【戀愛字典: Rebound】
五年前第一次接觸呢個terms嘅時候頓時茅塞頓開。
Rebound 其實係指籃板球，一場比賽你投波唔入(關係唔順利)，可以即刻抓籃板再進攻(rebound) 。一段rebound relationship 嘅意思就係當一方分左手之後佢不單止冇比時間令自己進入 5 stages of grief <- 以後會再分享，仲即刻馬不停蹄展開約會令自己嘅空窗期縮到最短 (亂x咁射波)。最後產生出來嘅嗰一段關係就叫做rebound relationship，已佢新嘅對象就係一個rebound bf/ rebound gf。
我通常都會避免去約會一啲啱啱分咗手嘅男人，尤其係之前已經拍左好多年拖、又或者已經進入談婚論嫁地步但係最後都不幸分開左嘅男人。我認為如果嗰個男人之前嘅關係越認真，前度嘅陰影亦都會越牢固，而相對治療嘅時間亦都會比較長。只要佢個心裏面仲有佢個前度、多少都好，佢只會將你同佢前度互相compare，好多你身上嘅優點都會因為比較之下佢完全睇唔到。而且當一個人進入一段 rebound relationship 關係嘅時候佢會嘗試係你身上去尋找佢同佢前度曾經有過嘅connection而忽略咗同你嘅connection，直到有一日佢決心忘記過去就會順便放低埋你。如果你呢一刻突然有D freak out 嘅話，我呢度有七個提示可以話比你聽你依家係咪喺一段 rebound relationship 裏面:
1. 對方啱啱分左手無幾耐
2. 佢成日提佢前度
3. 情緒化會突然觸景傷情
4. 會用 “我需要多啲時間因為我曾經受過傷” 嘅藉口而唔肯去commit一段 關係
5. 會無啦啦有啲黑暗嘅Facebook statues 或者IG quotes
6. Hot and cold 情緒 — 因為連佢自己有時都分唔到佢係鍾意你定仍然掛住
佢前度
7. 一講將來就縮沙 — 因為仍然覺得仲有同前度復合嘅機會
如果你真係鍾意佢嘅話不妨俾多啲時間佢去”休息” as a friend 咁樣倍住佢；假若佢衝動嘅話你自己都要控制，我好相信係你嘅始終都係你。
Don’t rush things. Anything worth having is worth waiting for。共勉之。
(原文於2016年7月16號發出)
