Покачи килажа на здрав начин

Ако зборуваме за твоето целокупно здравје, многу често слушаш дека потребен е труд за да се одржи “здраво тело и добар изглед”. И кога го слушаш тоа природно ти доаѓа да помислиш дека истото важи само за луѓе со покачена телесна тежина. Но постојат и луѓе кои го имаат обратниот проблем. Иако многу од луѓето со вишок килажа се’ би дале за да сменат места, сепак да знаете дека и луѓето со недоволно килажа се мачат и борат со тој проблем.
Здравото дебелеење бара време
Без разлика дали целта е намалување или покачување, повеќето од луѓето сакаат брзи резултати. Но, и во двата случаеви процесот е бавен. Особено кога сакаш да покачиш чиста мускулна маса. За оние кои имаат недостаток на килажа математички кажано ако сакаат да покачат половина килограм за 7 дена треба секој ден да јадат 500 калории повеќе од тоа што нивното тело согорува дневно. Тоа е многу логично, но проблемот е што најчестo од желба да биде тоа брзо луѓето посегнуваат по нездрава високо калорична храна како пици, бургери, помфрит и слични производи кои изобилуваат со шеќер и масти, но немаат здрави протеини, јаглехидрати и микторнутриенти што се клуч за креирање здрава телесна композиција.
Здрави продукти за здраво дебелеење
Зголемувањето телесна тежина на здрав начин бара многу повеќе од јадење на повеќе калории. За да изгледате народски кажано “набиено”, а не само “здебелено” потребно е исто така балансирана и правилна исхрана, но со зголемен калориски внес од протеини и здрави јаглехидрати. Исто така потребно е јадење на време и во ритам и она што е со најмал процент учество, но без кое не може е вежбањето со отпор и тежини или народски кажано теретана и фитнес.
Како да покачиш килажа на здрав начин
- Пиј екстра калории од смути и протеински шејкови. Најдобро е да ги имаш помеѓу оброците наместо после оброк.
- Постепено зголемувај ги порциите. Секогаш кога ти е достапно и возможно додавај си уште некоја лажица или кутлача од главното јадење.
- Додавај здрави масти во салатите и зеленчукот. Користи маслиново масло во салатите и додавај јатки, семиња, авокадо и маслинки во зеленчукот што го јадеш и готвиш.
- Користи здраво калорични житарки и пецива. Како ужинки можеш да користиш житарици со млеко или јогурт кои не се процесирани и во нив имаат екстра калории од јатки и семиња. Исто така користи пецива и лебови кои се тешки на допир и се 100% интегрални и со семиња.
- Доволно протеин е многу важно, но избирај ги оние попосните — од риба, пилешко, телешко и вегетаријанските протеини како грав, леќа, боранија, грашок, тофу…
- Сушени овошја имаат повеќе калории од свежите затоа може да бидат добар додаток во салати, смути, шејкови и житарици. Но, не сите се на добар начин обработувани затоа јас би ги препорачал следниве: сливи, смокви, урми, грозје.
- Вежбање со тежини. Уплати чланарина во некој фитнес центар за неколку месеци и ќе имаш поголема причина да бидеш редовен. Обавезно побарај личност и тренер со поголемо искуство во фитнес да ти помогне да научиш како правилно да вежбаш различни групи на мускули од телото.

