One of the Narrations regarding the Lumpang Basih

This narration is retrieved from parsugpatan blog and was prepared by Tuan Sh Sherbi Sahial Jajalis,Deputy Secretary General for Police/Military Affair of the Office of the Raja Baginda, Sultanate of Sulu Archipelago and HRH Tuan Sh. Mohd. Nadidirnadduhah Amirilmuhminin Raja Baginda III of the Sultanate of Sulu Archipelago Darul Jambangan, Ipil, Maimbung, Sulu.

Kindly visit their blog and check their articles.

Bismillahir Rahmanir Rahim

INI IN SALASILAH SIN UPAT APO’ AMUIN NAG PAMIAT MARI PA BABAAN SIN HANGIN NAGDARA SIN AGAMA ISLAM SARAH PAMARINTA PAG TUHAN BANGSA MARTABAT SIN TAHUN (732 HIJRAh)

Habaita sin mga panubuh sin mga upat apo’ ini, in sila ini mag talianak kalipatul karamat sin Madina, in ngan sin Ayah amuna in Tuan Sharef Abdurahman Aminullah Amirilmuhminin, in anak magulang, Tuan Sharef Syed Abubakar Amirilmuhminin, In sumunud Tuan Sharef Syed Arifiin Amirilmuhminin, in bungsun, Tuan Sharef Omar Alih Amirilmuhminin. Hawaktu sin pagkari nila pa Lupah Sug, ig nila daing ha hulah Madina, sin puas subu sin adlaw salasah sin bulan J’Akhir sin tahun 732 Hijra, simakat sila ha lumpang basih harap pa Sulu. Pag duun man sila ha laud, liyanggal nila in tao mangih dagbus mahabah in dilah, nag lilingkud ha babaw sin daghat, pag suuk sin upat apo’ simalam suara in ayah, dih maingat sumambung in tao ini, timindug in tao ini iban namuhingahna sah in karamat sin upat apo’ ini similawak pataas in tao ini simanggup sin matunaw siya sin landuh in ngih parasahan iban pag iyan sin tao ini biyahna, Kamura in limabai di waiku nabinsanah! Ampa imasubu in tao ini hisiyo kamu? Daing kamu hauno? Harap niyo pakain? Simambung in ayah, in kami ini kalipa karamat daing ha Madina, harap namuh pa Lupah Sug, mag pasablag sin agama islam sarah pag tuhan. Laung sin tao ini anduh tuan salamata na aku, pahatiha na aku sin agama mu paagara na tuud aku sin agama mu misan mu aku unohunna basta mu paagarunda. Laung sin ayah mugah in anak apo’ bang kaw magad, anduh tuan paagara aku sin agama mu misan mu aku unohunna. Laung sin ayah marayaw, piyarayaw sin ayah in dagbus niya, iyuturan in dilah niya ampa siya piyaagad simabbut sin kalima shahadat, ampa siya ngiyanan, tiyudluan pa kakanah hihinang biyah saparati panji, in pababah warnah itum, in pataas warnah gaddung, ampa imiyan in ayah in warnah itum ini amuna in ikaw amuna in sungun namuh, in gaddung ini amuna in tiyaikuran namuh, hipasablag pa katan ha baban sin hangin, pagka kaw daing ha mangih naka pamarayaw kaw nganan tanakaw kan masukud, pagka aun kawasa mu di ha gihtung laud gulalun tanakaw Datu, ikaw na in Tuan Datu’ Masukud panagnaan sin biat namuh. Ubus man limausna sila piyag langgal na isab sila sin hambuuk adjung landuh tuud nainu-inu sin siyasakatan nila nag asubu in tao adjung bang sila hisiyo, daing hauno harap pakain? Giyuwah sin ayah salam suara ampa siya namaitah bang hisiyu daing hauno harap pakain uno in maksud. In katan sin tao adjung namakluh sin agama islam miyagad sin sarah. Piya uwih sin upat apo’ in kaibanan pa China dih mabayah in kaibanan bang dih maka agad mamiat, in kaibanan himarap na pa China kiyawakilan mag pasablag sin agama islam sarah. In adjung himarap na pa China, in karamat sin upat apo’ kiya ganapan sila 14 lannang nahinang sila 19 tao. In simakat ha lumpang basih himarap pa Lupah Sug, dimatung sila pa Lupah Sug sin adlaw Alba’a sin manga kulang labi lisag 8:00 sin mainaat, bulan Jumadir Akhir, 732 Hijrah. In lugai nila daing ha Madina mari pa Lupah Sug, 16 adlaw, in manga upat apo’ ini nag pinda ngan, in ngan sin ayah nag pinda kan Tuan Sharef Mahadum Aminullah Amirilmuhminin, in anak magulang nag pinda kan Tuan Sharef Shareful Hashim Amirilmuhminin, in sumunud nag pinda kan Tuan Sharef Alawi Barfaki Amirilmuhminin, in bungsu nag pinda kan Tuan Sharef Kimar Aminullah Amirilmuhminin. In hulah diya tungan nila Lupah Sug, in kauman diyatungan nila amun kiya butangan sin lumpang basih nila sampai pa bihaun 2009 yaunda in siyasakatan nila lumpang basih kulang in maka ingat sin lumpang basih ini amura in manga Bangsa Sharef in kamatauran makaingat. Pag datung nila landuh tuud nainu-inu in manga tao ha kauman, ampa diyaak sin ayah in bungsu iban sin lannang piya kadtu pa bay sin tao maas ha kauman, ubus nila nag dahwa nag balikna sila pakatauran, pag datung nangasubu na in ayah, laung sin bungsu pakadtuun kitaniyu sin tao maas ha kauman pa bay, waipa sila nakadtu tiyunai nila na’a in farduh Luhur/Zuhur, ha higad daghat natipun in tao nangitah-ngitah kanila nag tunai sin farduh zuhur, in pamiat sin sila upat apo’ hal sarah agama islam pag tuhan ampa kita sunnatun paguwaan dughuh ampa pasabbutun sin kalimatu shahadat ampa hibaitah in awal ka islam ta iban sin ka islam sabunnal ta iban sin kalanuh sin nyawa jasad ta pag bahasahun sin sila usuluddin tasauf tawhid amuna in atay putih otuk pussuk sin pangannal, ini in paguwah sin sila upat apo’ habaitah sin sila sahingga kita dih makabutas haini dih kita mabinsanah dunya akhirat, aun barkat karamat ta dih kita mapis sukuh sin dugaing agama jinn atawa saytan. Nag papanaw sila sin sarah agama pag tuhan, kulang labi 4tahun, 732 Hijrah. Pag abut kulang labi 4tahun, ampa timindug in Raja Baginda sin tahun 732Hijrah, nag hatul nag parayaw sin kauman nag pahantap sin sarah. In hati sin Raja Baginda siya in mag paguwah sin sarah iban hukuman, in Raja Baginda subai mabangsa in ambuh iban ayah, in Raja Baginda ilmuan aun barkat aun karamat maingat mag ammal daing sin babaanun, in Raja Baginda bakas siya namarinta atawa bakas siya sultan, in Raja Baginda subai siya makara sin (5) parkalah, hika esa bangsahawan, hika (2) Ilmawan, hika (3) Halimawan, hika (4) Hartawan, in hika (5) Pandai pandikar, maingat mag papanaw sarah maingat mag dihil hukuman in katan ini piyahantap siyusun hiyatul marayaw sin Raja Baginda, kulang labi 20tahun. Mahantap man katan piya tawag na in katan kakasi iban upat anak. Natipun man katan nag himumungan na in Tuan Sharef Mahadum Aminullah Amirilmuhminin, pagka mahantap na in sarah agama islam pag tuhan natuh mag paaun na kita niyu pamarinta, amuna in kagulal kan Tuan Sharef Shareful Hashim Amirilmuhminin, gibha sin Tuan Sharef Alawi Barfaki Amirilmuhminin, liyangan sin Tuan Sharef Kimar Aminullah Amirilmuhminin, iban sin kaibanan kakasi limangan ampa liguh sin ayah, ubus liguh tiyamungan sin tamungun pamarinta ha waktu bihayaun, adlaw bihaun, bulan bihaun, tahun bihaun, kulang labi lisag 9:00 sin mainaat, isnin, Muharram, 758 Hijrah. Buansa Indanan, Sulu. Ampa siyuwara sin ayah, ikaw na in pamarinta, Sultan Sharef Shareful Hashim Amirilmuhminin, ampa diyuhal kaniya in kitab sin yampa, 26Hijrah amun kitab tiyukbal sin Nabi Muhammad Sallaulahu alaihi wassallam, kan Sultan Sharef Mohd. Alih Nafia Amirilmuhminin. Laung sin Tuan Sharef Mahadum Aminullah Amirilmuhminin, Sultan Sharef Shareful Hashim Amirilmuhminin, ikaw na in pamarinta, Tuan Sharef Alawi Barfaki Amirilmuhminin, in ulin sin sarah aku in tagdapuh sin hulah. Simambung in bungsu, biyadiin isab in aku? Laung sin ayah in ikaw in katan sin maingat ilmuan guwah na daing kaimu ikaw na in Raja Baginda in hati niya in hulah rahyat sarah agama islam pag tuhan biyahagih nag upat sin Tuan Sharef Mahadum Aminullah Amirilmuhminin.

Bud Bongao Tawi-Tawi

Mahantap man, in katan himarap pa bud Tumantangis, in ayah, Tuan Sharef Mahadum kitah niya in bud Bongao, nimaug siya namaid ha pamarinta iban ulin sin sarah, in sila pa Tawi-Tawi, piya agad niya in manga kakasi lannang iban sin Tuan Sharef Kimar Aminullah pasal ha 3 anak niya Tuan Sharef Kimar Aminullah in mapantuk ha ilmuh mag dahwa magpapanaw sin sarah agama pag tuhan. Naka pamaid man sila himarap sila pa Tumangas Parang Sulu, duun sila minig pa Bongao Tawi-Tawi, in diyatungan nila amuna in Bongao. Duun man himarap sila pa kapuh-puan namiat, nabiat man nila in Tawi-Tawi, piya Bongao sila nag balik himarap pa bud Bongao in Tuan, duun siya namantaw iyatud niya in kahulah-hulaan kitah niya in bud Kinabalu, kita niya man in bud Kinabalu nanaug na siya daing ha bud Bongao, tipun niya na in katan kakasi ampa siya nag hilalaungan, in aku bihaun iban kaibanan kakasi umuntas kami daghat madtu kami pa hulah yaun mag pasaplag sin agama islam, ampa siya imiyan in ngan ku bihaun Tuan Sharef Alih Jainal Abidin Amirilmuhminin, in anak nag ngan kan Tuan Sharef Omar Alih Amirilmuhminin, ampa sila himarap pa Kinabalu. Duun man piyasaplag na nila in agama islam sarah pag tuhan sahingga naasawa sin Tuan Sharef Omar Alih Amirilmuhminin, in anak sin tao maas duun ha Brunei, sahingga siya nahinang Sultan, siyana ini in Sultan Sharef Alih.

Bud Kinabalu

Pagka naka asawa na in anak himarap na pa bulungan Indonesia in Tuan Sharef Mahadum, nag pasaplag sin agama islam duun. Sampurnah man in Indonesia piya saplagan sin agama islam, naka asawa na duun in Datu’ Masukud, nag pabin na duun ha Indonesia in tuan Sharef Alih Jainal Abidin nag pinda siya ngan kan Tuan Sharef Iskandal Shah Amirilmuhminin ampa siya himarap pa Malaysia, in diyatungan niya Singapora ampa niya liyunsul piya panawan sin agama islam in seluru Malaysia sahingga nakapag Sultan ha Johor Bahru, naka anak siya 3, hambuuk babae duwa usug. Pila tahun limabai minuih siya pa Bongao Tawi-Tawi, duun man ha Bongao nag ngan siya kan Tuan Sharef Muhammad Amirilmuhminin. Duun man ha Bongao Tawi-Tawi naka asawa siya ha anak sin tao maas duun ha Bongao, in Tuan Sharef Muhammad ini, misan biyahadtu na in pag libut niya sin hulah namiat in manga lannang hui-hui ini mataudda in nakaagad mataudda isab in nag paka asawa in kaibanan misan aunna anak asawa miyagadda ha Tuan Sharef ini. Pila tahun limabai naka anak siya duwa, hambuuk usug, Tuan Sharef Isbat, hambuuk babae Dayang Sharef Nannang. Limabai pila tahun namaid in Tuan ini pa Tapul, duun man ha Tapul limugai siya manga pila adlaw nahilu halah in tao ha kauman kalnah in anak babae sin tao maas duun ha kauman kiyawah tiyapuk sin jinn, jari in tag anak namung bang aun makakawah daing ha jinn sin anak ku hipa asawa ku kaniya bang usug in makada mari kakuh. Bukun gantah niya mag asawa sah in kaniya tumabang, sah hatiniya pagka amun yadtu in sarat iyagad sin Tuan Sahref Muhammad iban in manga ini asal piyag aamu na sin nag papanjari Allah (s.w.t ) amuna in ka asawa niya kan Puteri Indar Suga anak sin tao maas ha Tapul, Sulu. Limugai pila tahun naka anak siya duwa, Sharef Sumping Amirilmuhminin, amuna in giyuwaan sin manga buranun ha Pata, Sulu. Sharef Abubakar Amirilmuhminin amuna in giyuwaan sin Sahref duun ha Lugus, Sulu. Limabai pila tahun naka anak in Sharef Abubakar katan lima, 2 usug 3 babae. Ha yampa 2 in anak sin Sharef Abubakar, in magulang siyangai niya ha apo’ Sharef Muhammad Amirilmuhminin. Pag ubus aun hambuuk adlaw piyag amahan sin ayah in Tuan Sharef Muhammad dimagan pa higad daghat natug ha laum sin bangkah pag sakali iyanud in bangkah pa Tumangas Parang, Sulu. Duun man ha Tumangas hinang siya daraakun jari bang siya daakun kumawah tubig harap niya pa daghat sumauk ampa siya muih. Jari sakahabah siya pakawaun tubig harap niya pa daghat sumauk, hambuuk adlaw kitah sin pang daig bay simauk pa daghat, jari laung sin naka kitah ha tag bay unohun mu in daghat nag pakawah kaw? Laung sin tagbay, wai aku nag pakawah, laung sin naka kitah kinami in dagtong yan ubus kinaman pag kinam tubig, laung sin naka kitah basta daghat kitah namuh. Pag adlaw hambuuk jiyagahan pag kitah bunnal daghat in pag kawaun pag ubus kinaman pag kinam tubig, ampa nangannal in tag bay ampa imiyan in batah ini tubuanan mabangsa dain didtu dihna siya pag daakun iban nahinang na siya mangubat guru dakulah makahati sarah agama islam hang kannan in katurunan mabangsa mahunit sibuan misan dih mag guru imingat da. Hikalin ta pa Sultan Sharef Shareful Hashim Amirilmuhminin sin Buansa Sulu, naka anak siya 3, duwa usug hambuuk babae, Sharef Muhammad Kamaluddin Amirilmuhminin, in hambuuk Sharef Alawaddin Syed Omar Amirilmuhminin, in babae Dayang Sharef Dandanay Amirilmuhminin. Ampa in ulin sin sarah Tuan Sharef Alawi Barfaki Amirilmuhminin nag asawa siya duun ha Ipil Maimbung Sulu, naka anak siya 3, in usug duwa, Sharef Muhammad Pulalon Amirilmuhminin, in sumunud Sharef Muhammad Abdullah Aras Amirilmuhminin, In babae Dayang Sharef Sahaya Kaungan Amirilmuhminin. Haupuunta namaruhum na in Sharef Sahreful Hashim duun ha Buasa Sulu, kulang labi 794 Hijrah. Nakahati man in ulin sin sarah, Tuan Sharef Alawi miyadtu na siya pa Buasa siyam pulnah na nilah in namaruhum Sultan. Limabai kulang labi 2 bulan nag suara na inTuan Sharef Alawi pagka aku ra in ulin sin sarah, ulinan kuna in pamarinta. Ampa siya minuih pa Ipil Maimbung Sulu. Limabai pila adlaw tipun na in katan rahyat ampa piya giba kan Tuan Sharef Muhammad Abdullah Aras. In magulang Tuan Sharef Muhammad Pulalon Amirilmuhminin ampa liyangan sin katan bangsahan ampa liguh sin Tuan Sharef Alawi Barfaki, ubus liguh tiyamungan sin panamung pamarinta ampa giyulal ha waktu adlaw bulan tahun ini ikaw na in pamarinta sin hulah, Sultan Sharef Muhammad Pulalon Amirilmuhminin ampa diyuhal in kitab amuin kitab yampa 26Hijrah, bihaini in hantang sin pag gulal sin pag Sultan atawa pamarinta. Namarinta in Sultan ini kulang labi 6 tahun 800Hijrah. Himarap na isab pa Buansa Sulu in Tuan Sharef Alawi Barfaki, didtu man tipun niya in rahyat katan ampa niya piya tindug Sultan in Sharef Muhammad Kamaluddin Amirilmuhminin, amura in sarat sin pag pa tindug sin katan Sultan atawa pamarinta amuna in kagulal kan Sulatan Sharef Muhammad Kamaluddin Amirilmuhmini sin kulang labi 800Hijrah. Salasai man in pag patindug sin pamarinta himarap na pa Ipil Maimbung Sulu in Tuan Sharef Alawi Barfaki. Duun man ha Ipil nang dah-dah in Sultan Muhammad Pulalon iban Sharef Abdullah Aras sin pag patindug sin Sultan Sharef Muhammad Kamaluddin, maitah aun Sultan mag pa aun Sultan atawa maitah bukun Sharef Abdullah Aras in piya tindug Sultan? Laung sin ayah, sarah in namaitah subai mamarintan in anak sin pamarinta subai mag Sultan in anak sin bakas Sultan, amuyadtu in sarah wai makalarak tuput in nag papanjari Allah (s.a.w) in makaingat amu ini in sarah sin mag patindug sin pag Sultan. Limabai pila adlaw timipun tao in Sultan Sharef Muhammad Pulalon kulang labi 50 tao ampa siya namaid marayaw simakat pa adjung ampa timulak harap pa Bulungan Indonesia. In Sharef Muhammad Abdullah Aras, namaid harap pa Siasi Sulu, naka asawa siya duun ha Siasi Sulu siya na ini in giyuwaan sin Sharef ha Siasi Sulu, Ampa in Ipil Maimbung Sulu, waina Sultan. Limabai pila adlaw kiyawah sin Tuan Sharef Alawi Barfaki in manghud sin Sultan Muhammad Kamaluddin anak sin almarhum Sultan Sharef Shareful Hashim, Sharef Alawaddin Syed Omar Amirilmuhminin piya tindug nila Sultan ha Ipil Maimbung Sulu, in tradisi sin pag patindug sin Sultan atawa pamarinta sibuhda in addat istiadat niya amuna in kagulal kan Sultan Sharef Alawaddin Syed Omar Amirilmuhminin. Hika 4 Sultan sin Sulu ha Ipil Maimbung sin kulang labi 800Hijrah, ampa in bakas Sultan sin Ipil Maimbung Sulu, Sultan Sharef Muhammad Pulalon Amirilmuhminin, naka pag Sultan siya didtu ha Bulungan, siya na ini in Sultan Makbalu Sultan Amirilmuhminin sin bulungan 3 in asawa 1 tausug, 2 Bulungan, anak ha tausug 3, 2 babae 1 osug. In ha tao Bulungan 2 asawa 8 in anak, pag limabai pila tahun minuih siya pa Ipil Maimbung Sulu, duun man siya ha Ipil Maimbung piya tawag siya sin pang tungud Sultan Muhammad Kamaluddin Amirilmuhminin diya nag bissara piyatawag in manghud Sultan sin Ipil Maimbung Alawaddin Syed Omar Amirilmuhminin pa Buansa Sulu, diya nag isun piya pag tiyaun nila in anak nila, Sharef Abdurahman Pulalon Amirilmuhminin kai Puteri Sharef Indar Mahilan Kamaluddin Amirilmuhminin.

Limabai pila bulan piya tawag in katan rahyat hinang in tradisi sin pag liguh atawa pag gulal sin pamarinta atawa sultan tiyukbal na sin Sultan in sarah kan Sharef Makbalu Pulalon Amirilmuhminin, siya na in ulin sin sarah, siya in Raja Baginda Makbalu sin Sulu, in mga sila ini in bangsahan amuna in Sharef atawa “Salip” in purnah mabangsa amuna in Sharef panubuh sin hangka tao lima in ngan, hambuuk Sharef Abdurahman Aminullah Amirilmuhminin, duwa Sharef Mahadum Aminullah Amirilmuhminin, 3 Sharef Alih Jainal Abidin Amirilmuhminin, 4 Sharef Iskandar Shah Amirilmuhminin, 5 Sharef Muhammad Aminullah Amirilmuhminin. Lima ini hangka tao ra, in katan bangsahan di ha babaan sin hangin panubuh na sin sila ini purnah amuna in Sharef panubuh sin Sultan Sharef Shareful Hashim ha Buansa Sulu. In Sharef Alawi Barfaki Amirilmuhminin ha Ipil Maimbung Sulu, in Sultan Sharef Omar Alih Amirilmuhminin ha Brunei Darussalam, in (3) sila ini amuna in purnah karnah in inah nila Arab piyag anak sila ha hulah Arab hangkan in sila ini purnah, ampa in burunanun bunnal tuud bangsahan panubuh sin Sharef Sumping ha Pata Sulu, iban Sharef Abubakar ha Lugus Sulu, hangkan nagulal buranun in inah nila Puteri Indal Suga, tao Tapul piyag anak sila ha Tapul Siasi Sulu, Sharef Muhammad Abdullah Aras in ha Bongao, Sharef Isbat in ha Tumangas, Sharef Muhammad, amura ini in kauman sin manga bangsahan panubuh sin manga upat apo’ amun nag dara sin agama islam sabunnal in pamiat sin sila mag lanuh sin jasmani ruhani ampa mag ammal. In pabaug-bugan katuh amun pag bahasahun sin sila rukun islam lima amuna in (1) Sahadat, (2) Pitrah, jakat, sadakka, jamu, (3) Puasa, (4) Sambahayang, (5) Naik Haji. Amuna ini in pag bahasahun sin sila (1) Usuluddin (2) Tasauf, (3) Tawhid, in mga ini sud kunuh pa atay putih otuk putih pussuk sin pangannal, ini in bandah nila bang kita kunuh dih maka butas ha ini salamat kita dunya akhirat dih kita mapis sukuh sin dugaing agama jinn atawa saytan karnah aun karamat barkat ta amu ini in banda sin sila, hang kanna hawaktu sin pamarinta sin sila sampurnah katan in pamarinta sarah pag tuhan agama islam. In pamarinta sarah pag tuhan ini sampurnah daing sin (732 Hijrah) sampai pa (1283 Hijrah) kulang labi (1283 Hijrah) ini na timagnah in pamarinta halu bilu sahingga pa bihaun mag lulugai mag duruhun pa in ngih, mag duruhun pa in kahalu biluhan sin hulah iban rahyat sin Sulu Archipelago. In salasilah ini naug daing ha manga ahlul bayt sin Sulu Archipelago, (1) Buansa Indanan Sulu, (2) Ipil Maimbung Sulu, (3) Bongao Tawi-Tawi, (4) Pata Sulu, (5) Lugus Sulu, (6) Siasi Sulu, (7) Tumangas Parang Sulu. Ini in kauman sin bunnal bangsahan di ha Sulu panubuh sin nag dara agama islam nag pamiat ha babaan sin hangin sin (732 Hijrah) sin puas subu adlaw salasah, Jumadir Akhir, (732 Hijrah) Mahuli Wabahdu Wassamualaikum Warahmatullahi Wabarakatu…

THE RAJA BAGINDA AND THE RULLING SULTANS OF THE SULTANATE
OF SULU ARCHIPELAGO

01.Raja Baginda ll, Tuan Sh Kimhar Aminullah Amirilmuhminin 1317–1337 (20)
02.Sultan Sh Shariful Hashim Syed Abubakar Amirilmuhminin (Buansa, Indanan)
1337–1373 (36)
03.Sultan Sh Mohammad Pulalon Amirilmuhminin (Ipil, Maimbung)
1373–1379 (06)
04.Sultan Sh Kamaluddin Amirilmuhminin (Buansa, Indanan) 1379–1471 (38)
05.Sultan Sh Awaluddin Amirilmuhminin (Ipil, Maibung) 1380–1415 (35)
06.Sultan Sh Kamaluddin Syed Abubakar (Buansa, Indanan) 1417–1450 (33)
07.Sultan Sh Al Hashim Syed Abubakar (Buansa, Indanan) 1450–1480 (30)
08.Sultan Sh Atih Kamaluddin ll Syed Abubakar (Buansa, Indanan) 1480–1505 (25)
09.Sultan Amirul Ombra (Mohammad Diraja) 1505–1527 (22)
10.Sultan Muizul Mutawaddin (Mohammad Opo) 1527–1548 (21)
11.Sultan Nasaruddin Mohammad Di Gunong) 1548–1568 (20)
12.Sultan Sohammidul Halim (Pangiran Budiman) 1568–1579 (11)
13.Sultan Sohammidul Halim (Datu Budiman) 1579–1595 (16)
14.Sultan Mawallil Wasit (Raja Bungso 1) 1595–1640 (45)
15.Sultan Nasaruddin ll 1640–1652 (12)
16.Sultan Salahuddin Karamat (Datu Bachtiar) 1652–1668 (16)
17.Sultan Salahuddin (Datu Danial) 1668–1680 (12)
18.Sultan Mustafa Syed Afiuddin (Datu Syed Saiful Rizal) 1680–1696 (16)
19.Sultan Mohammad Badaruddin 1 1696–1715 (19)
20.Sultan Nasaruddin lll (Datu Sabdullah) 1615–1735 (20)
21.Sultan Mohammad Azimuddin 1 (Datu Lagasan Baptized) 1735–1771 (36)
22.Sultan Muizuddin (Datu Bantilan 1, Defender of Islam) 1771 — (Few Moments)
23.Sultan Mohammad Izrael 1 1771–1776 (05)
24.Sultan Azimuddin ll 1776–1787 (11)
25.Sultan Sarapuddin 1778–1797 (10)
26.Sultan Mohammad Badaruddin (Datu Bantilan ll) 1797 — (Few Moments)
27.Sultan Mohammad Izrael ll 1797–1801 (05)
28.Sultan Azimuddin lll 1802–1803 (01)
29.Sultan Aliuddin l 1803–1806 (03)
30.Sultan Shakirullah 1806–1821 (15)
31.Sultan Mohammad Jamalul Kiram 1 (Datu Amirul Kiram) 1821–1842 (20)
32.Sultan Mohammad Pulalon (Datu Pugdar / Patlun) 1842–1862 (20)
33.Sultan Mohammad Aranan (Datu Maharaja Arinda Aranan Puyo)
1878 — For only a day
34.Sultan Mohammad Jamalul Ahlam (Datu Jamalul Agdan, Minor Age)
1878–1881(03)
35.Sultan Badaruddin ll (Father of Princess Piandao) 1881–1884(03)
36.Sultan Harun Al Rashid 1 1884–1894(10)
37.Sultan Jamalul Kiram ll 1894–1936(42)
38.Raja Baginda lll, Tuan Sh Mohd. Nadidirnadduhah Amirilmuhminin
2007 — Present

Prepared:

Tuan Sh Sherbi Sahial Jajalis

Deputy Secretary General for Police/Military Affair

Office of the Raja Baginda, Sultanate of Sulu Archipelago

Researched:

HRH Tuan Sh. Mohd. Nadidirnadduhah Amirilmuhminin

Raja Baginda III, Sultanate of Sulu Archipelago

Darul Jambangan, Ipil, Maimbung, Sulu.

This Article is copied from their original site:
https://parsugpatan.blogspot.com/2010/08/salasilah-sin-upat-apo_01.html