冇認錯冇道歉，想人收貨？

因為以前有個大學作業係研究日本政府到底有冇道歉，所以睇咗幾個學術研究係講咩叫道歉。

真誠，或至少認真地道歉，需要包括：

1. 指出錯誤
2. 承認責任
3. 說出道歉或同類意思的字眼
4. 承諾補救措施或不再發生

跟住又引申出「扮道歉」：

1. 有條件道歉，eg 如果有人誤會而感到冒犯願意道歉（ie自己本身冇錯）
2. 部分道歉，eg 願意就事件的一部份問題道歉（ie 整體係冇問題嘅）
3. 不承認責任，eg 承認出咗問題，但係因為意外因素（ie 錯不在我）
4. 「深感遺憾」「深感悲痛」唔係道歉：一件事同你冇責任你都可以遺憾悲痛，eg 你朋友死左屋企人

林鄭琴日唔止冇道歉，個格完全係話自己冇錯咁滯，係你地搞事先暫緩，日後搵機會仲會再黎過。真係日本人都道歉得認真過佢。

附：1995年日本首相村山富市談話（中譯節錄）

我國在不久的過去一段時期，因國策有誤，走了戰爭的道路，使國民陷入存亡的危機，殖民統治和侵略給許多國家，特別是亞洲各國人民帶來了巨大的損害和痛苦。為了避免未來有錯誤，我謙虛對待這毫無疑問的歷史事實，並謹此再次表示深刻的反省和由衷的歉意。同時謹向在這段歷史中受到災難的所有國內外人士表示沉痛的哀悼。戰敗後50周年的今天，我國應該立足於過去的深刻反省，排除自以為是的民族主義，作為負責任的國際社會成員促進國際協調，來推廣和平的理念和民主主義。