再舉辦 Startup Weekend HKU #2

剛過去的週末,小弟與一班港大校友和不同創業好友舉辦第二次Startup Weekend HKU

Startup Weekend #2 入口 (Credit: Natalie Lung from TecHKU)
Startup Weekend #2 大合照 (Credit: Natalie Lung from TecHKU)

Startup Weekend 的背景

Startup Weekend 是為期54小時並於週末舉行的創業活動及體驗。

再次強調Startup Weekend 並不是Hackathon 或者Pitching event(有啲人唔知頭唔知路就話係Hackathon)。Startup Weekend 由Andrew Hyde 於2007年7月於Boulder, Colorado 發起。

直至2015年十月,全球有150個國家曾舉辦Startup Weekend。有超過193,000人參與Startup Weekend,而他們共組成超過23,000 隊隊伍。

有關 Startup Weekend 的數字 (Source: http://startupweekend.org)

Startup Weekend 有分Themed 及non-themed 的Startup Weekend。

Non-themed Startup Weekend 為Startup Weekend + [City] ,例子有Startup Weekend Hong Kong 或 Startup Weekend Tokyo 。而Startup Weekend HKU, Startup Weekend Change Maker, Startup Weekend Edu, Startup Weekend Women, Startup Weekend Space, Startup Weekend Hardware…… 等等都是Themed Startup Weekend的例子。


點解參加Startup Weekend?

最近一兩年,香港所謂興創業。很多人都有很多Startup Ideas,不想再全職工作,但他們又說自己沒有資金、沒有人才幫手、沒有資源去做。當有其他人把idea變成實在的Startups 時便會說:「唓,依個Idea 我一早諗過,不過……」(下刪百字)

有見及此,就有Startup Weekend 嘅活動出現。因為它的做法很好,可以運用一個週末用54個鐘從一個Startup Idea去建立一間Startup出來,亦可以用來找Partner/co-founder,或者用來試個Idea的可行性。


咁Startup Weekend 又係點玩法?

Startup Weekend 由星期五晚到星期日晚54個鐘咁長,究竟有咩做?

星期五晚上會做幾樣嘢:

  1. Pitching: 提供每人60秒予有創業點子的參加者pitch 其他參加者,這個是十分重要,因為這是Customers Validation 的一部分。(如果你連其他參賽者都說服唔到,你個Startup Idea都唔係咁sound solid/interesting)
  2. 投票:當所有有創業點子的參加者pitch完,他們之後便要向其他參賽者拉票。今次嘅投票方法為每名參賽者有3張票貼紙,即係3票。票數最多的15個startup ideas 便會成為這次Startup Weekend 的隊伍。(不同的Startup Weekend 可能有不同的做法)
  3. 組隊:當那些被投出的Startup ideas 的發起人,通常被視為Project Leader(你可以看成一間Startup 嘅CEO),便要找其他參加者加入組隊。Startup Weekend 通常有三個類別嘅人士參加:Business Developer,Developer同埋Designer。Business Developer 包括但不限於Business, Marketing, PR, Accounting, Finance 背景既人士。而Developer 包括但不限於Programmer, Software/hardware engineer, maker 或hacker。 最後,Designer 則為UX/UI, Fashion, Graphic designer……
    最理想嘅隊伍為三個類別嘅人都有。但可悲的是,在通常情形底下,香港最多的是Business背景嘅參加者比較多。

星期六: Working, Customer Validation and Working

星期六早上最主要係refine idea 同埋開始做嘢,而星期六下午則主要是出外為Startup idea做Customer Validation,可以係Survey/Interview形式進行。而得出的結果則幫助在星期六傍晚左右再refine idea 同改product/service。

星期日:Working and Pitching Again.

星期日早上都是繼續揼product/service 或者開始準備星期日傍晚進行的Presentation。

Startup Weekend #2 的評判 (Credit: Natalie Lung from TecHKU)

Startup Weekend 又會遇到咩人呢?

小弟參加了6次Startup Weekend Hong Kong (包括#1 Startup Weekend Hong Kong)及主辦過2次Startup Weekend HKU。總括而言,在Startup Weekend 可能會遇到以下嘅人:

  1. 虛心求教型參加者:
    近依一兩年,創業成為咗風氣。亦因此有好多人未試過創業或者唔知道咩叫創業嘅人,會參加好似Startup Weekend 等不同嘅創業活動,他們大多乜都唔知,好似唔知咩叫Business model、 revenue model, customer validation, MVP (minimum viable product)、 Lean StartupGrowth HackingUX/UI Design,但他們嘅態度都好虛心求教的。
  2. 勁Aggressive 參加者:
    又有一批為數不少嘅參加者,他們已經有創業ideas,更甚者甚至乎帶埋已經進行中的創業項目來參賽。(注意:Startup Weekend 是不容許把已經進行中的創業項目來參賽,但intensive researched ideas 就可以)他們的態度好多時都係寸寸地好似實贏咁。
  3. 嚟請人嘅參加者:
    有啲本身已經做緊Startup 嘅參加者,會特登嚟Startup Weekend 請人。用依個方法好醒目,好過無報紙出Ad或者揾Head Hunter請人,又可以有一個週末嚟試工(仲要唔洗出糧,好過Probation)。最跨張係,我見過成間公司成7條友Full team 嚟「玩」Startup weekend,目的係請Developer。
  4. 打醬油嘅參加者:
    唔知點解,可能因為創業喺香港成為咗一個風氣。有一啲對創業有興趣嘅人會好想參加Startup Weekend 但係佢哋又唔想做Startup。好多時我都會收到Email問:「我對Startup/ Startup Weekend 有興趣,但我可唔可以只係嚟睇下其他人參加?」
Startup Weekend HKU #2 組織者(部分)

參加Startup Weekend 時會用到嘅工具

  1. Business Model Canvas or Lean Canvas
  2. Team Communication: Slack
  3. Project Management: Trello
  4. Design/ Wireframing: Balsamiq
  5. Design: Canva
  6. Mobile and Web Design Prototyping: Invision
  7. Video/ Animation: GoAnimate
  8. Making Mobile Applications w/o programming: Ionic Creator

Startup Weekend HKU #2 13隊隊伍

One clap, two clap, three clap, forty?

By clapping more or less, you can signal to us which stories really stand out.