眾人皆醉我獨醒式嘅負評

業黎嘅,鞋~~-此篇內容為廣東話,敬請留意

Flickr — Jnzl’s Photos

我偶像方俊傑講嘅嘢真係好啱,佢響好多年前寫過響香港只要有一件事得到好多好評,去到咁上下就一定會有一啲眾人皆醉我獨醒式嘅負評出現。又真係咁喎,小至拖阿婆過馬路,大至社會時事,總有一啲人雞蛋裡挑骨頭。硬係要講反話,等大家都知你威知你醒知你勁。

以前見到好人好事逢凶化吉,純純哋咁樣講句「嘩真係好啦」、「真係好彩」、「你要去買返張六合彩先」係通常會見到嘅反應。不過依傢呢?我見到嘅竟然係「咁好彩,咁你仲唔快啲返屋企睇吓你老母/你老婆/你隻狗有無事?」,「你老豆咁有錢,俾人裁咗都無所謂啦」。我真係唔知幾時開始啲人突然變哂做咁嘅樣。

心哋唔好呢樣嘢,我自己覺得係一個「習慣」黎,習慣咗要做智者、習慣咗唔衰得,習慣咗要_威,於是明明係好事都硬係要講做衰嘢,只係想人哋覺得自己有見地,有道理。慢慢,呢啲人會變成唔識得欣賞別人嘅好處,行埋佢身邊只會感受到惡毒既氣場,令其他人相當難受。最慘係佢習慣咗,完全唔知自己有幾咁討厭。

去到呢度要講清楚,有道理嘅,真係唔怕講,只要理據分明,透過理性討論,一定會搵到最適當嘅答案。不過遇到呢啲成日都眾人皆醉我獨醒嘅人,就真係同佢講都無謂,是關佢嘅預設立場,係覺得自己有道理到可以目空一切,亦唔會去體諒人哋經歷過啲乜嘢,付出過幾多努力,只係一味相信自己果一套。或者佢真係好有道理都唔定傢,只係果種雞蛋裡挑骨頭,得勢不撓人嘅酸意,真係會令人感到非常之唔舒服。而有時候呢份酸意會驅使佢做出一啲為咗令自己更特立獨行更加出位嘅行為,到最後反而會損害咗自己。

例如呢位台灣嘅網路知名人物統神,想人哋覺得佢好勁就晨早走去圍柯P,以為自己好正義(係呀,每個呢啲眾人皆醉我獨醒嘅大俠都覺得自己好正義傢)咁去扑咪問嘢,點知柯P唔理佢趕追車。統神放段片出黎以為自己好醒拆穿柯P真面目,然而結果係好多人都_佢話無預約人哋梗係唔答問題,仲會退訂佢嘅頻道,呢啲咪係攞黎衰囉。又或者玄奇啲咁講,個人心哋唔好咗咁耐,係業,到你出事嘅時候,真係唔怪得人傢。

如果你喜歡我的文字,請幫忙按 5 次 LikeButton 化讚為賞,非常感謝!