劉德華好心做壞事,躺著也中槍

之前有人因為排隊買飛搞到斬人,劉天王喊晒口咁叫大家小心,然後排隊買飛呢件咁原始嘅on9行為就告一段落,因為主辦單位『破天荒取消門市購票』咁話。歌迷仲大讚佢係民間特首添。。。當日睇到真係差d要食腸仔蛋。
當時睇到新聞已經覺得佢死硬。到今日開賣,咁就梗係唔會有奇跡啦,全城中伏,門市冇飛賣,網上買唔到,黃牛黨(或)成最大贏家。唔想再loop相同嘅話題,有興趣可以睇番我篇舊文。
其實你睇吓個floorplan都知,主辦單位從來都無諗過你班人,又點會想知你買飛順唔順暢,有冇俾人斬?

作為一個安份嘅生意人,如果瞓喺度都賺到錢,係唔會有人傻到走去改革嘅,改革唔係請食飯,就算請食飯都要洗錢,洗完又唔一定會賺更多blablabla。如果我掉舊屎落去,一班餓狗都係一樣照搶,我又點會俾飯佢哋食?商業社會,好應該係由市場主導,但政府政策將ticketing系統同場地捆綁,令市場不能自然調節,消費者其實只可以揀買定唔買。只要一日呢d垃圾系統,仆街主辦仲有人買飛,現狀都冇可能改變。消費者如果可以團結一致,唔買飛,唔排隊,咁先有希望。當然呢樣嘢係難過登天啦,等香港獨立可能都仲快d。
例如黃子華,由於有部分飛係預先劃咗俾門市賣,起碼保證部份人係可以買到嘅。但劉華今次咁『破天荒』殺晒門市,直接為網上系統帶來大量人流。本來都已經頂唔順,而家根本係百上加斤,唔知果班話劉華係民間特首嘅fans而家感覺如何了?有冇一兩刻想鬧佢無果樣整果樣呢?如果劉天王真係想做個好人,好應該帶頭向票務系統施壓,要求佢哋改善,否則改去其他場。屌!其他場一樣有綑綁,都係一樣垃圾,但有要脅先有進步,你唔改我就益你對家,照計點都做返d嘢?只有從infrastructure開始大改,先會真正解決到呢個咁白痴嘅IT問題。內部飛?劉華都救你唔到架啦,死咗條心啦。
