Јо-Јо диети: Дали постојаните обиди за слабеење ве праваат подебели?

Јо-Јо диети — добро позната шема — намали, качи, намали, качи. Многу често тоа качи претерува и повеќе од што имав претходно и често се прашуваме како е ова можно, а за разочарување не ни зборувам. Многу од луѓето се прашуваат и не им е јасно како е можно секоја следна диета и слабеење да бидат потешки и со поглеми последици и како може секој пат кога се вратиле назад на старата па дури и поголема килажа да навлекле и некој друг проблем како забавен метаболизам, проблеми со дигестија, хормони, имунитет итн.

Ефектите на Јо-Јо диети

Повторувањето на диети може да направи се потешко да можеш да слабееш, но не поради причините кои тебе ти прават логика :).

Логиката дека јо-јо диетите те прават подебел изгледа нешто слично на ова: ако слабеењето предизвикува губиток на сало и мускул, но бидејки ти само додаваш сало кога качуваш килажа назад, тоа значи дека после секоја диета ти си подебел. Но, нема конкретен доказ дека ова е точно — дури и покрај многу диети, кај луѓето со прекумерна тежина промените во телесната композиција не се случуваат така едноставно и брзо, бидејќи сепак диетите не траат повеќе од 7,30 максимум 90 дена.

Дури и пореметувањето на метаболизмот не може да се случи за таков краток период особено доколку се вежба за време на слабеењето со диетата. Тоа значи дека слабеењето не треба да биде потешко за оној кој го прави по десетти пат и за оној кој го прави по прв пат, но останете со мене.

Негативните ефекти на Јо-Јо диети

Дали ова погоре значи дека треба константо да дозволуваш килажата да оди горе-доле.

Еве го моето мислење. Јас само реков дека оној што се обидува да ослабе по десетти пат не треба да има поголеми потешкотии од оној кој што слабее за прв пат. И од гледна точка на метаболизмот тоа е така затоа што рековме дека брзината на метаболизмот и телесната композиција не доживуваат големи промени за краток период.

Но, има нешто што се вика став, а тој многу се разликува кај оној кој за прв пат ќе почне и оној кој по десетти пат сака да почне. Сетете се кога за прв пат сте си дале обврзување дека ќе почнете слабеење и каква возбуда сте имале. Максимална дисциплина, решеност и верба дека ќе си ја постигнете целта.

Најчесто овие обиди се неуспешни затоа што многу луѓе се неискусни, не се упатени во исхрана и диети, прават одлуки на своја рака и го прифаќаат најчесто најкраток пат од типот “За 7 дена витко тело”, “За 1 месец 20 килограми помалку” и уште многу други. И она што се случува понатаму е неуспех, кој веќе следниот пат и помисла за обид ќе го направи уште во старт осуден на неуспех затоа што и самиот старт нема таков позитивен став и верба како првиот пат. Затоа што ќе почнат да се јавуваат гласови во глава “поучени” од минатото “џабе се трудиш, ете виде дека не можеш ти да ослабеш”, понатаму се случува “едноставно сите кај мене дома се крупни, наследно ни е”, “не е се во изгледот, ако ме сака и оваков/ва ќе ме сака” и уште мнооооогу други непотребни гласови и лаги кои си ги кажуваме на себе.

Зошто килажата оди горе — доле?

Ако мислисш дека секој обид да ослабеш е се потежок и потежок, можеби е затоа што ти си го правиш така за себе.

Можеби се трудиш да воведеш премногу промени наеднаш. Можеби сакаш да воведеш диета што е многу ригорозна и ограничувачка. Можеби си вовел храна што ти е тотално нова или приготвена чудно, во смисла не вкусна. Можеби треба да скратиш на социјализација со пријатели затоа што тоа што се јаде и пие кога ќе излезеш од дома не се поклопува со твојата диета. И со сите такви рестрикции, кој мислиш дека би издржал?

Никој не би издржал! И јас не сум сигурен дека ќе издржам. Едноставно, да му ставиш крај на тој јо-јо циклус значи да најдеш нешто што функционира добро за тебе — не само за неколку недели, туку доживотно. Па друи и да ти одземе малку подолго време, што има врска? Дали ќе ти биде важно колку време ти требало кога веќе еднаш ќе стигнеш до целта. НЕ! Нели?

Се работи за начин на живот, за нешто што ќе те одржи во добар изглед, кондиција и здравје целиот живот. Не се работи за краток рок. И ако ме прашуваш мене од каде да почнеш, почни од појадокот. Тоа е дел од денот кој е со најмалку дефокусирање и најважниот дел од денот. Направи ја таму промената и остави нека ти помогне некој кој веќе има резултати, пријател, познаник, советник кој е успешен на тоа поле. Полесно е кога те води некој за рака :).

Instagram ; Arsov24 FACEBOOK; ARSOV IVAN

)
Welcome to a place where words matter. On Medium, smart voices and original ideas take center stage - with no ads in sight. Watch
Follow all the topics you care about, and we’ll deliver the best stories for you to your homepage and inbox. Explore
Get unlimited access to the best stories on Medium — and support writers while you’re at it. Just $5/month. Upgrade