[Inspiration]ເປັນຫຍັງຕ້ອງຄົ້ນຫາຕົນເອງ?

#ການຄົ້ນຫາຕົນເອງໃນທີນີ້ ໝາຍເຖິງການຄົ້ນຫາວ່າ ຄວາມສາມາດ ຫຼື ສິ່ງທີ່ເຮົາມັກແທ້ຈິງແລ້ວມັນແມ່ນຫຍັງ.

# ໃນບົດຈະມີຄຳວ່າ Passion ແປວ່າ ຄວາມມັກ ຫຼື ຄວາມຫຼົງໄຫຼ.

ເມື່ອຍບໍ່ກັບການໃຊ້ຊີວິດໄປແຕ່ລະມື້ໂດຍທີ່ບໍ່ມີເປົ້າໝາຍທີ່ແນ່ນອນ ຫຼື ສຳລັບນ້ອງໆນັກຮຽນ ທີ່ຮຽນໜັງສືໄປເປັນເປັນສິບໆວິຊາ ແຕ່ບໍ່ຮູ້ວ່າ ຮຽນອັນໃດຈຶ່ງຈະເໝາະສົມກັບຕົວເຮົາ ຫຼື ຮຽນອັນໃດແລ້ວຈະເອົາໄປນຳໃຊ້ຫຍັງກັບຊີວິດໃນອານະຄົດທີ່ໃກ້ໆຈະມາຮອດນີ້.
ທຸກຄົນລ້ວນແຕ່ມີຄວາມສາມາດ ແລະພອນສະຫວັນໃນດ້ານໃດໜຶ່ງ ຫຼືຫຼາຍກວ່ານັ້ນ ແລ້ວເປັນຫຍັງເຮົາຕ້ອງຄົ້ນຫາຕົນເອງຊັ້ນນະ? ສະນັ້ນ, ສິ່ງທີ່ທີ່ຢາກໃຫ້ຮັບຮູ້ຕໍ່ໄປນີ້ ກໍແມ່ນ :

ເຫດຜົນທີ່ຕ້ອງຄົ້ນຫາຕົວເອງ….

1.ມີຄວາມສຸກ.

ການເຮັດໃນສິ່ງໃດສິ່ງໜຶ່ງທີ່ເຮົາມັກ ມັນຍ່ອມຮູ້ສຶກດີກວ່າການເຮັດໃນສິ່ງທີ່ເຮົາຊັງແມ່ນບໍ່? ຄັນສິຕອບງ່າຍໆກະແມ່ນແລເນາະ ອັນໃດດີຕໍ່ໃຈໃຜກໍມັກໝົດຕົວ ຮາຮາຮາ

ສະນັ້ນ, ເຮົາຈະມີ ຄວາມຫ້າວ ຄວາມຫັນ ບວກກັບຄວາມຄິດສ້າງສັນໃນການລົງມືເຮັດສິ່ງໃດໜຶ່ງໄດ້ ກໍຍ້ອນມີ ຄວາມຫຼົງໄຫຼ ໃນສິ່ງນັ້ນ.

ຄົນເຮົາຍອມລົງທຶນໃຫ້ທັງກາຍ ທຸ້ມໃຫ້ທັງໃຈເພື່ອສິ່ງໃດສິ່ງໜຶ່ງໄດ້ ກໍຍ້ອນມັນ ສຸກໃຈ ສັງເກດໄດ້ເມື່ອເຮົາປະສົບຜົນສຳເລັດອັນໃດໜຶ່ງທີ່ເປັນພຽງສິ່ງນ້ອຍໆກໍຕາມຖ້າເຮົາມັກມັນ ເຮົາຈະດີໃຈເອົາແທ້ເອົາວ່າເລີຍແລ~~~


2.ຍາກທີ່ຈະລົ້ມເລີກ.

Passion ປຽບເໝືອນໂມງປຸກທີ່ຊ່ວຍປຸກເຮົາໃຫ້ຕື່ນແລ້ວມາເຮັດມັນໂດຍທີ່ ບໍ່ທີໃຜສັ່ງ, ຄ້າຍຄືວ່າ ມັນສາມາດສ້າງພະລັງຊຸບເປີໄຊຢ້າ ຫຼື ຈັກກຣະຂອງນາຣຸໂຕະ ຂຶ້ນມາເຮັດເຮົາຮຶດຂຶ້ນ ມີກຳລັງຂຶ້ນ, ຊ່ວຍພັກດັນໃຫ້ເຮົາສາມາດເອົາຊະນະພວກຕໍ ພວກສ້ຽນ ແລະຄວາມລົ້ມແຫຼວຕ່າງໆນາໆທີ່ເຮົາປະສົບລະຫວ່າງທາງ.

ເຮົາບໍ່ສາມາດບອກ ນັກຮ້ອງ ໃຫ້ເຊົາຮ້ອງເພງ.
ເຮົາບໍ່ສາມາດບອກ Programmerໃຫ້ ເຊົາຂຽນໂຄດ.
ເຮົາບໍ່ສາມາດບອກ ນັກແຕ້ມ ໃຫ້ເຊົາແຕ້ມຮູບ.

ເພາະສິ່ງເຫຼົ່ານີ້ແມ່ນ ຄວາມສຸກ ຂອງພວກເຂົາ, ຢາກບໍ່ຢາກເຂົາເຈົ້າກໍໄປເຮັດສິ່ງເຫຼົ່ານັ້ນເອງ ໂດຍທີ່ບໍ່ມີໃຜມາສັ່ງໄດ້ຢູ່ແລ້ວ.

ເມື່ອເຮົາມີ Passion ເຮົາຈະເຮັດວຽກໄດ້ໜັກຂຶ້ນ ແລະທົນຂຶ້ນ ແລ້ວຄວາມສຳເລັດກໍຈະມາເຄາະປະຕູຫນ້າບ້ານຫາເຮົາເອງ ເມື່ອຮອດຕອນນັ້ນ ຄວາ​ມ​ຄິດ​ທີ່​ຈະ​ເຊົາ ຫຼື ລົ້ມ​ເລີກ​ໃນ​ສິ່ງ​ທີ່ກຳລັງເຮັດຢູ່ນັ້ນ ຄົງ​ເປັນ​ໄປ​ບໍ່​ໄດ້​ແລ້ວ ອິ​ອິ​ອິ​ອິ.

3.ຊ່ວຍໃຫ້ເຈົ້າເຕີບໂຕຂຶ້ນ.

ຖ້າຄົ້ນຫາເສັ້ນທາງ(ໝາຍເຖິງ Passion)ຂອງຕົນເອງພົບແລ້ວ ເສັ້ນທາງດັ່ງກ່າວຈະເປັນ Link ທີ່ພາເຈົ້າໄປພົບກັບສັງຄົມໃຫມ່ໆ, ຜູ່ຄົນໃຫມ່ໆ ຜູ່ທີ່ມີຄວາມຮູ້ລະດັບທີ່ສູງກວ່າເຮົາກໍມີຫຼາຍຄົນເຊິ່ງເຈົ້າສາມາດໄປສຶກສາ ແລກປ່ຽນນຳພວກເຂົາໄດ້

ນອກຈາກນີ້, ຍັງຊ່ວຍພັດທະນາຄວາມຄິດ, ທັກສະ ແລະກົນລະຍຸດຕ່າງໆເພື່ອກຽມພ້ອມຮັບມືກັບບັນຫາທີ່ຈະພົບໃນການຄວ້າເປົ້າໝາຍໄດ້ງ່າຍຂຶ້ນ.

ເພາະໄດ້ປະສົບການຈາກຂໍ້ຜິດພາດ, ການລອງຜິດລອງຖືກ, ການແກ້ໄຂທີ່ຖືກຕ້ອງ ແລະຄວາມເຊື່ອໝັ້ນໃນສິ່ງທີ່ເຮັດ ສຸດທ້າຍບົດຮຽນເຫຼົ່ານັ້ນກໍກາຍເປັນສິ່ງທີສ້າງຄວາມໝັ້ນໃຈໃຫ້ເຮົາ.

4.ຈະປະສົບຜົນສຳເລັດ.

ວາມສຳເລັດເປັນສິ່ງທີ່ຫອມຫວານສະເໝີ ແຕ່ກະເວົ້າໄດ້ເຮົາຈະມີໂອກາດປະສົບຜົນສຳເລັດໄດ້ດີກວ່າເມື່ອໃນ ຫົວໃຈ ມັນມີຄຳວ່າ ຄວາມຮັກໃນສິ່ງນັ້ນສິງສະຖິດຢູ່ນຳ.

ຄັນບໍ່ເຊື່ອໃຫ້ໄປສ່ອງເບິ່ງບັນດາຜູ້ທີ່ປະສົບຜົນສຳເລັດທັງຫຼາຍໄດ້ : ກ່ອນທີ່ເຂົາຈະຂຶ້ນເປັນຂັ້ນເທບປານນັ້ນໄດ້ ກໍລ້ວນແຕ່ທຸ້ມເທໃຫ້ສິ່ງທີພວກເຂົາຮັກ ເຊິ່ງຄວາມມັກຈະເປັນຄື ເຊື້ອໄຟ ທີ່ຊ່ວຍເຕີມພະລັງໃຫ້ເຮົາຜ່ານຜ່າອຸປະສັກຕ່າງໆໄດ້ຢ່າງດີເລີຍເດີສິບອກໃຫ້.

ຮູ້ໆກັນຢູ່

5.ເວລາມັນສັ້ນ

ເພາະ ເວລາມັນສັ້ນ ເຮົາກໍຕ້ອງຮີບເຮັດຕາມ Passion, ເຮົາບໍ່ສາມາດມານັ່ງເສຍເວລາໄປນຳສິ່ງທີ່ໄຮ້ສາລະທີ່ເຮັດຜ່ານມາອີກແລ້ວແລ. ໃນຕົວເຮົາທຸກຄົນມີພະລັງທີ່ຖືກເຊື່ອງໄວ້ທຸກຄົນ ບໍ່ບ່ອນໃດ ກໍບ່ອນໜຶ່ງ ( ລອງຊອກເບິ່ງຢູ່ກ້ອງຕຽງ ຫຼື ກ້ອງເສື່ອເບິ່ງກະໄດ້ຄັນວ່າຢູ່ບ່ອນ….. ຖຸຍ!!! 555 ).


ຄວາມຈິງແລ້ວ ມັນເຖິງເວລາແລ້ວ ເວລາທີໃຫ້ເຈົ້າໄປຄົ້ນຫາມັນ, ພັດທະນາມັນ ແລະໃຊ້ມັນໃຫ້ເກີດປະໂຫຍດກັບຊີວິດ ໃຫ້ເປັນຄືກັບ “ ປີກ ” ທີ່ຈະພາເຈົ້າບິນຂຶ້ນສູ່ທ້ອງຟ້າແລ້ວສອ່ງປະກາຍແສງແຫ່ງຄວາມສາມາດຂອງເຈົ້າໃຫ້ເຕັມທີ.


ສຸດທ້າຍນີ້, ກໍຢາກຝາກເຖິງບັນດາຜູ່ທີ່ເຂົ້າມາອ່ານຈົນຮອດຕອນນີ້ວ່າ ຂອບໃຈຫຼາຍໆທີ່ທົນອ່ານຮອດນີ້ໄດ້ 555…. ທຸກຄົນມີຄວາມຄິດຕ່າງກັນ passion ກໍຕ່າງກັນ ສະນັ້ນ, ໃຫ້ຮຽນໃນສິ່ງທີ່ມັກ ເຮັດໃນສິ່ງທີ່ຮັກ ມັກຮ້ອງເພງໃຫ້ຮ້ອງ, ມັກເຕັ້ນໃຫ້ເຕັ້ນ, ມັກຂຽນ Program ໃຫ້ຂຽນ ໃຫ້ເອົາຈຸດນັ້ນມາພັດທະນາໃຫ້ເກັ່ງ ເຮົາຈະສຳເລັດໃນຊີວິດການເຮັດວຽກໄດ້ກໍຍ້ອນເຮົາມັກວຽກນັ້ນ ຖ້າມັກແລ້ວສຸດທ້າຍ ເງິນກໍໄຫຼມາ ແລະກໍ ຢາກບອກວ່າ

“ຢ່າຢຸດຮຽນຮູ້”


#ຂໍອະໄພຕໍ່ຄຳສັບບາງຕົວທີ່ຂຽນຜິດເພາະຜູ້ຂຽນກຳລັງຮຽນຂຽນ 555

#ອ້າງອີງ pickthebrain.com

Like what you read? Give No Rattanavong a round of applause.

From a quick cheer to a standing ovation, clap to show how much you enjoyed this story.