Elon Musk لازم يتعلم مننا !

محاولة لتصحيح مساره قبل فوات الأوان !

بما اني من متابعي إيلون من فترة كبيرة، حابب بس اقول شوية نقط مهمة جداً، لازم ياخد باله منها !

لما تجيلك فكرة يا إيلون، مش ينفع تحارب الدنيا وتنفذها كده حتى لو كان التفكير في تنفيذها شبه مستحيل ! لازم تعمل اعتبار لحاجات كتير جداً !
مثلاً، حتخسر قد ايه لو الناس مش تقبلت الفكرة ديه ؟
شركات وأطراف قد ايه ممكن تحاربك لانك حتخسرهم ملايين بمجرد تنفيذ الفكرة ؟
قد ايه الفكرة صعبة ومحتاجة مجهود كبير وممكن تضيع فيها مبالغ ضخمة ومش توصل لحاجة ؟
لكن تقولي الناس تسافر بسرعة فوق الـ ١٠٠٠ كيلو في الساعة، والناس تتفسح في الفضاء، وعربيات مش عارف ايه، ده كلام مش ينفع خالص !

لما تنجح في فكرة، حافظ على فلوسك !! ارتاح بقا بقية عمرك واستمتع بأرباحك ! انت كده خلاص وصلت ! وعملت اللي عليك وزيادة، وضمنت مستقبلك ومستقبل اولادك كمان.
لكن تبقى داخل في الخمسين سنة ولسة بتفكر وتنفذ في حاجات العالم كله مش وصلها، وتخاطر بثروتك في افكار مش لها اي مثيل علشان حتى تقيس الناس حتتقبلها ازاي، او حتتقبلها اصلا ولا لا !

افكارك بتاعتك انت بس، انت اللي لازم تفضل مشغلها لغاية ما تموت، مفيش حد يقدر يشغلها ولا يتحكم فيها غيرك !
انت اللي لازم تكون
CEO و CTO و COO
و كل الـ
 C
والـ 

في الدنيا !

الامكانيات .. لازم تفكر فيها اكتر، انت مولود في جنوب افريقيا، وطفولتك فيها معاناه من زملائك وانفصال والديك، يبقى لازم تعمل حساب لده، يعني انت معذور انك مش عندك فرص كبيرة للاختراع وتنفيذ الافكار اللي بتفكر فيها، يبقى تشتغل طول يومك علشان تجيب اي فلوس وخلاص، وبكده تكون متميز كمان عن كتير زيك !

تفتكروا ممكن إيلون يراجع نفسه ويتغير ؟ ولا مفيش أمل ؟

اللي محتاج إجابة السؤال ده بجد، ممكن يعرف مين هو إليون من هنا: https://en.wikipedia.org/wiki/Elon_Musk