Google Glass使用後遺症

上一篇文先講完Glass有幾好玩，今日就發現戴咗一段時間唔戴會有d習慣唔同咗。因為google glass雖然係一對眼鏡，但佢左右設計係好唔平衡的。右面arm有主要的操控配件，前後鏡頭，投射prism同電池，但左邊就乜都冇，就兩條柄嘅厚度高度黎講，右邊真係比起左邊粗好多，整個設計可以話係左輕右重。

戴著Glass其實同戴著慣粗膠柄眼鏡嘅感覺係差不多，最大嘅問題就係你右邊嘅可視範圍係會縮少咗好一大片。平時你可以射喱眼䀹吓隔離有無靚女，但戴著glass你就冇可能做到了。

久而久之，你會習慣咗失去呢個視角範圍，唔會再對呢個盲點方向讀取資料。

帶來嘅惡果係當你除咗副Glass你會發現自己就算冇嘢遮住都唔會䀹右邊嘅靚女，就算有人喺右邊面窩你一鎚你都會避唔切。。。所以呢條粗邊真係唔係幾OK。