց հստակ օրենսդրական, քաղաքական բարեփոխումների և կրթական ծրագրի, նման հարձակումները կշարունակվեն և Հայաստանի կառավարությունը չի կարող պաշտպանել ԼԳԲՏ համայնքը բռնությունից ու խտրականությունից:

Հայաստանի օրենսդրությունը չի ապահովում Հայաստանում ԼԳԲՏ անձանց հավասար իրավունքներ (տես՝ Amnesty International- ի հաշվետվությունը):

Հայաստանի օրենսդրությունը չի արգելում խտրականությունը ԼԳԲՏ անձանց նկատնամբ աշխատանքի, բնակարանային կամ սոցիալական նպաստների հարցերում, ինչպես նաև չի սահմանում որպես ատելության հիմքով իրագործված հանցագործություն (hate crime) ԼԳԲՏ անձանց նկատմամբ իրականացված հարձակումները: Հայաստանի նոր կառավարությունը շատերին հույս է ներշնչել, որ երկրում կլինեն իրական բարեփոխումներ թափանցիկության, արդարության և հավասարության հարցերի շուրջ: ԼԳԲՏ հիմնախնդիրների բարեփոխումները պետք է լինեն այս նոր խոստումների մի մասը: «Կրոնի», «մշակույթի» և «արժեքների» վրա հիմնված հնացած և կեղծ հիմնավորումներն այլևս չեն կարող քողարկել ատելությունը, բռնությունն ու անհանդուրժողականությունը Հայաստանի ԼԳԲՏ անձանց նկատմամբ:

Մենք կոչ ենք անում Հայաստանի կառավարությանը.

• սահմանել օրենսդրական բարեփոխումների ժամանակացույց և օրակարգ, որպեսզի ԼԳԲՏ անձանց տրամադրվի օրենքով սահմանված հավասար իրավունքներ.
• առաջարկել ծրագիր, որը կնպաստի ԼԳԲՏ անձանց նկատմամբ հասարակության մեջ հանդուրժողականությանն ու հարգանքի խթանմանը՝ հրապարակային հայտարարությունների և հանրային կրթական ծրագրերի ստեղծման միջոցով.
• հանդես գալ ԼԳԲՏ անձանց դեմ ուղղված բոլոր հարձակումները դատապարտող և մեղավորներին հետաքննելու, պատժելու և ԼԳԲՏ անձանց պաշտպանելու պարտավորությունները կատարելու հայտարարությամբ:

Մենք կոչ ենք անում Հայաստանի քաղաքական կուսակցություններին հստակ արտահայտել իրենց աջակցությունը նման բարեփոխումների օրակարգին և ծրագրին, և դատապարտել ԼԳԲՏ համայնքի դեմ հարձակումները: Հայաստանի յուրաքանչյուր ընտրող իրավունք ունի իմանալ, թե ինչ դիրքորոշում ունի յուրաքանչյուր կուսակցություն այս հարցերի շուրջ:

Մենք կոչ ենք անում միջազգային հայկական կազմակերպություններին, ներառյալ բոլոր դավանանքների հայկական եկեղեցիներին, իրենց աջակցությունը ցուցաբերել նման բարեփոխումների օրակարգին և ծրագրին, և դատապարտել ԼԳԲՏ համայնքի դեմ հարձակումները: Աշխարհի յուրաքանչյուր հայ, որն աջակցում է այս կազմակերպություններին, իրավունք ունի իմանալ, թե ինչ դիրքորոշում ունեն նրանք այս հարցերում:

Ստորագրող կողմեր ​​

«Հայ առաջադեմ երիտասարդություն» ՀԿ (Հայաստան)

Association Hyestart (Շվեցարիա)

Charjoum (Ֆրանսիա)

Collectif de Soutien aux Militants Arméniens Jugés à Paris (Ֆրանսիա)

GALAS (Gay and Lesbian Armenian Society) (ԱՄՆ)

Նոր Զարթոնք (Թուրքիա)

PINK Armenia (Հայաստան)

Կանանց ռեսուրսային կենտրոն (Հայաստան)

Կանանց աջակցման կենտրոն (Հայաստան)

(ստորագրողների ամբողջական ցուցակը՝ տես անգլերեն բնօրինակում)