基因檢測 — 運動能力

剛剛閉幕的冬奧,那些運動員在雪地上的英姿,多少也會引起家長們的幻想:我個仔女可唔可以有咁嘅成就呢?或者,更港爸港媽的想法是,咩運動可以更有優勢選擇心儀的學校呢?

坊間有啲產品係關於基因檢測,聲稱可以知道小朋友係邊一方面較有優勢,家長便可以落力栽培孩子。

如果話就咁靠驗基因就知有無運動天份,老實講,我有所保留的。

馬里蘭大學公共衞生學院運動學系的Lisa M. Guthrie及Stephen M. Roth於2013年的review report話 搵~ 唔~ 到~ 一個勁而有力的證據話有某類型態的基因就會有較好的運動天份。而且,不同運動有不同的體能及生理結構需要,例如體操需要高柔軟度,而舉重卻需要肌肉的強度與力量。如果只說一個基因就可以決定運動能力,我相信「睇相」會更可信一點。反過來說,就算你有「運動基因」但不努力練習,結果也是敬陪末席。

不過,在另一類關於基因與運動受傷的研究報告中,基因與因運動而受傷,如腦震盪及肌腱病患有很大的關連,基因報告可以讓訓練中的運動員有更完善的保護。

先天與後天從來都係有一種迷思,但現實話俾我哋知道,有先天的不足,後天也可以補救,先天的優勢都要靠後天的努力。

運動員的成就從來都是靠汗水換取返嚟。


Reference:

Genetic influence on athletic performance https://www.ncbi.nlm.nih.gov/pmc/articles/PMC3993978/