ЗОРИГ хайж байна!

Degi Chk
Degi Chk
Sep 1, 2018 · 2 min read

Хийж үзээгүй зүйлийхээ үр дүнг та яаж хэмждэг вэ? Ер нь хэмждэг үү?

Амьдралд нэгэн хэвийн зонхилох тусам хийж байгаа хичээл ажил утгагүй юм шиг санагдаад, хүч нээх гаргамааргүй санагдаад ирдэг юм шиг байгаа юм. Хүч багасаад, урам дуусаад ирвэл би өөрийгөө хэтэрхий хэвийн болчихлоо гэж боддог болоод байгаа.

Ихэнх хүмүүс сэтгэл санааны энэ мэдрэмжийг авахаараа шинэ зүйл туршъя, энийг ч суръя, нөгөө олон жил хийнэ гээд хийхгүй байгаа хувийхаа бизнесийг эхлүүлье гэж бодож эхэлдэг юм уу даа.

Тэдгээр хүмүүсийн хэр олон хувь нь яг хийдгийг мэдэхгүй гэхдээ анзаараад байхад хэсэг хэд нь бол хийхгүй байх шиг байгаан.

Яг юунаас болоод больчихдог юм бол оо? Би бодохдоо зүгээр л одоо байгаа хэвийн амьдралдаа нэг өөр алхам хийчихвэл олон лайтай асуудлууд гарч ирэх байх, өөрийгөө хүчлэх шаардлага гарах байх гээд бэрхшээчихдэг байх. ЗОРИГ дутдаг юм болов уу?

Хамгийн сүүлд хэзээ ямар нэг зүйл хийгээд та үнэхээр, үнэхээр кайф авсан бэ?

  • Хөлөө чичиртэл дасгал хийчихээд үү?
  • Өөртөө байгаагаа бусдад өгчихөөд үү?
  • Удаан бодож явсан сургалтандаа суучихаад уу?
  • Эсвэл хийнэ гэж хэдэн жил бодож байгаа компаниа байгуулчихаад уу?

Хамгийн сэтгэл хангалуун мэдрэмж миний бодлоор гэрт унтаж байхад биш, хар үүрээр босоод ууланд гараад орой дээр нь байхад, ядарсан ч гэсэн дасгалаа хийчихээд gym-ийхээ амралтын өрөөнд байхад, удаан уншсан номоо дуусгахад мэдрэгддэг.

Хүнд ер нь ямар нэг юм хийхэд мэдлэг чадвар гэхээсээ илүү зориг дутагддаг байх.

Ямар нэгэн юмнаас аз жаргал авах, суралцах гэх мэт бидний хүсээд байдаг зүйлүүд чинь үр дүн гэхээсээ илүү үйл явцад нь хадгалагдаад байдаг болохоор нэг сайхан эхлүүлж аваад хийж байхад урамтай штээ бас л…

Би бас ингэж сонсож байсан. “Тэр хийсэн чинь болоогүй гэсэн…”

Гэхдээ зүгээр эцсийн удаа асуухад,

Яг нэг зүйлийн үр дүн хийж байгаа хүнээсээ хамаараад өөр байдаг байтал яагаад өөр хүний туршлаган дээр үндэслээд хийхээ болих ёстой гэж?

Энэ артиклийг уншиж байхад бодогдоод байгаа хиймээр байгаа зүйл тань юу гэдгийг би сайн мэдэхгүй. Гэхдээ та үр дүн нь ийм байгаа болов уу гээд төсөөлчихсөн байгаа ч гэсэн, яг яаж төгсөхийг нь та мэдэхгүй. Үйл явцдаа ямар сайхан зүйл болохыг ч бас мэдэхгүй.

Яг үнэндээ та маргааш юу болохыг мэднэ гэж үү? Яагаад өнөөдөр эхлүүлээд маргаашаа бүтээж болохгүй гэж?

/Таны зориг дэлхийг өөрчилчихөж ч магадгүй шт. Угаасаа маргаашаа өнөөдөр мэдэхгүй юм чинь…/

Degi Chk

Written by

Degi Chk

One, struggling to write

Welcome to a place where words matter. On Medium, smart voices and original ideas take center stage - with no ads in sight. Watch
Follow all the topics you care about, and we’ll deliver the best stories for you to your homepage and inbox. Explore
Get unlimited access to the best stories on Medium — and support writers while you’re at it. Just $5/month. Upgrade