Beete lamhe……
Beete lamhe kyu dil ke itne paas hai?
Chaah kar bhi bhula Na paaye kyu woh itne khaas hai ???
Kehte hai..
Jindagi hai aage badhne ka naam.
Par kyu…beete kal ko dekh Mann mein tadap ka ehsaas hai.?
Beete lamhe kyu dil ke itne paas hai..
Kehte hai…
Khwabo ko palko par rakhna hamesha thaam.
Par kyu..ln palko ki muskaan tale ajeeb dard ka aabhaas hai.?
Beete lamhe…kyu dil ke itne paas hai..
Kehte hai….
Yauvan to hai Jeevan ka sabse sunder mukaam.
Par kyu…kho gaya woh bachpan ka naadaan parihaas hai.?
Beete lamhe kyu dil ke itne paas hai…..
Kehte hai…
Jeena hai toh naa hona mohabbat mein kabhi naakaam
Par kyu…paaker mohabbat bhi lagta hai chaahato mein ek pyaas hai.?
Beete lamhe kyu dil ke itne paas hai…
Kehte hai…
Chu kar aasmaan ki unchaaiya phir karna vishraam.
Par kyu…unchi udaan bharne per bhi lagta soona yeh aakash hai.?
Beete lamhe kyu dil ke itne paas hai…
Kehte hai…
Umra ki tej raftaar mein nahi hai koi veeraam
Par kyu…jeevan ke is padaav per lagta hai avakaash hee avakaash hai ?
Beete lamhe kyu dil ke itne paas hai??
Chaah kar bhi bhula naa paaye kyu woh itne khaas ha. ???.
