( 因為太激氣，唔講咩理論，齋鬧算數)
我成日都講，最近的事唔係支持民主定親中的分別，係正邪人性善惡的分別，今次元朗黑夜更是如此。政府縱容黑社會周街打人，依件事係完全的分水嶺，冇所謂中立。果啲仲係唔出嚟譴責，甚至仲辯護咩示威者違法在先的，我可以好肯定咁講，佢哋係人渣敗類。都唔係，佢哋直頭唔係人。
身邊嘅人，唔多講啦，都廢事睇whatsapp繼續收啲唔係人類嘅物體 send msg，就講尋日咩守護香港、支持和平果班人，咩高永文、盧寵茂、石鏡泉、李梓敬、霍啟剛、肥媽之流。依家咁暴力，你譴唔譴責？見唔到譴責的話，人渣敗類無誤。(陳百祥就早已知佢係)
官商鄉黑勾結，其實大家都知存在，係始終唔願接受已經融合到咁嘅地步，999唔聽，又落閘放黑。不過睇返警隊公然幾千萬幾千萬咁收錢，或者真係唔應該太意外。仲要成班本身咁well paid，真係交稅比佢哋嚟糟質自己。
當然仲要鬧七娥。我一早都知佢衰，但都諗唔到佢衰成咁。四屆特首，佢肯定最衰果個，法治、廉潔、社會安寧依啲都唔事必關民主事的價值都徹底破壞埋。一般市民死幾多個都冇所謂，警察同黑社會就唔出賣，當然仲有聽北京話，中聯辦比人丟嘢就譴責，黑社會周街打人就合埋眼睇唔到。
冇人性、善惡不分、禽獸不如的賣港賊，就係依班人，一個一個認住佢哋。
