費事成篇文 Highlight
我好少俾 50claps. 費事成篇文 Highlight 咁 阿擇 (Chaaak)啦。LOL
Ellan Ou
1591

講起 hightlight … 等我放返一篇陳年舊文出嚟先

Highlight 嘅功用

中學嘅時候,有個叫「神婆」嘅老師好鍾意叫大家間低書入面嘅重點:上佢堂就係不斷聽到佢講「undernine nine nine to nineteen」(係呀,佢啲鼻音好重,講嘢1999),一間就十行十行噉嚟,最多有時會跳過啲連詞(but、since、as嗰啲)呀。後尾大家索性扑爛支螢光筆,倒啲螢光水落本書度,染到成本都係螢光黃、shocking pink。

螢光筆嘅作用係間低重點,而重點係相對於冇用嘅嘢。如果成版都 highlight 晒,咁同冇間過書,有咩分別。多得呢位老師,我一早就明白呢個道理。心理學都有教啦,人係感知對比嘅動物:睇嘢我哋係分光暗嘅差距,而唔係絕對亮度 (absolute brightness),所以夜晚見到嘅白色嘢,佢反射嘅光線肯定少過日頭嘅黑色嘢,但係我哋會用周遭嘅資訊判斷到佢係白色;(旅遊家兼評論家林輝就講過嘅)你每日去世界各地嘅景點,每一秒都見到靚景,每一棟建築物都咁有特色,每度嘅風土人情都咁衝擊,久而久之你就會攰、會 fatigue;日日見靚女,就咩女都唔夠靚;日日睇甜片,就全世界嘅女仔都冇身材;當你講每一句嘢都夾雜一堆粗口,你去到真係好嬲嗰陣人哋會感受唔到;要舉例我可以舉多一百幾十個,不過 you get my point。

當你不斷接收一啲大家認為係重要嘅資訊,慢慢你就會麻木,會覺得一切都唔重要--因為重要嘅嘢之所以重要,係因為有一堆相對冇咁重要嘅嘢去做襯托。呢個觀察,嗌「狼來了」嗰個男仔喺俾狼死之前應該都領悟到。但係咁顯淺嘅道理,當去到用 Facebook 宣傳嘅時候大家就硬係唔明。求其一單新聞都叫人「廣傳」,係咪都吹大雞叫人「支援」,無關痛癢嘅事都喺度「告急」「瘋傳」,其實只會加速俾人無視。


回應返 complaint 呢部份。 Facebook 嘅機制其實係好鼓勵你日夜 complain complain 再 complain。冷氣唔凍、出餐慢、落雨啲人唔識用遮、20度有人着羽絨,呢啲明明係講唔講都得嘅嘢,總會有好多人煞有介事噉嘈;真正有應該關注,應該行動嘅事,大家道氣已經俾啲瑣事洩晒去。

Like what you read? Give 阿擇 (Chaaak) a round of applause.

From a quick cheer to a standing ovation, clap to show how much you enjoyed this story.