大灣區highlight的是香港冇權say no
大灣區規劃出爐，好多評論文章出現，我睇到其中兩篇，一篇講擔心被規劃後香港失去獨特經濟優勢，另一篇講挪威加入EEA (歐洲經濟自貿區) 後失去經貿自主權。
大家重視香港是否因為經濟繁榮？我諗唔少網民其實唔care香港的所謂經濟繁榮，因為GDP再高、稅收再多，一般市民都無福消受，人工都係追唔上通脹、樓繼續買唔起、公院繼續逼爆，連退稅都可以煩過人。我諗大家更怕文化同思想融合，要香港人心態上完全變成大陸人，香港冇晒思想自由同法治，咁樣香港先係完全變成大陸求其一個城市。
經濟被融合，係會有影響，但唔代表文化同思想融合必定跟隨而來，睇下歐洲融合之下各國仍然有強烈身份認同。挪威失去自主權，主要係經貿上要硬食歐盟訂下的規矩，但依一點任何自貿協議都可能有，挪威仲加入左北約，軍事上都係冇完全自主添。最緊要，挪威仍然有終極的say no權：挪威人2次公投否決全面加入歐盟。
大灣區規劃highlight的威脅不止經濟融合，仲係香港根本就冇得揀冇得say no，中共早已全方位操控香港政經社會方方面面，大量所謂政商界精英樂於賣港，市民硬食。具體黎講就係：
- 香港有班所謂政商界精英，係以中共利益行先，咩規劃都係睇中共頭
- 好多愚民亦係聽中共話
- 你講本土，就係港獨、歧視、派外、閉關鎖港
- 洗腦教育，等你下一代都係聽中共點
- 語言攻略，文化同化，等你冇晒獨立身份認同
- 傳媒同言論自由不斷被削弱，冇晒反對聲音
- 歐盟冇得DQ反歐盟派。港府自動幫中共DQ反對派
- 挪威人可以用選票換政府，香港人冇。現屆挪威政府執政聯盟就包括一個反移民兼反歐盟的政黨
- 仲以為JR有用，有事靠法官？人大釋法一野KO
- 挪威要容許歐盟國民居留，但佢地唔會自動變成挪威國民。香港每日有150個新香港人，擁有全部政治同社福權利
