唔洗排3個鐘食到美登利

話說美登利開張那天,有位朋友走去排隊(當然不是我),佢5點幾排到8點幾先有得食,足足排了3小時。

在東京經過新橋店,非繁忙時間也是人龍長長。有人說因為太長龍所以在東京也放棄了。

話說我閒日興起就去,午飯時間剛過,整間舖空洞洞!可以試下了!

間舖係吉到一個人可以覇4人檯。

美登利豉油

點了特選壽司set,其實我唔記得係「特選」定「特上」了,總之就最貴那 set,加埋1大約 $300。

雖然是名店,但走的路線不高檔,這個價錢,一般 izakaya 叫10件都要,還看壽司質素。宣傳時話除了 三文魚來自挪威、海膽用加拿大貨外,九成食材用番日本店供應商一樣,而且只係獨家供應俾美登利。

去過日本食幾家超好食嘅餐廳,完全明白獨家供應食材對食店嘅質素係幾重要。築地每間舖質素唔同都係咁原因,當中幾多 network 嘢, industrial organization 嘢。獨家咗,你去第度都食唔到!

講番個 set:

帶子 ok ,比一般壽司店新鮮。

白魚,無研究係乜,但係濃味白魚,好香。

海老新鮮但唔算甜。

蟹味淡,肉質新鮮。

個穴子,唔係咬落去散收收那隻柴柴哋,肉質幾好,而且好大件(睇到啦),個汁ok。

玉子呢,較重味偏鹹甜,但加埋係滑啦、有水分啦,都幾好食。

toro 手卷算係咁,呢隻 toro 撈埋落個飯到都重食到個鮮味。

tuna 係重頭戲,重點推介,兩舊都係既滑且鮮,油分好足,有一舊係油到滑入口咁。Tuna 嘅質素很不錯。

睇 menu 好多嘢揀,唔貴,千兩價錢。有好多騎尼嘢,有白子、魚腸、吸盤之類,可以再去食下。酒類亦唔貴。難得唔駛排~

總括而言,食材新鮮,質素比同價居酒屋要好,但service呀個啲你當一般壽司店。你見隻碟都唔係好靚但個排陣都算係咁。

唔好食嗰啲咩大灣區淡水魚、流浮山生蠔喇,食下日本嘢,平平哋未幾好~