Bo bida sosial (3)

Den e dos prome partinan di “Bo bida sosial”, nos a duna un splikashon ku bo bida sosial tin efekto riba tur e arianan di bo bida. Bo bida sosial ta bo famia, amigunan, bo koleganan, e relashon of matrimoio ku bo ta den, e klub ku bo ta forma parti di dje, etc. Pues ta trata di hendenan ku diariamente ta rondo di bo.

Si bo bida sosial no ta saludabel, esaki tin konsekuenshanan no saludabel den bo bida. I esaki ta trese diferente malesanan i problemanan pa ku bo salud. Den e di dos parti di e tema aki, nos a forma un lista di kosnan ku bo por hasi pa retené, mehora bo bida sosial, pero tambe kon pa evita un bida sosial no saludabel.

Den e ultimo parti aki, nos lo menshona e benefisionan di un bida sosial saludabel. Ta den kontakto ku otronan, tin un relashon saludabel i mantene esaki tambe asina, tin benefisionan pa ku bo salud tantu, mentalmente, fisikamente, emoshonalmente, spititualmente i sosial.

E benefisionan ta lo siguiente:

  1. Un bida sosial saludabel ta yuda bu drumi miho
  2. Boost bo immuunsysteem
  3. Lo bo disfruta di un kurpa saludabel
  4. Enrikese bo sentido di balor i proposito
  5. Preveni/redusi depreshon
  6. Fortalese bo felisidat i baha strès
  7. Mas produktivo
  8. Mehora bo konfiansa propio i balor propio
  9. Bo mente ta keda alerta
  10. Kontakto sosial saludabel ta yuda bo deal ku trouma di, malesa, divorsio, morto di un ser kerí, perdida di trabou
  11. Un bida sosial saludabel por fortalese i enkurasha bu spiritualmente
  12. Personanan ku mas sosten sosial tin e tendensia di biba mas largu, kompara ku esnan ku ta biba isolá
  13. Enkurasha bo pa kambia of preveni desishon di un bida no saludabel, manera bebe alkohòl, uso di droga, etc
  14. Preveni soledat
  15. Lo bo disfruta di un bon salud mental
  16. Kontaktonan saludabel por yuda bu den momentu di hasi eskohonan difisil
  17. E por asta redusi e risiko di haña demensia