Member preview

梁耀忠捨得去未

梁耀忠炒街工勞工組3名同事單嘢,本身就係左翼最大矛盾:本身就要請人,但出錢又唔多,出到乞衣價錢,又係咪剝削員工?炒人係咪唔公義,總之請咗人就唔炒得,係咪咁?

一個損害勞工權益的勞工團體,除了工聯會,原來仲有街工份。

之後佢個辯解,係話,嗱,我唔係炒人,只係無糧出,大家肯唔出糧繼續做,就唔存在炒人呢樣嘢。

這種詭辯拍得住站在工人對面的工聯會。

當然啦站在自由經濟立場,炒人好是平常,但入鄉隨俗,入得左膠廟就拜左膠神,跟左膠邏輯,所以梁耀忠在左膠之神檯中係有罪的。

梁耀忠好似話咩唔夠錢,但重點不在這。聽老陶講,原來那三丁友反對梁耀忠再選,所以梁耀忠引刀成一快,先除後患,千秋萬世,簡直係習帝思想延續,仲學埋剮除異己呢招。

真係好痴線,2020年,梁耀忠就67歲,攞得老人牌。老唔係問題,我都讚成局長所講,active aging 嘛,退而不休,先至健健康康,精神爽利,好過全退。martin 陳太肯出嚟選,乜位都讓俾佢哋。但你梁耀忠最大政績,就係因為是最資深議員,俾個主席你做你唔做,自己走咗去,抗爭都唔抗下。你仲想留起度?

同阿基相映成趣嘅係,阿基初選實牙實齒話自己最後一次選。之前好似係黨內何啓明爭佢唔贏。另一講法係,阿基重有幾個跟班,何啓明諗住捧阿基出去選,搞掂阿基,收埋那幾位黨友水,咁下屆就到佢。結果阿基以退為進, 冇做plan b,叫做保番頭皮上那跟頭髮一般所剩無幾的小小光環。

如果佢選到,下屆繼續賴都真係可能會。(well不過就算佢選唔到/無選到,都無人可以阻止佢下屆繼續賴)

望下卿姐傑哥,呢啲未識交棒,學江澤民咁「江交棒心情愉快」,在最光輝時收手,唔好等自己輪到臭都唔走。但人嘅嘢,眷戀權力,好難。9萬蚊,錢唔係多,對資深大律師來講係雞碎,阿基可能都會恨,之前先有人傳佢未供完樓盛盛。

但係去親名人飯堂個個乜生前乜生後,又有貴賓服務,專車接送,去機場行VIP通道,得閒去下考察團愚弄下啲市長省長,大魚大肉,有娼有炮,幾鬼高興,呢啲嘢,真係萬般放不開。

長毛就算大家肯再選佢,其實都差唔多。有時人變得唔清醒,又行將就木,退隱江湖,重可以讓人留下美好印象。