Honda Motocompo 以電動電單車回歸？

早排我哋咪訪問過香港玩 Honda Motocompo 嘅車主。呢部玩味重嘅電單車，自從 80 年代被評為失敗之後就無再推出後繼。誰不知今時今日竟然成為經典，重不停有人搵緊，我諗 Honda 自己睇到個市場，認為喺時候出手。咁點玩法好？電動 Motocompo 相信係可行之道。

事緣有外媒就發現，美國 Honda 個邊就靜雞雞咁註冊咗個新名「Motocompacto」。專利文件就顯示佢喺一款摺得埋嘅「陸地車輛、電動電單車」。寫到咁白，外媒就好直接咁估會唔會就係 Motocompo 嘅電動版本，改一改個名再推出市場。

而且呢個估計亦唔係亂咁吹。因為 2012 年時，Honda 真係喺東京車展上面展示過一部純電嘅概念車，就係下圖個部：

雖然到目前為止都係止於吹水，但係如果真係有都幾好。不過呢部概念車太前衛，無咗個種復古玩味，我就麻麻地。所以，睇番我哋之前做果條人訪重溫下啦，如果覺得過癮介紹埋身邊朋友一齊睇，支持下拍車男，訂閱我哋呀！