香港人如何在中國開銀行戶口

當大家都好興起咁玩 WeChat Pay, Alipay 同 ApplePay 之際,香港人用開既 Alipay HK 同 WeChat pay 根本係唔可以喺大陸度用。想用就要番大陸開個戶口。但係原來間間銀行既開戶口政策都唔同,亦都因為佢地 D 政策五時花六時變,呢度同大家分享一下。

我開戶既日期係2018年7月29日。

喺臨上去深圳之前,就喺上水站出面D檔仔買電話卡,雖然上網好多教學都係話上大陸出方便快捷、又平D,但係人生路不熟,喺實名制底下佢地都唔知搞左D乜,都係問一下先,都預左比佢劏。

唔問尢自可,可能太多人問佢,吹多兩咀佢又比到好多有用既資料喎。

  1. 因為大陸號碼一定要實名,所以大部份既一卡兩號係唔用得既。千祈唔好貪平。
  2. 你買左卡唔好開個 package,要原 set 找拎上大陸實體店做手續,做完個 Staff 會幫你開卡。
  3. 好多香港人都開工商銀行因為唔使大陸地址認明。我唔信邪,去左農業同建行問,香港人開戶都要一個由公安派出所開既住址證明。而工商就只係好似香港咁,有你個明既信件正本就得。(當然都係咩水電煤單、銀行、電話費果D啦。)
去老街站呢間幾方便, 一出地鐵就係, 又有野食, 係多人少少,不過, 好多人去開戶, Staff 好熟手

去到工商,我本身一早預左開戶就梗係睇晒D攻略先上黎,點知都係奶野。一入去問已經比張紙仔比你睇要咩文件。佢地要求既文件如下:

  1. 回鄉証正本
  2. 香港身份証正本
  3. 有你個名既地址証明正本
  4. 一個可以收到 SMS 既大陸手機號碼(因為你申請過程中要收個SMS打認証碼比佢既)
  5. 一千蚊 (你入完可以拎番出黎)
  6. 稅單,佢建議你比埋,唔比都開到既
  7. 第三張有你名同想既証件,可以是你的員工証、Passport、個人八達通都得

我就係差D奶左最近一樣,點知搵搵下又比我搵都張証,佢地又收。咁就搞掂左。

你帶齊料,上去排隊,D Staff 就會幫你搞。搞完個戶口即刻可以用,如果你本物 D WeChat 同 Alipay 已經實名左,仲可以即刻綁定埋,如果人少少,你可以問下D Staff添。

PS: 當你用完香港 PayMe, Alipay HK 同 WeChat,你再用大陸既,你會覺得成件事好9流流,打個 Password同 Account No,再收個 SMS 就綁定左,成件事好 Cra9zy…作為IT小汪汪既我,都係提提大家小心一D。