Awa

Awa ta e di 3 prinsipio di salud pa e ser humano. Hutu ku un bon nutrishon i ehersisio diario, e awa ta nesesario pa e kurpa por wordu hidratá. Si e kurpa falta awa e ta kuminsa seka di paden.
Tur dia nos ta tende ku mester bebe sufisiente awa. Pero dikon mester bebe awa?
E ta sasia set di tantu ser humano i di animalnan. Awa su funshon ta pa limpia tantu parti paden i pafo di nos kurpa. E ta util pa laba kita sushi i bakteria. Tur kos den nos kurpa ta konsisti di gran mayoria di awa. Awa ta di gran importansha pa mantene nos saludabel. E ta é komponente basiko for di kua tur kos ta eksistí.
Un glas di awa ta fungí komo un baño pa nos sistema di digestion, pa limpia i refreska. E ta laba kita e venenunan den nos sanger ku ta sirkula dor di nos nirnan. Nos nirnan mester traha mas duru, si e no ta risibi sufisiente awa.
Awa ta fungi pa disolve, un medio pa transportashon, regula temperatura i lubrikante. Nos sanger, pulmon, kurason i nirnan ta konsisti di 80% di awa. Nos selebro, nervionan, igra i kueru ta konsisiti di 70 % di awa. Asina bo por mira ku awa tin su rol importante den nos salud. No solamente esaki, pero pa dia nos ta pèrdè 2 liter di awa, kual ta igual na 80 oz di awa (urina, bai af, sodor i respirashon). Ta pesei nos mester bebe 2 liter di awa tur dia. I si nos no hasi esaki, nos lo sufri deshidratashon. I 10% òf menos di awa den nos kurpa, por hiba na morto.
Otro kosnan di bebe no ta apto pa purifika manera awa. Limonada i kòfi no por limpia paden di nos kurpa. Tur e proseso kimiko ku e kurpa ta pasa aden, ta rekeri un suplemento manera awa pa mantene e kurpa den funshon efisiente. Si nos no tabatin awa, e kurpa lo a sufri i no por funshona apriopiadamente. Falta di awa ta seka nos paden i hasi daño. E ta hasi nos sanger diki, nos ta kore risiko di por haña ataka i malesa di kurason. I tambe duna nos dolor di kabes, kansansio, fatigashon i no por bai af bon. Den malesa òf salud, awa puru ta e miho eskoho bendishoná.
Den malesa òf salud, awa puru ta e miho eskoho bendishoná.
