BNO 續期薪火相傳

你搞咗未?-此篇內容為廣東話,敬請留意

今日剛收到續領嘅 BNO,8月8日寄出,今日就收到,前後只需要22日,真係好鬼有效率。

原來有好多朋友都仲未搞返個 BNO,認真,唔好懶,要搞就快搞,純萃係我個人覺得脫歐後本 passport 個 design 肯定會轉樣,但係依傢個 design 係靚喎!咁橋又就黎過期,我咪襯今年換咗佢囉。

攞上一本 BNO 果陣仲有金鐘個 passport office,渣渣淋五日就搞掂,只不過果陣係英磅最高峰嘅時刻,真係聞者傷心見者流淚,用咗成千三蚊先至搞得掂。今次福至心靈,又咁橋英磅跌,1083落樓,算係咁啦。
 
你去 Google 輸入 BNO 三隻字,新聞滿天飛,又咁又點又乜又 seven,但係講到續領,真係個個講法都唔一樣,跟住鳩假期同低選媒體果啲所謂攻略,係會好大鑊。都係高登連登仔好,我都係跟佢哋個『薪火post』BNO 續期資訊入面個 Doc 續領BN(O) 須知去做,資料詳盡,難怪個 Doc 長期都會有人 keep 住黎睇。

連登仔仲要將呢件事正經咁搞,七日前佢哋 launch 咗個新網站叫做『薪火相傳』BNO 續期資訊,真係好痴線,但係我鍾意!有乜嘢問題大家都可以交流。我相信續期嘅人只會越來越老亦越來越少,搞個咁嘅網站係愛定責任呀?我只知道既然有心人都餵埋入口咁滯,有需要續證嘅朋友真係唔好等啦,呢個係你嘅權利呀!

延伸閱讀

如果你喜歡我的文字,請幫忙按 5 次 LikeButton 化讚為賞,非常感謝!