自我訓練的資格

唔建議FF自己係天材，亦都唔係勤力大晒，搵個教練好緊要

一直以黎都以為只係香港比較奇特，很多人選擇自己練習而不願意找教練，消閒參與者不願意花錢、教練資源短缺、資訊不流通一般人難以得知教練水平等亦可能有關係。但黎到英國，雖然接觸到的人暫時未算好多，見到啲屬會或者消閒射手，感覺情況好似都差不多。似乎呢個係運動本質的問題，而非地區特殊情況。射手普遍會情願花錢買新器材、花時間去試去調整器材，都不願意將資源放在搵教練指導上。射箭運動的特質，要求非常精準地重複動作技術，會使用到的肌肉日常生活未必會用，同時亦需要器材調整配合，基本上沒有教練協助是不可能成功的。當然無論點講都好，始終都係會有好多人選擇自我訓練，或因資源所限被迫進行自主練習，例如即使於學校進行訓練有校隊教練跟進，教練可能需要一個對20個人，每星期只有3–4小時，除開條數其實每個人望不到10箭，根本無可能作出個別指導技術，結果也是要自主練習。