Paypal嘅麻煩經歷

公司同俄羅斯有生意來往，而俄羅斯又實行緊外匯管制，好多匯出嘅錢都要審查追根究底咁。所以我有個客選擇用paypal，係就係貴d，成3.9%，但佢情願咁樣俾都唔肯用銀行電匯。由於金額都唔算細，每次幾千USD，所以個客會分開幾次嚟匯錢。

一次兩次交易本來都相安無事，到第三次，paypal一收到錢就freeze咗條數，佢哋d cs問長問短問我哋做咩生意，做咩有人匯錢，做咩要分幾次。大佬，我做生意最緊要有錢收啫，分幾次有咩問題，又唔係無俾手續費你，再者，關你Q事咩？後來講講下就話因為個客紀錄唔好，要我哋呢邊出貨果時俾埋個tracking number paypal keep record先會unfreeze。點解要tracking number？佢話怕個客會話收唔到貨，要求paypal refund，所以一定要我呢邊俾佢。錢喺佢手，根本冇討價還價嘅餘地，唯有乖乖俾tracking number，之後錢就unfreeze了，還好。

到第四次，仆你個街又freeze我d錢？喂，我已經跟足晒你要求俾埋tracking number你，又有咩新花款呀？！當時我已經即辣着晒！

佢大陸果邊d cs打嚟話條數太大，要confirm貨到個客度先得。好似有d道理，而且個客一向都係送大陸倉，你知順豐寄嘢幾快架啦，等一日半日，ok。

如是者，confirm咗d貨到咗個客度，佢亦已經安排佢嘅方法（其實係走私，陸路經黑龍江果邊入。）送返去俄羅斯，我心諗，搞掂食碗麵！但如果件事係咁簡單咁就解決咗嘅，我就唔洗喺度打呢篇叮噹大長篇啦，屌！

原來我呢個月累積咗超過20kUSD，即係10幾萬HKD，咁又好似係幾多嘅。佢話個客其實係未收到貨，要等3個星期後，佢真係收到貨，並且確認d貨係冇問題，唔會file claim退貨先可以unfreeze我10幾萬條數！

大佬，就算話佢係寄返大陸，我嘅責任都已經完成，同我一d關係都冇。任何contract任何保險都唔會包呢d seller無辦法control嘅risk。佢若果話要送去月球，我要等幾多年先收到錢？又或者途中被狼狗食晒d貨，唔通我就唔會收到錢？咩邏輯嚟架痴撚線！我鬧到個cs喊晒叫佢諗清楚再打嚟，然後我contact返個客，要佢同paypal講清楚佢已經收咗貨，同意d錢可以過俾我。個客話哂係戰鬥民族，其實好爽快，一個email就已搞掂。

一日後，paypal cs之後打嚟話，就算個客同意都好，paypal都唔會喺個buyer confirm quality冇問題先會unfreeze筆數。原來絕大部分人用paypal係因為paypal可以用credit card找數。用credit card，即係話，呢條數係未realize嘅，一日未到settle date，付款人都理論上冇俾過錢。credit card有個漏洞，就係你可以claim呢條數並唔係你個人去簽，係有人冒認你，咁你可以向發卡機構要求佢核證refund。又，原來paypal並非一個單純嘅金融公司只管錢嘅出入，佢哋仲會保障付款人得到同期待一樣嘅服務或產品。如果佢哋收到嘅貨係quality有問題，佢哋可以退返d貨，咁佢哋就可以攞返refund！我聽完真係慶過火屎，你paypal何德何能去confirm d嘢嘅quality？你又唔係樣樣識，你點judge？當你真係有所有嘅expertise，你又唔係7－11，你冇地方亦冇人上門去check，你咁樣judge條命呀？！（btw因為係公司一個外國人同事去跟進之後pass個電話俾我嘅關係，我係用英文鬧到對面個大陸cs臭晒啲。）

charge就我俾，我無啦啦要孭起呢個錢貨雙失嘅risk，你就走去俾晒full coverage去保我個客？咁通唔通先？嘩跟住仲精彩，佢哋cs竟然叫我唔好用paypal，因為佢哋唔建議用戶做大額交易，亦唔建議做呢種會involve到3rd party（另一間物流公司）嘅transcaction。真係俾佢激死，你又唔day1話我知唔得，到第4次先講？仲要成個process drag咗成個星期，你不斷搬出新嘅要求，次次新鮮，你而家仲叫我唔好用？早知係咁我就梗係唔會用，而家d錢喺你手，你叫我奶鞋底我都要奶架喇係咪？雖然明知人哋佔盡上風，我仍然不失霸氣鬧到佢又喊過，再要求佢返去諗清楚咁講合唔合理，再俾個可行嘅方案我。

又兩日，佢哋個所謂credit management d人打嚟，話unfreeze一半俾我先，淨返一半等個客3周後confirm冇問題再unfreeze。ok，我收貨。然後，對於以後嘅交易，佢哋需要keep一個rolling 30%嘅amount keep喺account度唔郁得，到d貨收到後60日，make sure個客唔會file claim先可以郁，真係極盡無恥。我用得paypal就係想快，送貨要時間，仲要等60日先收晒錢，我點解要俾數期你paypal，同你有親，你個cs好鬧d呀？可以放數我直接放俾客個客都會多謝我，放俾你等你又揸住我30%春袋咁蠢？

事件到此告一段落，我下次一定唔會用paypal，祝你早日執笠，仆街冚家剷。